Ihe omume a bụ iri ji ohuru nke ndi Nollywood Igbo Festival of Arts & Culture emere na Queens Suite Hotel, Awka, Anambra Steeti.

Ọ bụ Independent Media Support Organization (IMSO) na Igbo Film Forum (IFF) Nollywood haziri ya bu nme-nme.

IFF malitere n'afọ 2010 site n'aka onye nkiri nkiri Nollywood na Director, Igbo Film Festival Ogbuefi Comr. Harris Chuma, nke a maara dị ka Ogene Ndi Igbo

Isi okwu nme nme a bụ "South East: The Actualization of Igbo Film Production Practitioners" na olu ndi iti bụ iji mee ka ndị na emepụta ihe nkiri onyonyo nweta ozi ọma igwe mmadu, nwere ike ime ka ha nwee ike ịnweta ike nke sinima ma kwalite obodo Anambra dị ka isi ihe nkiri na mba Nigeria

Nweje-Anyalowu, Paul Chukwuemeka onye a ma ama dị ka "NAPC", Onye nkụzi Mahadum Clifford University Owerrinta ma bụrụkwa onye nhazi nke Uniafrika, ka ọ na-abata, ọ kwụsịrị iji kelee Ezigbo na Adamawa, HRH Eze Solomọn Ebis. Ndị nta akụkọ nọ na-ese foto iji laghachi n'ụwa, koro ụwa maka ihe omume nke ubochi ahu.

Ọ bụrụ na ị ile anya na foto a nke ọma, ị ga-ahụ kwa Hon. Tony-Uche Ezekwelu (Ọchiaha Ndi Ntorobia), Ezenwafor Jude Digar (Mmiri Igbo, Digar government, Eze nwa chi na emere), Acharaugo Ada Ndigbo Okogbuo (Acharaugo nke mbu na Nollywood), Marydeus Onyemena (Miss Koi-Koi na Nollywood), Nze Ezenwafor Peter Odera (Dike Ndi Igbo - Igbowood), Agbọgidi nke mbụ na Nollywood, David Nwasike (Onye isi oche ndi Da Flawless Signature), Sharon Ifedi, Nwa Ada Igbo, Ndị Eze na ndi Ugo eze nke ndi iti na akpọ 'Queens', ọ bụrụ na'm ka n'akpọ aha, agaghị m akpocha akpocha maka na igwe mmadụ erika.....

Ihe juru anya n'ime ụlọ ahụ ndi iti na akpo 'Hall' bụ ejiji ọdịnala nke ndị niile biara nme nme a jiri, nke na enye aka n'ịkwalite ụkpụrụ omenala na ùgwù nke Ndigbo.

Igwe ndị dị ka Ọja, Ekwe na ndị ọzọ gbakwunyere agbà na ihe omume a site na ụda olu ha na ụda olu nke na-agbaze obi onye agha, dịka ụda olu ndị dị na ụbọ akwara David.

A chọpụtara ihe omume a n'ime afọ asaa gara aga, nke nọgidere n'eme ka ndị mmadụ nwee ike ịmalite ịbawanye ókè nke omenala Igbo na ụlọ ọrụ ihe nkiri. Dị ka Harris si kwuo "Nhọrọ nke Awka maka ihe omume a, bụ iji mee ka nchebe nke ndụ na ihe onwunwe dị na Anambra Steeti, na otú o si jiri nwayọọ nwayọọ gbanwee ebe ndị njem nlegharị anya na mpaghara ọwuwa anyawu nke ndi iti na akpọ 'South East'."

"Ka anyị na-eme omenala anyị, anyị na-ekwusi ike na a na-emegharị njem nleta na steeti n'ihi ebe nchekwa nchebe nke mmiri. Anambra bụ obodo Nollywood, anyị na-anabata ndi nkiri kpakpandoniile nke ndi iti na akpọ "Film Stars" na na-anabatakwa ndị nta akụkọ nọ na obodo maka nke a. Ọ ga-abụ nnukwu ụbọchị Ndi Igbo na Nollywood ". Harris kwukwara.

