trytillmake:
e don reach like this, good development, but javaman i wanna ask, do Nigerian firms still use java for both desktop with enterprise apps that much, i think c# has taken over the market; just asking.

IniUbom:
Link?

javaMan2346:
You want to learn java in pidgin language, just place a comment show interest... I would start the course from simple to advance all in pidgin

Part 1
1.History of Java language
2. Java Language vs C++;
3. Java Data type
4. java Operators
5.Control Statements in java

javaMan2346:
You want to learn java in pidgin language, just place a comment show interest... I would start the course from simple to advance all in pidgin

Part 1
1.History of Java language
2. Java Language vs C++;
3. Java Data type
4. java Operators
5.Control Statements in java

javaMan2346:




Wetin oyinbo dey call data type

The name of the container wey we take dey store things na wetin oyinbo dey call "Data type". The container we take dey store things dey two.
the first one na the container wey fit store one thing at a time. Onyinbo dey call am "Primitive Data Type".The second one na the container wey fit store more than one thing.Oyinbo dey call the second "Reference Data Type".We go talk about this one later.The one wey fit store only one thing at time be eight.Na 8 container name na we get for java wey dey first category. All the container get there own name. Make I tell you wetin dem fit do;

Chukwudi: I beg javaMan2346 make we know wetin be there name.

JavaMan2346: Chukwudi,you see as Nigeria get name na so this container get there name. There name na "int","short","byte","long","float","double","boolean" and "char".

Chukwudi: Wetin dem dey do.

javaMan2346:My friend, for java we dey use the container to store something.The something, Oyinbo dey call am "Values".

for normal society, you no fit see human leaves inside holes, you no fit see man go inside woman toilet. Na so this container get name so that you don't put something meant for goat for human.Wetin i mean be say, you no fit store inside a container wey suppose hold numbers,come give am letters. Java no gree make you put something wey be letters for number containers.

Format of writing your first Java program
Before we continue for data type(container name) matter, I want make you know about the following koko.

Koko 1: All wetin you write for java must be inside a house. I mean say all wetin you go write or do for java must dey inside a house wey oyinbo dey call "BLOCK".

Koko 2: Java get many house. To build house for java, you go use "{}". Java get the biggest house. All other small must dey inside this house. To create the biggest house, we dey use java word we dey java dictionary wey oyinbo dey call "Keyword". The keyword na "class" or "public class".

Example: class className { Na inside this house other small house go dey }

koko 3: all the house must get a name. Na only the biggest house fit have "class" or "public class" keyword.

Example: class NigeriaBank { Na inside this house other small house go dey }
for the above the house name na "NigeriaBank". Na so all the biggest house dey get Name. if you no put "class" or "public class" at the back "NigeriaBank", java no go undertand the kind house wey you dey build.

koko 4: All java must get the central door for the owner(JVM) of the house to waka enter every rooms for your house.No forget say all the small houses(rooms) must dey inside the biggest house. To build the door for the owner, we dey use
public static void main(String[] args){the mighty door opens}

Summary format for beginner
public class NigerianBank{ public static void main(String[] args){ the mighty door inside the biggest house named NigeriaBank} }

For the next time wey i go show here, we go dey talk about more about data type and the mighty java door.

javaMan2346:



JAVA DATA TYPES AND BRIEF PRINCIPLES OF OBJECT ORIENTED PROGRAMMING
before we continue the matter for java make we first talk about wetin object oriented be. object oriented language na the language wey dem use human be character take write.Wetin i mean be say na the language wey take almost the character of animals or human being for consideration. For Human being we get Class(e.g Rich or Poor) na so object oriented self take get class.Human being fit hid the way him take dey runs things na so object oriented dey hide the way him take do some of him thing.Na when you hid the wey you take do your thing, for object oriented we dey call am "Abstraction".If you born pikin, and your color come be black. Your pikin fit resumble you make get him your own color or your granny color. We say your pikin don take after you or your pikin get wetin you self get. Object Oriented Programming dey call am "Inheritance". My brother, For America one person fit dey wash person yansh.the same person dey do gatemen, dey do capenter and so on. Or you fit turn your self to woman wey do woman work and latter to man dey do man work.We dey call this kind behaviour like this in Object Oriented Programming "Polymorphism".Therefore, All Object Oriented Programming get three common behaviour(Three Principle).
1.Abstraction(functional hiding).
2.Inheritance(Data extension).
3.Polymorphism(Object in many forms);

