love am or make you hate am, IBB na de only ex-head of state wey dey make any sense in recent days.  dat man dey exhibit wisdom attimes with sagacity and perspicacity, wey dey quite interesting, to say de least.

methinks IBB don already see say yar'adua no go complete his term, and him know say, northern leaders go pressure goodluck to resign, in de name of ogbange federal character.

na because of this IBB sensibility wey him take call for de elimination of de federal character thingy. indeed, while i get my reservations about de man, i completely agree say, de federal character ting need to be eliminated.

my prediction be say, if de president office becomes vacant, goodluck go rule nigeria until yar'adua term expire. after dat, another northerner go rule for 8 more years. de Yoruba people go support northerners since OBJ been use him own 8 years. yawa no go gas because even prominent igbo leaders go support de scenario. peace go reign for naija, come what may. 

de only people wey go vex, be our eminent armchair warriors and seccessionists, wey dey strategize for war, from de comfort of their living rooms in diaspora. people like dede1, eziachi, onlytruth, and possibly our resident MEND warrior who is based in the deep creeks of diaspora. i no go mention de mend warrior name, because him dey for good behavior lately. it suffices to say him name dey almost synonymous with nama.