As we know say kanu nwankwo and Austin Jay Jay okocha na two ogbonge players wey play for dis our country wey everybody like, d two senior men dem don been Captain super eagles before, wen dem two dey play, we know no how football take dey sweet us to watch den, as papilo go dey pepper defenders with dat him legelege body dey cos penarity wey we take dey win match, na so okocha go carry ball begin drimble d whole field with different skills wey him get, even up till now,we wey be Nigeria fans still dey Miss dem as dem retire from football. And as d matter be now, Nigeria never fit get Anoda player wey be like dis two players again.
Now make we take sufri check as dis our current super eagles squad dey, assuming e possible and dem say make Una bring one person inside okocha and papilo come back to come play for Nigeria national team again, WHO UNA GO BRING BACK? WHO UNA THINK SAY NIGERIA NEED PASS BETWEEN KANU AND OKOCHA FOR DIS PRESENT SUPER EAGLES TEAM NOW ?