Sule: Dem say Mandela don dye Emeka

Emeka: You dey craze Sule, na you kill am?

Sule: Allah! I see for tv

Emeka: Nna Sule abeg carry your mumu sence comot hia. Na treat dem dey treat am.

Rasaki: Na oyibo country dem carry am go treat?

Ejiro: whoosai! South-Africa sef na oyibo country na, abi you think say na 9ja wey presido get malaria dey find treatment for Germany?

Rasaki: Our pple sef too mumu, dollars wey never reach us spend for 9ja naim we dey carry go dash oyibo? My grand papa dey mix correct agbo b4 he die. My papa say make we come Lagos na so we take nor sabi mix dat kain my g/papa agbo.

Emeka: Na unu sabi, if unu like talk 4rm hia till devil enta bottomless pit 9ja nor go change. Me I go enta hospital biz sharp sharp! If all of unu sick dat kain yaradua sickness, I go buy d machine 4rm China take am dey cure una. How unu see am but unu go pay o!

All chorus: Emeeeeeeeeka!!!

Huh

Ladytee-thato:
Huh

lols