Baba Ijebu pay me yesterday, na so I say make I flex small. As okpo no dey fall from tree na, na so I rush go market go buy new jeans and T-shirt for wardrobe. So for evening time, I come go one provision store wey dey yonder say make I arrange Milo and milk for momsy, make she too self follow share the glory. Na one small girl of about 9 or 10 years I see for the shop. As my budget no too large, I say make I buy one tin Milo and 5 sachet milk. The Milo na N1,350, while one sachet milk na N50 each. I calculate am, everything na N1,600, so I come give am 2k dey expect N400 change.
The small girl collect the money, carry my provisions put for table come begin look my face. I say wey my change? She say make I bring money first. I shock small o but I call am childish joke. But as I look again, the pikin serious pass me. I come ask am say who give am the 2k wey dey her hand. She say na the money wey customer pay her before I come. As we dey argue, na so people begin come the shop dey look us. Small time the momsy come enter too, begin ask me wetin happen. I yarn am but she just dey look me like mumu. She say her pikin no fit lie say na child of God, say if I no comot for her shop she go shout thief for my head. Wetin pain me pass be say the pikin come begin cry. Tamuno!
Na dat time I know say dis one no be Tales by Moonlight o. And na so I take loss 2k. I just smile, take style withdraw. True, true, some children wicked and some parents no dey try.

You nor tear am slap make her brain format back?

Naso baba ijebu jackpot take disappear. Chai.

Good to know

Your name nor follow you atall atall...

And u walked away hian, u don shame me, if na me ehn, thank God say no be me. Infact u don fvk up *uses orijin bottle nd nak am for head*

U be better mumu. E good say other mumu day read Ur stories so they won't fall a vick-team. U day busy day look how u go take mohlest her forget say Na money u day give her. Na when she serious for u u believe. So she day laff before. Ode pikin way carry groundnut for chest Na u look loss Ur money. Hahahahahah

Ramon92:
Your name nor follow you atall atall...

i swear, if na confam persin wey dey take sapele water, da girl own finish, u dey ansa sapele water lata u go da shop dey form pastor

Durent:
And u walked away hian, u don shame me, if na me ehn, thank God say no be me. Infact u don fvk up *uses orijin bottle nd nak am for head*

If na u, u go do the same thing oga. The small winsh don already begin cry and people don gather finish. Who dem wan believe?

Poliporpor:
U be better mumu. E good say other mumu day read Ur stories so they won't fall a vick-team. U day busy day look how u go take mohlest her forget say Na money u day give her. Na when she serious for u u believe. So she day laff before. Ode pikin way carry groundnut for chest Na u look loss Ur money. Hahahahahah

Na the woman wey waste time born ekpa like u I dey blame. 10 yrs old pikin naim I go molest abi? Ur mumu too ripe

Durent:
i swear, if na confam persin wey dey take sapele water, da girl own finish, u dey ansa sapele water lata u go da shop dey form pastor

Na wen u jam u go understand

SapeleWater:

Na the woman wey waste time born ekpa like u I dey blame

see Ur username u go no say ur life no get steering. Na so so brakes. Sapele water no be him Nigerian police man drink fall for gutter? U get luck say the girl mama sorry for you. Na u for make the next rape thread for nairaland. By now Ur body for day smell pepper.

Every story get two sides. If that girl venture open her mouth my brother Na kirikiri u day go o. Never thank god yet o

SapeleWater:

If na u, u go do the same thing oga. The small winsh don already begin cry and people don gather finish. Who dem wan believe?

be lik say u neva see Stubborn head before. Kutumaruwarka, i go jst murda persin, 2k na play?

Poliporpor:
see Ur username u go no say ur life no get steering. Na so so brakes. Sapele water no be him Nigerian police man drink fall for gutter? U get luck say the girl mama sorry for you. Na u for make the next rape thread for nairaland. By now Ur body for day smell pepper.

