I Pity We Nigerian Youths!
Sincerely, I really pity us, If you are age 7-50yr, And you are a nigerian, I pity us all, We are seeing Nigeria getting finished right before our eyes and we are doing nothing. All we do, we pray as if God will come down and make people change, we are all chasing money, hustling, nobody wants to die, Youth wan hammer buy Benz, do big boy, do big gal, drugs and alcohol dey rule us while our old top baba politicians dey lead us inside doom, them dey sell Nigeria, we dey watch BBNaija, we carry celebrity matter for head, we dey focus ontop negative gist, we dey do warrior ontop social media, our social media na jobless youth plenty pass, na sub we dey spend money ontop kula, film kula, stupid songs na him we go carry for head, BBNaija!!! Chai!.

The telecommunication network sef dey treat us like slave, when dat one finish, we continue again. We dey do Yahoo Yahoo, dey continue to dey spoil Nigeria as a country internationally, to get visa commot Nigeria, wahala, to become friend as a Nigerian with foreigner, wahala! To get Job as a nigerian internationally na wahala, We no sabi pass chill, party, flex, Bleep, form, buy designer, show off, oppress each other, show off ontop social media, Most of us still dey dey chop under our parents, most of us still dey stay with our parents. Some of us sef, we go dey shout, there are no jobs, job is for only people wey get connections. See, all I am saying, make we wake up. This people that are leading us will finish us all quick. Everyone one of dem in Apc, Pdp, all of them.

The babas at the top pulling d strings, babas wey old pass Nigeria sef, babas no dey pay parents and grandparents pension again, we no talk, na phone we go dey press dey form champion. The saddest thing is, all of us as we dey pretend, dey form, dey chase money, wan blow, dey do corruption, great percentage of us no go travel out go anywhere, all of us, na still naija we go still dey, Other countries no wan give us visa again sef, all of us wey dey chase money, we neva see kidnap o, e just start, we neva see thief o, we neva see rituals, All of them just start. We think say security dey Nigeria? Nothing dey function for Nigeria. Nigeria na scam, Health sector = Zero (our politicians dey travel out for treatment, we dey sing poem ontop social media, Police = Zero, Education = Zero, see JAMB, (children life don spoil finish for school, lecturer go sleep with student, lecturer don turn small god in which at d end nothing dey for graduate), transportation = zero (bad road, we dey watch film, dey see developing countries, na alcohol be our concern, human hair, dress good, look good, all of us go see where that good go carry us), telecommunication = zero, everything zero.

To go cinema go form, we dey dat one. Religion wey we carry for head, we no even dey serve the God well, Church plenty pass fire, Muslims plenty pass water, everything everything see as we dey, we go dey Decieve ourselves, see as country be, some baba go dey use religion divide us, and we dey follow, we go dey shout Nigeria go split! As if say na God go use knife split us, Yoruba Igbo Hausa all of us, una no dey check olden days Nigeria.
We dey drink alcohol, as if say Alcohol na heaven. flex ni shaa, Bleep ni kula, our gal Bleep for money kula, open yarnsh anyhow, we don even cheap pass 100 card, our boy Bleep anyhow as if say we no get sister or we no go get daughter,na Bleep boys come life come do, unwanted pregnancy kula, single mother everywhere, sexual infection kula, na too dey scam ourselves ni kula, drugs don finish our life, weed, tramadol, coco, refnol....quick death, sense we no get.
We wey dey school, We dey call ourselves undergraduates , we dey think say gold dey after school, say when we don graduate say something dey front, ask people wey don graduate nah, ask nysc corper na, we dey bet pass anything and we dey lose pass shege, issokay. Mark my words, "The more poor people we have, The more homeless we have, The more hungry we have, The more unpaid salaries we have, The more Our politicians (unrecycled Criminals controlled by top unrecycled babas) ruin us, The more we commit crime internationally etc the more we are doomed and the future, not bright anymore but dead.

Nigerian Youth make we wake up! Make we save ourself from doom! We are running on a fast lane to doom. If you like, say nothing concern you, we go meet for front, if you like do it for money we go meet for front, if you like dey pretend, dey do follow follow, all of us go meet am for front...... Make we continue to dey order things from other countries, dey boost other countries economy, make we no produce ourselves and patronize ourselves with love ooo, all of us go meet am for front.

The future of Nigeria is not bright but dying, the earlier each and everyone of us start behaving like a citizen of Nigeria from the heart, the faster we will be saved from the doom that is ahead of us all. Mark my words, All of us go regrets am if we no start now. Share am, make e go viral, make we get sense before its too late. This message is not for anyone to get fame, this is not for money, this message is not by any association. This is for Nigeria. I pity all of us ooo! We go suffer pass dis one if we no get sense now, if you like get millions, if you like be poor, we go gada meet for front. God bless Nigeria. Broken English na Nigeria Language, if you like form say you no fit read am, we gada dey the boat, no worry. Make we get sense. Our children will curse us all if we don't wake up. If you like no share, all of us gada dey the boat.
No make politician Decieve us with change or any lie, or money,
all of them na thief, dem no want make we wake up before.

#NigeriaRebirth #NigeriaReborn #NewNigeria.

True

This OP has said the blunt bleak and bitter truth. We truly have misplaced priorities in this country especially the youth.

We Don Dey pray say make e better for how many decades now no show. Is it when we donnold enter grave things go better?

Bros more oils and greases to your head. Make we dey pretend say everything dey ok till e happen.

Typical low IQ Afonja. They elected bubu out of hatred for Igbos but will be complaining. SMH

uduak2016:
Typical low IQ Afonja. They elected bubu but will be complaining out of hatred for Igbos. SMH

That post is for Nigeria! The COUNTRY NIGERIA!!!!