₦airaland Forum

I been no beg to be born
Yet mai Mama push me out
I been no beg for una passport
Yet na Naija I bi
When I come beg for job
Dem say I need training
So I kuku beg for training
Dem say ‘Sharrap that yua mouth’ sight...

Lol. Let me add to your poetry

My mama na houseboy
My papa too na houseboy
Me self grow for gutter
My babe say I be badluck
I carry block na so I faint
I eat for dream I still pay
I cook food salt too much
Even the hair for my jaw dey scratch me

Lol. It will be fine, sis. E go better...

Lol I been no beg for tribe
Yet I come from awa place
I been no beg for enemies
Yet the next village
Dem no laik us at all.
When I come ask for peace
Dem say we need justice
So I kuku beg for justice
Dem say ‘Sharrap dat yua mouth’.

Lol. Nice

Ah!

Na me be Okonta the village hunter
I put fish for trap set for bushmeat
Rat wey I set trap for chop my fish
The rats for my village na agbero
I roast rats for stick dem steal am
I plant yam for farm dem harvest
Na my village people turn to rats
But naija say my suffer never mature

Two jonsing folks. Lol

Akalia:
Two jonsing folks. Lol

Haba!


I waka pass, dem say something smell
I ask them whether dem don baff today
But true true..na my mouth dey smell o
Naija poverty dey smell for my body
I greet my papa he say make I kneel down
My uncle ask if I know why, I nod my head
E ask wetin? I say my mouth dey smell
But na Naija make my mouth dey smell

Wetin sef!

I no beg for religion
Yet dey give me cross, say I b xian
I no beg for tribe
Yet dey gimme d name Ibe, say I b Igbo
I come beg job for west
Dem say I b Omo Ibo, say make I go my state
I Come go beg for my state
Dem ask me "wo sent me? "
I say here na my state
Dem say sharrap dat yua mouth

Lol. This could be fun


My last work after NYSC na shoe maker
My name no be Musa, Kabiru or Adamu
I trek sotey all my shoe get stretch mark
Dem bin say I go pick money for dis Lagos
But all my bank acants don get heartbreak
The trouser wey I wear na rope I use for belt
I too lepa I dey pick race any time I smell rain
Bro Mac, you fit help me beg my village pipu?

No money for school fees
But I try pass after dem pay
After 10 weeks
Enter university, I bliv say God dey
Na konkiri come b d work wey we dey do
Dem tell me make I join gang wey dey push
Meet DG make him give me work
Who send you?
Na mind wey I get na im carry me come!
Hin look me finish na so I about turn
O God! Why wasn't I born a jap or jew

...

Welcome bros.


I no need una radio
My belle dey sing for me
I no need una joke
My whole life na comedy
I boast I go kill me
Nobody even send me
I no want degree again
VC where my school fees?

Sapiosexuality:
Lol. This could be fun


My last work after NYSC na shoe maker
My name no be Musa, Kabiru or Adamu
I trek sotey all my shoe get stretch mark
Dem bin say I go pick money for dis Lagos
But all my bank acants don get heartbreak
The trouser wey I wear na rope I use for belt
I too lepa I dey pick race any time I smell rain
Bro Mac, you fit help me beg my village pipu?

Gimme your village pipu address

I no sabi blow English but I fit tell you say I LOVE YOU..
My Geography na kpom kpom but I sabi sayWHERE you live; na in my HEART
I dey bad for History but i REMEMBER di first time i see you..
My Chemistry na zero but I can tell wetin be di REACTION when you smile
I am BAD in PHYSICS but I sabi di INTENSITY of SPARK in my EYES when dey SEE you...
I fit be olodo for every subject but make I tell everybody now; I go pass all subjects if di TOPIC na YOU..

Every where,
Even before before for Naija
Dem dey take honour
Tell country people
Wey do better thing dem
Well done.
Person do better sport
Dem go take honour
Tell am well done.
Person write better write write
Dem go take honour
Tell am well done.
Person play better politics
Dem go take honour
Tell am well done.
Person do better business
Na honour dem go take
Tell am well done.
Better every every
Dem go take honour say
Well done.
Now di moto don enter reverse,
Now
Naija dey dishonour honour.
Today dem go catch country person
Wey dey thief Naija money,
Tomorrow dem go carry am go court.
Next tomorrow
Court go give am bail,
Case file go waka,
Case go finish.
Next year
Di country person
Go show for honour,
Naija dey dishonour honour...

