nawah for the problem wey oga presido jonathan don cause ooo.my close pally wey we write GCE together wan break up with im fiance because federal govt don remove subsidy for fuel.the guy be plan to marry im fiance dis coming Feb and me sef be don dey plan big for the weddin as the best man so the thin come shock me as he telephone me yesterday afternoon dey tell me say e no wan do the wedding again.i come ask am why nah and e come tell me say na because jonathan remove subsidy from fuel.he say he no sure if he go fit withstand the wahala wey go come dey the marriage if the cost of livin come too increase because of the removal of fuel subsidy.he say how he go fit put im woman for house plus pickin wey go come by the way and all of them go come dey depend on im slim salary wey he dey earn as a bank clerk for one of the community banks abi na micro finance bank.im babe don already come my house dey beg me make i convince my pally to marry her this Febuary and i don try convince am but the thing no work ooo.he say na abroad he wan travel and as i be im pally make i assist am come uk make he come hustle and marry one fine oyibo girl.i ask am what about im fiance and he already don tell me say dat one na past tense as far as he is concerned.i don tell im fiance make she forget the bobo and start to dey look for another guy to marry her but she say as she don near almost thirty yrs dat one go come hard.Omo nairlanders na wetin una think for this matter?

This is highly plausible and exactly the kind of effects one would expect. Wetin I think ? Wetin the guy go do ? Im gatz survive na !

Even my babe wey travel dey give me concern now because im travel and she bi dey borrow money come now, as in tell me, the tin dey my neck

As P Square said, Wahala dey