MOOMSI MI by Bashorun

Wey sabi me wey love me well
Wey buy me two pako teddy bear
Come tell me say 'omo nor fear'
Moomsii mi

Make I no lie nnè m too try
Saturday morning akara dey fry.
She dey pet me when I dey cry
Moomsii mi.

Miile I salute ur govment.
Ko Iye I love your antecedent
Mama mi your sweet pass condiment.
Moomsii mi.

I no go lie say I no chop slap.
Better one wey sound like thunderclap
All of dem save me from future trap
Moomsii mi.

E be like say Range go too small
To buy mama for wetin I dey recall.
After all, who fit forget all those Health 4 ball?
Moomsii mi.

Who get ear make im hear my voice.
Make ya life beta with godly choice
Your mama suppose dey make you rejoice.
Moomsii mi

Make I no forget paale wey sure
Dat man get eye marry woman wey pure.
I dey pray make my woman be cure.
Like Moomsii mii

Dedicated to all mothers especially Iya Bashorun.