OGA BIGI BOY

You no dey drink pure water; your style na bottle things
You too like woman; you no care if she fat or thin
Clubbing na your hobby; in fact you don marry am
Na browsing sure pass; looking for whom to scam
Even when you dey sleep; you still dey form swag
Humility no dey show for your face; your body too dey brag
Oga Bigi Boy! Oga Bigi Boy! Oga Bigi Boy!

Oga bigi boy! You just dey spend the money as e dey come
You no sabi save, even you your stomach sef na drum
You no dey hear advice; your parents sef don try
You dey live your life so wild; na every time your mother dey cry
As you dey waka; you just dey step on toes
You character just dey magnet different foes
Oga Bigi Boy! Oga Bigi Boy! Oga Bigi Boy!

Chai! I hear say Oga bigi boy don sick
Lapi don spoil and brokenness don thick
You need to see his face; his swag was so cold
The ever gallant Oga bigi boy was far from bold
Damm! Things fall apart; the ocean has gone dry
Surviving or dieing became a very solid tie
Oga Bigi Boy! Oga Bigi Boy! Oga Bigi Boy!

(Olowo Tosin John)