|Register On Nairaland / LOGIN! / Trending / Recent / New|
Stats: 2,909,400 members, 7,017,384 topics. Date: Monday, 15 August 2022 at 02:29 AM
|A Young Mother's Monologue (a Tribute To Nursing Mothers) by lagtim(m): 9:25am On Sep 12, 2016|
Belle dey worry me before.
To sleep sef, dat one na yawa
because say I wan born pikin;
now wey I don born,
pikin come dey worry me
I tap my husband, make him wake up,
make him change Baby pampers,
make me sef close eye small,
he say that one na woman job,
when e dey sweet am,
him no talk that one o!
See as this yeye man dey snore,
no be him give me belle ?
No be him pikin I carry ?
Shebi him talk say him go love me tire ?
Shebi he talk say he fit die for me ?
No be now now night just fall?
I never close eye reach one hour
cock don crow already
Baby dey suck suck
Baby no gree me sleep
As Baby reach three weeks,
my yeye husband come again
he dey smile, dey rub my back;
e be like say I recover fast fast,
he tell me say I don dey fine again o,
he wan make e dey sweet am again !
Also available on this blog.
A big thanks to MrAjayi for publishing the poem on his blog
|Sections: politics (1) business autos (1) jobs (1) career education (1) romance computers phones travel sports fashion health |
religion celebs tv-movies music-radio literature webmasters programming techmarket
Nairaland - Copyright © 2005 - 2022 Oluwaseun Osewa. All rights reserved. See How To Advertise. 22