AKPORS LETTER TO HARMATTAN Bros H how far na? My country
people dey hail you oooo! I know
say wherever you dey now belle
don dey sweet you because
time to show your talent don
reach, but Bros as I dey write you this letter I dey on my
knees, I take god of ASUU take
beg you, let by gone be by
gone, abeg I know say we don
offend u but please forgive and
forget! Last week I see oga rain as im
dey pack im load sake of say im
wan go on holiday, naim I ask am
say hw bros H na, d way d guy
reply me I knw say wahala dey! Our lips are in trouble, naso e
go just dey tear anyhow, if we
do mistake baff cold water naso
we go dey shake like nokia 3310
on vibration, we no go fit knw
which one be public bus or private car again becuz dust
don finish their body! Girls no nid to use brown
powder again na to just stand
for outside make dust cover
them! No matter d cream we rub even
if we rub 6 gallon of palm oil our
skin go stil dry like envelope
wey dem take send letter bomb
to dele giwa. Bros na beg we dey beg,
postpone your visit till next
year! Bros na we we ooo thanks! Your faithfully AKPORS
Victim of harmatatiaisis