AKA AKA YA (THAT HAND OF JEHOVAH)

Nwa nnem forget ihe gi na ko.

Bone dat level na im I dey talk before you stand there dey look like yahoo boy wey EFCC wake am up with better slap for face and cold handcuff for wrists.

I say make you forget that tin wey you dey yarn.

Who tell you say Jehovah hand nor long reach?
Na which news station tell you say e get one time wey Jehovah don fall man hand before.

Abi na dat Doubt TV you buy for house na im dey feed you this yeye news.
Abi na that fine mammy water looking news presenter for Fear TV, na im you dey watch all the time wen ya wife don sleep for room.

Na which physical town crier beat the gong to inform you say God name don change from 'Jehovah over-do' to 'Jehovah some-do'

Abi you don begin listen to that mama Dipo, amebo international, wey her ear nor dey gree hear good news.
That woman wey use better lie take frame the Kabiesi of her village, wey come make the village ban her from coming home.

Abi you don begin drink pap and chop Akara from mama ifedi store;
That chairlady of 'gbeborun women's association' wey her mouth dey run like tap wey the head don spoil.

Abi you don go begin work for baba Tunde mechanic yard;
That man wey anybody fit bribe to tell a lie with only two wraps of fufu and egusi soup without meat sef.

I wan hear from your mouth gan gan gan.

Which time you don call God wey Him nor gree answer?
Shey that God nor answer for that time wey you dey shake for bed like leaf wey heavy rain dey mama (hit hard) im head.

Abi Him nor gree send angel come liberate your destiny wey that old mama tie for top of the village palm tree.
You sef know say na for Africa na im the witches nor dey gree use their power for positive thing.
Na to dey tie womb upandan na im the idiots sabi pass.

Shey im nor gree bless the work of your hand, na im be your complain.
Abi na say im nor give you the power to make wealth.
You sef know say your current poverty na your own fault because im don provide you with the mind to take make the wealth.

Dakun oo
E be like say yesterday message nor touch ya heart.
I want make this one pierce through every thick hide of depression wey you don cover yasef with.

Beeni
Aka Jehovah has always pulled you through those tough moments and will continue to do the same for you.

So cheer up o. Sunday na thanksgiving biko.

A trip down FGC IKIRUN lane would come out tomorrow.
#BASHORUN

Okontas.com

Hello friend. Jesus loves you

Lalaconpus dat was so thoughtful of u!!! Believe me it's so different from wat I've been reading on nairaland.It's also so inspiring... Dere's no one like my Jahovah!!! I so luv him!!!

Oyindawealth:
Lalaconpus dat was so thoughtful of u!!! Believe me it's so different from wat I've been reading on nairaland.It's also so inspiring... Dere's no one like my Jahovah!!! I so luv him!!!

Thank God for that dear

Thanks to God. Wehdone Mr OP

nice one bro... keep up d good work.. na so I go dey be..na Jehovah get am