Comptroller General, Muhammad Babandede say di reopening go allow eligible passport applicants to apply and make payments for di various categories of passports.
Nigeria Immigration Service bin suspend fresh passport application for May to clear di backlog of passport application wey don already dey ground.
But with di reopening wey go begin from midnight today, new Passport application and payment regime don start.
Why Nigeria bin suspend International passport issuance?
Nigeria Immigration Service bin suspend fresh passport application for May 2021 to clear di backlog of passport application wey don already dey ground.
Di "situation no go allow di Nigerian Immigration Service to accommodate new applications especially as we dey consider our desire to ensure say pipo wey come to our offices comply wit all di COVID-19 protocols.
Na wetin di Comptroller General of di Nigeria Immigration Service, Muhammad Babandede bin explain give kontri pipo.
Im tok say dem don direct Passport Control Officers to continue to send out short message notifications for collection to all applicants wey don submit.
Those wey submit functional contact details/numbers for dia applications na im dem send notice to.
Dis na as "dem dey intensify effort to clear up di remaining applications for some Centres."
Different categories of Nigeria new travel document
Nigeria Immigration Service [NIS] recently introduce a new travel document "Nigeria Temporary Passport" for Nigerians abroad wey need to travel back home but no hold standard passport for hand.
Na for March 2021 Nigerian goment officially launch di new temporary type electronic passport [e-passport] dem call Nigeria Temporary Passport to replace paper-based Emergency Travel Certificate.
Apart from di temporary passport, oda travel documents like di diplomatic [red] passport and Ecowas passport dey wey di immigration service dey issue.
Two types of passports dey for all dis categories wit 64 or 32 pages; Di five and 10-year duration international passport.
Di one of 10 years cost pass di one of five. Na President Muhammadu Buhari goment introduce 10-years valid period for Nigerian International Passport.

This can create problems in other sectors as well

I doubt that the immigration office will handle the workload shortly since many people have already applied early. As of today, there are thousands of applications pending. Every day the number of applications increases, while the time frame for decisions and issuance of new documents continues to decrease. Just now the service will begin to increase its staff to cope with the work. I recommend studying immigration questions. Maybe a career in immigration attracted you. It's known that a decision has been made to issue new documents in May 2021.