Ghana presidential election results: NDC petition Supreme Court of Ghana to order Electoral Commission to conduct second election

Mahama lose di December Ghana presidential election to incumbent, Nana Akuffo-Addo.

Lawyers for Ghana's opposition leader, John Mahama petition Supreme Court of de land say made dem order Electoral Commission to conduct second election between NDC and NPP.

Dis be one of de reliefs John Mahama dey seek from de Supreme Court after dem file petition today.

Opposition NDC reject de 2020 Presidential Election results which John Mahama describe as "fictional" and "flawed.

"After dem hold series of nationwide protests calling on de Electoral Commission (EC) to reverse de decision in favour of de party.

Minority NDC members also storm EC office to submit petition on some parliamentary results but dem no fit do that as police block dem from entering EC offices.

Ghana Police after weeks of protest go court den secure ban on all NDC protests for Accra.

After all these developments wey emerge after de 2020 elections, de NDC put together dema finest legal brains who go lead de party in court with hopes say Supreme Court go reverse de election results.

Ghana Electoral laws dey allow political parties to challenge election results den stuff within 21 days after de declaration of results, de NDC dey take dis course on de last day which be today.