Everywhere for Naija
Na wahala.
For right
Na wahala.
For left
Na wahala.
For centre sef
Na wahala.
Wahala full Naija...
If e no be “Igbo Presidency”,
E go be “Yoruba autonomy”.
If e no be “Ogoni self-government”,
E go be “Ijaw republic”.
If e no be “Boko Haram insurgents”,
E go be “former Niger Delta militants”.
If e no be “cashless economy”,
E go be “five thousand naira note”.
If e no be “subsidy scam”,
E go be “Bakassi”.
If e no be dis,
E go be dat.
Wahala full Naija.
Even inside di Villa,
Wahala don enter.
Madam di madam
Dey for yonder
Dey take treatment
For belle bite.
Wahala full Naija....

I forget this thread. I dey come

If I dey lie make I baff N'aked

My CV for hand I greet her ma

Pikin of 20 dey look me one kind

Like say I too worwor for the job

Yes I worwor, na naija make me worwor

I greet her again 'who dash you ma'

She look me 'hiss' my body dey hot

I tell her say I want submit my CV

She stretch her palm I drop the thing

She carry am like say na tissue paper

I ask her make I dey go she form deaf

The 3rd time she move her middle finger

I get the message na so I waka comot

For this naija I don eat different type of shi't

Small pikin shi't

Big person shi't

My mate shi't and

Craze man shi't but God dey

I remember
Dat time for Naija
Wey be say
Everything we dey talk
Na good luck.
Musician dem
Dat time na good luck.
Write write people dem
Dat time na good luck.
Farmer dem
Dat time na good luck.
Fisher dem
Dat time na good luck.
Even trader dem
Dat time na good luck.
I remember
How we take enter
Dis good luck wahala.
Now
Good luck don waka,
Bad luck don enter.
I remember
Dat time for Naija
Wey be say
Everything we dey talk
Na good luck.
I remember
How we take enter
Dis good luck wahala...

Naija people dem,
Dem dey gossip gossip,
Dem dey yan say
Presido no dey sharp,
Dem dey yan say
Presido only sabi chop chop.

For newspaper
Dem dey write write.
For radio
Dem dey talk talk.
For television
Dem dey talk talk.
Dem dey yan say
Presido dey lavish money.

Naija people dem,
Dem don carry yan go facebook,
Dem don carry yan go twitter.
For blackberry sef
Dem dey ping ping,
Dem dey yan say
Presido wife no sabi nak gramma.

Di bad bad yan
Wey dem dey yan be say
Presido dey shack ogogoro.
All na lie lie,
Presido na coffee im dey drink,
Presido no dey shack ogogoro,
For that one
Me, wey be Abatalk
I go swear for Presido....

Warehouses
Don turn to worship houses.
Companies don waka,
Churches,
Mosques
Na dem dey now,
Everybody now na prayer warrior.
You need water
You go borehole go buy.
You need security
You go police go pay.
If you need light
You buy generator.
Petrol nko?
You buy from black market.
Every day,
Every day
Dem dey yan say
2020 na di year.
Na di year
Wey light go shine well well,
Wey water go flow everywhere,
Milk and honey sef go flow.
2020 wey dey run dey come so,
Wey be like tomorrow
Na im be di year
Wey every every go boku,
Wey better life
Go yafu yafu for Naija.
So we siddon dey look,
Dey listen to this kin yan.
Reply With Quote Sha...

Thread for jobless Nigerians?

AlwaysUltraPad:
Thread for jobless Nigerians?

Lol. Poetry in Pidgin. It's not easy. Always Ultra Pad?

AlwaysUltraPad:
Thread for jobless Nigerians?

I'm going to work right now.. Its 6.25 am I just love pidgin emglish

Nina4u:
I'm going to work right now.. Its 6.25 am I just love pidgin emglish

pidgin is the best "alternate" thing ever created out of English.

How do you learn pidgin?

AlwaysUltraPad:
pidgin is the best "alternate" thing ever created out of English.

How do you learn pidgin?

its been many years and lot of friends I had on fb that got me into it

Nina4u:
its been many years and lot of friends I had on fb that got me into it

brilliant!

And I'm sure you'd learn more here on nairaland.

Sapiosexuality:
Lol. Poetry in Pidgin. It's not easy. Always Ultra Pad?

it's not easy.


Yes, that's the moniker. You like it?