This is a comical fictional Pidgin literature. For all that love Pidgin story and those that want to try Pidgin story. Perfect for this lockdown period.

Please do not copy any part of the story of plagiarise, I dey take God beg you.

Na who tell you say childhood no sweet. Childhood sweet o, especially the time wey you just dey understand life.

My name na Yemi, and I wan share you some funny momemts of when i dey age 7-12.

As I dey so; i dey between Ajebo and Ajepako. that is to say, I dey middle of: get inside pikin and get outside pikin. My Dad na teacher for one private secondary school and my Mum too dey work as nurse for one private clinic. And i get sister wey I take 6 good years old pass.

I dey get time to roll with other guys for area, as my Mum get one chemist shop she dey crash after work (she get one sister wey dey take care of the shop when she dey work). For my Dad He also get one printing shop He dey crash when He come back from the school.

At age 7, I was already in primary 2, my education no too fast and no too slow. Ontop education matter, I no dey get issue with my parent because I brilliant (na then o, I no sure if I still brilliant now).

So I get some badoo as friends, Bayo, older than me by a year and in same class, father is a furniture and mother dey sell foodstuff.

Lawal, take two years senior me and in primary 3, His father na taxi driver and mother tailor.

Jide, same age, same class, His father na pastor and mother dey work for bank. Na the four of us dey rock things together, our height no too diffrent.

EMAIL @ adefajosekayo@gmail.com
FACEBOOK @ Adefajo Oluwasekayomi John Daud
TWITTER @adefajosekayo
INTEGRAL @ Adefajosekayo
WHATSAAPP @ 08060469474





FIRST FOOTBALL COMPETITION


As i come back from school one day, na him my niggas (Bayo, Lawal and Jide) come tell me say brother Sege wan carry us go one competition, say if we win dem go give us 50 naira each. (omo na him my head stand, i talk am say na sport i go take chop ).

Brother Sege na one bros wey dey live for our neighourhood, him dey SS1 and na him be our coach for my area (Me, Bayo, Lawal, Jide and some other guys).

I droped my bag wey still dey hang for my back, quickly rush into the house to channge my cloth as my niggas dey wait outside. Unfortunately, I no see the shoe wey I dey take play football, after looking for it for about 10 minute, I realised say time no dey, God punish devil, I looked at the shoe rack beside my beg and the only shoe i could see na the shoe wey Dad bought for me last christmas. Omo na today alone; i thought to myself carry the shoe go field.


Brother Sege with other guys don dey wait for us already with the other guys, as we no pass 12 for our team na all of us go play. Bro Sege tell us say na Him and guys from other streets (8 other streets) plan the competition, and na the 5 naira wey we dey contribute for training since all this while dem take organise the competition, He talk say if we win the first leg na 50 naira each we go get, and if we win the second leg with another team na 100 naira we go get, na so the thing go dey progress till we become champions. Instantly my head don dey calculate, I go buy wrist watch for christmas if we win this competition.

Lawal quickly go meet, one of us for our team nicknamed Alago. He said 'Alago if you fumble for this match, I go break your head, make you head correct now'. Na so Alago reply say 'No worry i go play well, but if I no play well, no beat me o, because i no well'. Everybody come burst to laughter.


As we reach the field wey we want play the match, na him Bro Seget remind us say we must win o. The field dey beside on fenced house wey the fence no too tall, rough ground (you must to get monkey yansh if you play on the field). The guys we are to play against dey taller than us and hefty, but Bro Sege tell us say nothing dey happen.

Na fifty minute we go take play the game. At twenty minute in the match we don already score two goals, Lawal and one other guy from our team played into the net. Everybody for our team just dey happy including Bro Sege, the guys we dey follow play no sabi play ball. As I collect pass from one of my team mate, na him I begin dey dribble but as I read the defender side, my heart started beating faster, na one fat tall guy like dat be the defender. Yemi! Yemi!!! ...... na Wetin I dey hear, Omo David kill Goliath, why I no go fit dribble this pig, as I count leg over na him I put the ball for him kolo. Eeeeee! Na the sound I dey hear from outside, Omo, as I say make I kick the ball enter net, na him I hear the sound of an elephant matching toward me. Gbaa! I fit myself for ground, for about thirty seconds I dey see angel, as I come dey come back life small small, na penalty! Noise I dey hear. I quickly signal to Bro Sege make him remove me, he helped me out of the field cause I no get myself.

The next thing I hear na the coach of the second team disagree say make the refree no give us penalty, as him, refree and Bro Sege dey drag am, na him he go comot the bamboo wey we take do post. Bro Sege no fit take am He rush to the guy, Gbola! Na blow him land for the guy mouth. All the player for the other team want rush us, but as Bro Sege talk say ' if them born them', them respect them head quickly.

The refree later resolve the fight between Bro Sege and the other coach, but the only thing the other coach they say na 'because you tall pass me abi'. Omo, I lazy fighter will always find excuse. So the match continued, we don already spend forty minute, as I no get myself to play ball again, I kuku dey watch for where I sat.

One of the player for the other team collect ball from my team, na so he begin dey kick the ball with race (this guy na usain bolt junior). As him read our goal post, gbolaa! Na so we dey watch the ball fly for air, for like twenty seconds before it finally land inside the house beside the field.

There was no other ball and as another fight don dey start, I volunteered to go collect the ball. Ko! Ko!!! Ko!!! I knocked the gate for like two minutes and no one came to open before I realise say no body dey house. Na to jump fence be that o. I volunteered to jump over the fence because I want make we finish the match, and everybody seems to dey cool with the idea. Gbuam! I jumped the fence, behold I couldn't remember if it was a lion I saw or a dog. Na so I shout 'Jesu o! Moku o' before the dog started running towards me, fiam! I no known how I fly fence, as I land for other side it was like rapture don take place as no body dey field, Wetin man go do than to pick race. As I reach our area back na him I see Jide, I ask am Wetin happen, he come tell me say 'as them hear the dog bark wey I scream them think say I don die'. 'Wey you shoe' Jide ask me, na them I realise say I no pack am for field. Anyway thank God for life.

Nugget: the best runner is the one who do not look back in times of trouble, but run with hands and legs.

Stay tune for next