₦airaland Forum

Question

Na who you be,
wey you carry your yeye Monday craze
come jam me for my Friday enjoyment?
As I dey kampe,
with my bottle of Star
and suya wey I buy from Mallam Bala,
you come bring your yeye hand wey look like chicken waka,
come dey chop my goat meat with you big mouth like sallah cow!

Na who you be,
wey you dey talk about he and she
wey you no even sabi,
as if you no get your own big katako for eye?
Dem say dem say,
I hear, I hear,
na so so bad belle you dey bring everytime.
Me sef I no even try,
na because I sidon for near gate like almajiri,
na why you give me your gossip gossip
like say I ask you for your 50kobo.

Na who you be - tell me!
Na who send you,
say make you come throw sand for my garri.
Dis one wey you dey pose
like dem waka waka gehs,
wey dey 11pm until 5am
infront of NAF Club and Command Guest House,
wey dey wait for Oga carry me home,
and Mr. I no get wife for house.

So,
na because we do play play once
for back of stadium,
because of small kiss kiss and touch touch
wey no even sweet me sef,
because I no get data to Whatsapp
for dis economi wey no get head no get tail,
na im you come jack my dress,
come hold my trouser like padlock for prison,
dey shout for my head like yeye politician
wey wan chop my vote and chop my money after.

Kai, see me see wahala.

© 2017 WordsmithE

WordsmithE:
Question

Na who you be,
wey you carry your yeye Monday craze
come jam me for my Friday enjoyment?
As I dey kampe,
with my bottle of Star
and suya wey I buy from Mallam Bala,
you come bring your yeye hand wey look like chicken waka,
come dey chop my goat meat with you big mouth like sallah cow!

Na who you be,
wey you dey talk about he and she
wey you no even sabi,
as if you no get your own big katako for eye?
Dem say dem say,
I hear, I hear,
na so so bad belle you dey bring everytime.
Me sef I no even try,
na because I sidon for near gate like almajiri,
na why you give me your gossip gossip
like say I ask you for your 50kobo.

Na who you be - tell me!
Na who send you,
say make you come throw sand for my garri.
Dis one wey you dey pose
like dem waka waka gehs,
wey dey 11pm until 5am
infront of NAF Club and Command Guest House,
wey dey wait for Oga carry me home,
and Mr. I no get wife for house.

So,
na because we do play play once
for back of stadium,
because of small kiss kiss and touch touch
wey no even sweet me sef,
because I no get data to Whatsapp
for dis economi wey no get head no get tail,
na im you come jack my dress,
come hold my trouser like padlock for prison,
dey shout for my head like yeye politician
wey wan chop my vote and chop my money after.

Kai, see me see wahala.

© 2017 WordsmithE

True descriptive of the current Naija life