What a jagbajantis!
Our kontri don turn rigor mortis.
Dem de fight korruption
Wit ghost for everywhere.
Maybe na even assumption
Say dem fit hide money anywhere.
Minister de tell lai,
Even for national TV.
Upon man satifikate and tie
Work scarce lak say e no get CV.
Dis kontri get meni dgibiti people
Wae just de chop all the yams.
We say na work of the devil,
Even the herdsmen wae destroy farms.
Abeg na who de buy guns for Boko boys
To take finish a whole community?
These days poor man no fit rejoice
Because sae him no see electricity.