O kwuru na "IFF bụ otu ndị ọrụ nkiri Nollywood no na iwu maka ịkwalite omenala Igbo na asụsụ site na iji usoro nkiri/ vidio dị ka ezigbo okwu. Anyị kwenyere na site na iji asụsụ Igbo na-emepụta fim, anyị nwere ike ịkọwa akụkọ anyị nke ọma."

Onye isi oche, Anambra Steeti Chapter nke Nigeria Union of Journalists (NUJ), Comr. Emma Ifesinachi kwuru na ọdịbendị omenala nke Ndigbo mere ka ha dị iche na ọdịbendị ndị ọzọ. Mazi Ifesinachi kwuru na NUJ agaghị echegharị ka ya na IFF soro na akwado ihie omume na afor ọzọ iji nye aka n'ịkwusa ozioma nke omenala Igbo.

Onye nkwekorita na Director, IFF, Ogbuefi Comr. Harris Chuma, kwuru na òtù a enyela aka n'ụzọ dị ukwuu na mmepe na nkwalite omenala Igbo n'ime afọ asaa gara aga.

Ogbuefi Chuma chetakwara ndi mmadu na November 18 bu ndọrọ ndọrọ ọchịchị, ka ndi ntorobịa ghara itinye aka n'ihe ọjọ ma obu malite ọgbahara, ka ha kwe ka Uche nke Chineke mee na nhoputa ndi ochichi ga eme ka ndi mmadu di n'otu na Steeti Anambra.

Ọ kpaliri ndị ndọrọ ndọrọ ọchịchị na ọdị mkpa ka ha nwe mmasị ọha na eze, tupu ha enwe mmasị onwe ha.

N'akụkụ ya, Ezigbo na Adamawa, HRH Eze Solomọn Ebis gwara ndi Igbo ka ha n' enwe obi ụtọ n'asụsụ ha n'ọnọdụ ọ bụla, maka na asụsụ oyibo na achọzi inara anyi asụsụ anyi.

Igwe Ebis jara gọọmenti nke ugbu maka mgbalị ọ na eme ka nri Anambra zuo oke site na itinye ego n'ọrụ ugbo. O kwuru na Anambra emeela ka ndị ya na ha na-azụ ahịa mara na ego n'ọrụ ugbo, na mbupụ akwụkwọ nri na Europe na mba ndị ọzọ bu ezigbo ọmụmatu.

Enyemaka aka pụrụ iche nke di elu nye Gọvanọ Anambra Steeti na Nhazi Ndị Ntorobịa nke ndi iti na akpọ 'Senior Special Assistance to Ananbra State Governor on Youth Mobilization', Hon. Tony-Uche Ezekwelu kpughere na ochichi dị ugbu a enwewo atụmatụ dị elu iji kwalite omenala Igbo, dịka Ụlọ Ọrụ nyere maka ntụrụndụ.

Dị ka ya si kwuo, "Gọvanọ Willie Obiano hụrụ omenala na ọdịnala nke Igbo n'anya, ọ na-akwalite ọdịnihu nke ndị n'eto eto. O debere usoro dịgasị iche iji nyere ndị ntorobịa nọ na obodo a aka. "

Hon. Ezekwelu gwara igwe mmadụ ka ha tinye uchu na ikọ ugbo nke Anambra Steeti. Ọdụrụ ndi nile were atụmatụ igbochi udo na steeti ọdụ ma chetara ha na Gọvanọ Obiano ga anọgide n'akwado nchebe na steeti a.

Ihe omume nke afọ a gosipụtara ọtụtụ ihe omume dị iche iche dị ka ịgba egwú, ihe nkiri omenala, na akụkụ nke Iri Ji. Ọtụtụ kpakpando fim mere ka nme-nme a buru ihe turu anya.

Ndi dere akụkọ a bu:
*Nweje-Anyalowu, Paul Chukwuemeka,
*Ndu John, na
*Emea Ajike Eziyi

1

2

3

4

5

6

7

8

9

10

chachachacha ndi nsukka kwenu!!!

Nsukka deje nuooo!!!

Una no dey hear word. This yeye thing you call Igbo Festival of Arts and Culture?

Where is the art, or the culture?