I read am I no understand, I digest am e no gree go, Abeg my fipol na tru tru say dey ban Igwe abi na lie?

Bros, if na tru tru, I cry for dis our obodo naija. De Igwe wey mi I dey read hin ajasa for Nairaland, na apostle of TRUTH and do tins well well. E go dey talk say mak fipol no de do magomago for de moto wey dey wan sell and giv us d VINN numba. If na because hin tanda gadagba for de side of truth, una take sack commot. My broder naija get long waka to waka before ole, gibiti, afo wo ra and keni ma ni, fit comot for our land.

Dis igwe tin bi lik, de stori of one family, wey they boy dey tifi tifi, de mama dey beat am say mak hin stop, but instead mak de papa join de woman change de boy, de papa go dey halla giv de woman again. Fipol go waka com, com halla say de boy don tifi somtin, de papa go tell dem say mak dey non vex but d papa fail to correct d boy. D mama halla so tay, d papa no gree correct hin pickin.

One ogbonge monday, d pickin go tifi again, fipol com follow am com house, na hin mama dey meet for house, she beg dem say mak dey no vex, after de fipol waka, d mama beat the pickin well well, e no giv am chop eat. Wen de pickin fada com back see bulala mark for hin pickin bodi, e ask say who beat am, e talk say na hin mama, wetin e do, e no ask. E grab hin wife beat so tay, blood comot for her bodi, on top dat e talk say mak she pack comot for hin house.

Bros, two months waka, dat saturday com come, NEPA dey, 12 0' Clock nak gbam, for AIT on top crime fighter, de boy face show gadagba gadagba. Shame wear hin fada lik wrapa, no bodi wan associate wit am, people for street giv am plenti name, na shame drive am comot for d place.

My people say, good NAME beta pass GOLD AND SILVER. If peson do bad tin abeg mak we 2+2 together tell de peson say d tin wey do BAD. END OF STORY GBAMMMMMMMMM.
[size=20pt]
E je ka se dada koba le yewa kale.[/size]

^^^^ Good one.

Hehehehe Mr Nothing-Spoil

sometimes e dey do me as if this nairaland na exact replica of how naija be in terms of politics etc. May God help up.