Police for Delta State don start search for one Mr. Orutebe, wey give him 14-year-old daughter belle for Ugboroke wey dey Uvwie council area for d state.
Dem talk say Orutebe, dey around 40years and him don run comot for house after him bin don already confess say na him give d girl belle.
The man na from Ogulagha kingdom for Burutu Local Government Area, Delta state and him get two wives.
Dis gbege start wen dia neighbours start to dey see signs say dis girl fit don Carey Belle o.
As dem ask am weda she get belle, na im she confess say her na her Papa bin dey sleep wit am.
One of dia neighbour on Thursday follow talk say,
“As we dey question d girl na imm she confess o. D small girl bin no even know say she bin get belle sef say d only tin na say she notice as her belle dey big dey go.
“The girl still follow talk say her stepbrother wey don follow run comot, na him bin disvirgin am and him don dey nack as steady since den.
One person sef follow tell PUNCH Metro say d leader for dia community bin don get dis info and dem him sanction am for incest.
One senior police officer for the Warri Area Command confirm the matter, come talk say the police bin dey search the man for everywhere.
Wen dem call d state Police Public Relations Officer, Mr. Andrew Aniamaka, him talk say him never hear of dis matter yet o.
Him say d only case wey him hear na the one wey dem report for Ogberikoko Police Station wey dem talk say one fake quack doctor bin do abortion for 19-year-old girl.

Source : http://newsinpidgin.ng/one-man-don-give-him-14-year-old-pikin-belle/

D wey delta men dey give there pinkin belle no be here