Yesterday police for Lagos come arrest one 40 year old Adeyemi Stephen Akintolure wen be fake doctor, the man dey form dey go say he na doctor for Lagos University Teaching Hospital, LUTH, and he come even do fake doctor Id card with no 13541 and say he na surgeon and gynaecologist.
The fake doctor don use yahoo yahoo style take obtain N500,000 from one Joy Umosekhaimbe.

When police come question the fake doctor he come say he na Ondo state guy, and he they read marketing for OAU as part time student, he say na only like 10 mugu he don treat, say he treat the people for malaria and typhiod, he even say he dey give injection because a get one small experience for on hospital wen then they call Rivic Hospital for Akure. he come say he dey use he wife car as mobile clinic, he say nor be obtain he obtain that N500,000 from the woman, he borrow the money from the woman take treat he brother but na N260,000 nor be N500,000.

when them come ask am how he take get the Id card, he say he don am and sign am for one computer center, and he dey collect like N3000 to N4000 to treat one person.
he say he don they do this job for four years now.

The police come say dey receive petition for July say one Adeyemi Stephen Obtain N5ook from one Joy Umosekhaimhe, so they come write letter go give LUTH for that same month to check how far on Akintolure.
but LUTH come reply them for October 10th that the man nor be their guy, he nor dey work for their company, dey nor give the man any ID card.





http://bishopjoe..com/2013/10/police-don-arrest-fake-luth-doctor.html