Every story get two sides. If that girl venture open her mouth my brother Na kirikiri u day go o. Never thank god yet o

If say u get sense u for no accuse me of trying to rape girl for broad light. U no ask how the girl big reach sef u just begin shoot ur mouth like local banger. Guy, pack well abeg

SapeleWater:

If say u get sense u for no accuse me of trying to rape girl for broad light. U no ask how the girl big reach sef u just begin shoot ur mouth like local banger. Guy, pack well abeg

if e no day Ur mind e no go pain u. oga I don c Ur type b4 . e pain the guy sha. hahahahaha

Durent:
be lik say u neva see Stubborn head before. Kutumaruwarka, i go jst murda persin, 2k na play?

Who u go murder? The momsi or the small girl?

Poliporpor:
if e no day Ur mind e no go pain u. oga I don c Ur type b4 . e pain the guy sha. hahahahaha

Ok, i don hear u

Op, u mean say u calculated everything u wan buy ad paid the child 2k first before she brought the goods. for you. lol

SapeleWater:

Ok, i don hear u

disgrace. Nobody go ever support u. U Bleep up in all. No smart, where u day stay, Benin or Warri?

shurlar50:
Op, u mean say u calculated everything u wan buy ad paid the child 2k first before she brought the goods. for you. lol

Everything na 1,600. After I pay her, she put carry the provision come out. As I come begin ask for change naim the smally change am for me

Poliporpor:
disgrace. Nobody go ever support u. U Bleep up in all. No smart, where u day stay, Benin or Warri?

Shebi u don talk ur own finish? Oya na, dey go..u don try

Lmaoooo!!! No kidding!!

SapeleWater:

Shebi u don talk ur own finish? Oya na, dey go..u don try

BROS you dud the best thing . Forget the money, something bad for fit happen for say you drag am, na God save you.Life dey front dey wait the girl, she go still experience wetin others dey experience.

EggovinMma:


BROS you dud the best thing . Forget the money, something bad for fit happen for say you drag am, na God save you.Life dey front dey wait the girl, she go still experience wetin others dey experience.

Thank u jare. I swear, I no believe say small pikin like dat fit lie professional lie. Na when I see her begin cry I take know say e don tay wey she begin thief

SapeleWater:

Thank u jare. I swear, I no believe say small pikin like dat fit lie professional lie. Na when I see her begin cry I take know say e don tay wey she begin thief

You never see anything be that.The family is a terrible one, she is a product of her background.
I have actually seen a not more than 10 years old boy steal candy, for my presence, he denied flat with aggression when another customer caught him red handed . The lying wasnt so , much a problem until he decided to add aggression to it.Poverty na bastard.

EggovinMma:


You never see anything be that.The family is a terrible one, she is a product of her background.
I have actually seen a not more than 10 years old boy steal candy, for my presence, he denied flat with aggression when another customer caught him red handed . The lying wasnt so , much a problem until he decided to add aggression to it.Poverty na bastard.

Poverty na correct bastard, ah swear.

U did well by allowing the troublesome dog lie to sleep. If na molest the gal z u wan molest her now,na anoda crious case b dat o. Just tank God say e no much dan dat. Dat gal must be a devil reincarnate.

haftob:
U did well by allowing the troublesome dog lie to sleep. If na molest the gal z u wan molest her now,na anoda crious case b dat o. Just tank God say e no much dan dat. Dat gal must be a devil reincarnate.

The thing sef don teach me lesson. Anytime I go any shop to buy something, come see say na small pikin dey there, I go just comot

SapeleWater:

The thing sef don teach me lesson. Anytime I go any shop to buy something, come see say na small pikin dey there, I go just comot

SapeleWater:

The thing sef don teach me lesson. Anytime I go any shop to buy something, come see say na small pikin dey there, I go just comot

Look at dis one. I pray say u go enter my shop mak i do u mugu. Juman. If u quote me ehn, thunda go destabilize u, juuuman!






















Juman.

[s]

Durent:
Look at dis one. I pray say u go enter my shop mak i do u mugu. Juman. If u quote me ehn, thunda go destabilize u, juuuman!
Juman.

[/s]
I for like u if to say u get sense

SapeleWater:
[s][/s]
I for like u if to say u get sense