javaMan2346:
You want to learn java in pidgin language, just place a comment show interest... I would start the course from simple to advance all in pidgin

Part 1
1.History of Java language
2. Java Language vs C++;
3. Java Data type
4. java Operators
5.Control Statements in java

javaMan2346:
Ladies and gentlemen, something tragedy happens to my enemies last year toward this year. It is an honour to see people messages. I would now be active now!!!

Operators in java

E get the thing wey oyinbo dey call operators. Mathematicians dey call am self operator. Operator na wetin we dey take change values for java. English language get operators wey dem they write English well well. If you want write correct English, you go follow their law.

Chukwudi: javaMan1346, persin fit do maths with Java?

JavaMan2346: chukwudi, everything wey dem teach you for math for primary school, you fit do am for java.

Chukwudi: wetin operator fit do.

JavaMan2346:
1. Operator fit change plenty things(values) to one thing.
For primary school,
2 + 2 na 4;
2 x 3 na 6;
8 - 3 na 5;
10 / 5 na 2;
20% na 0.2;
2 +8 = 10;
Bros, '+', 'x', '-', '/', '%' and '=' na operator for mathematics.

Java Maths Operator
Bros, '+' for maths na same same for java. Plus na to make two small things turn to one big thing. Java dey use am for both nomba and English words. For small pickin in java, you fit join anything for java to bcome one with plus.

Example:
1+ 2 na 3;
"Come" + " Here" na. "Come Here"

Bros, 'x' for mathematics na '*' for java. The wey you dey use am for maths na so you go use am for java.
Use '-' and '/' as you dey use am maths for java.

Cc okontami, khaerl, k22, asamlipo,chileads, iniumbo, and others

Still typing...

javaMan2346:


Opeator wey get two answers(operators that returned boolean values)

Chukwudi: javaMan2346, wetin be operator wey get two answers.

JavaMan2346: If you ask computer questions, he go give you answer like "true" or "false".

Chukwudi: Wetin I fit ask computer.

JavaMan2346: if you ask computer questions like, 'Are you mad?'. Computer no go answer you with 'true' or 'false'.

If you want ask say something small pass that one, use "<".
Example

Pidgin question: 2 small pass 5?

Java question: 2 < 5

Computer reply: na true.

2. E big pass that one, ">".

Example

Pidgin question: abeg, 2 big pass 5?

Java question: 2 > 5


3. E small pass am or be the same thing, "<=".


4. E big pass am or be the same thing, ">=".

5. E be the same thing, "==".

javaMan2346:


I want write java code but I no know how I go take start

Koko 1: you go buy computer wey oyinbo dey call laptop. Make you connect am to internet. If you no know sabi connect to internet, make I know.

Koko 2: make you download "google chrome". Inside google search box, make you type "download java jdk". Make you look for the jdk wey dey for window.

Koko 3: for inside google chrome, download "notepad++". Na wetin oyinbo dey call text editor. Na this place you go dey write your java code.

Koko 4: for inside your computer, make you create folder, call am "Code" or any name you like.

Koko 5: for inside your folder, make you create something oyinbo dey call file. Give am name like "checkamforme.java". Make you open the file with notepad++. Make you type the code wey dey under koko 5.


public class checkamforme{

public static void main(Strings[] cmdInput){
System.out.println( 2 > 5)
}
}