Ishilove:

You speak in esoteric tongues...

I understand wetin the manchi talk,nothing eso or teric der

booked

Omor today get as be oh mehn. Me and my PADI we just ball in another town , we jam some old time nigas , na so we deck for one side we dey brew monkey tail, they shayo dey go plus arizona Omor no be small thing boys don high wella. We just dey laugh they gist dey go, as e be like this eh. Pressure dey our body . Men don dey cap careless. Based on say today na 9ja birthday we dey celebrate ooo. Like this like this we no no when the shayo go quench.. we just dey jolly they go. My people na so my day be today oo . Updates brekete for ground.. make una stay tuned. Reporting live from alode Eleme pH city

h

Sinistami:

Ehehn! Why I open this thread be say everybody don de too Binu for Pidgin leadership for this Naija as e stand. So now ehn I wan make we for do proper Pidgin Battle. Una de hia me so! I de rep Yenagoa. I lap this thread ruggedly. so make una kpompi small, make I for be Judge. Oyaaa! Show una Self!

The Rules be say. wen pesin throwey Slang come another person go try decode am if e no fit then im fail I go de give points according to person weh trowey slang pass and pesin weh decode slang pass!

if u no fit tell bobos "aro".....u dey jonse

Abeg person wey no grab make en nor vex, me too dey learn, pidigin no get incorrect word, anything goes.
Una doh

tonzo:
Pele(sapele)naim be d ogbonge home of pidgin langua
How Una Marra be for here sef
No be say dem say ,I rep waff city.happy miliki to our obodo naija today.
As we dey shayo today make we use we ankaras take do evri sofri sofri.ekelebe no get say to dey if dem do anyhow dem go do go collect anyhow.

Driver dropping dey,make I enta Hausa quarters go change 100dolomi to naija kpogiri
I hail all the Sabi people for this Kuban

Abeg, make I hear word. No be today yansh face back. Warri is the cradle of pidgin!

skosko dey una head, infact ehn una dey craze.

when una go address the polluted environments wey dey una backyard??

una suppose dey sober for this independent.

Sinistami:

Ehehn! Why I open this thread be say everybody don de too Binu for Pidgin leadership for this Naija as e stand. So now ehn I wan make we for do proper Pidgin Battle. Una de hia me so! I de rep Yenagoa. I lap this thread ruggedly. so make una kpompi small, make I for be Judge. Oyaaa! Show una Self!

The Rules be say. wen pesin throwey Slang come another person go try decode am if e no fit then im fail I go de give points according to person weh trowey slang pass and pesin weh decode slang pass!

Your pidgin nor pure sef. Warri nor fit carry last sha cos anyhow e be, ogoro must jump. Anywayz, I dey hail every.

Omo sanistam,i rep B C. If dis kasala burst you go fit chest am?

Anduku:
Nonsense

See as u carry this matter put for your head like say na only you sabi talk English

Sinistami:


We Yeniz Men no de buga plenti. but Bross I sure say Waffi men go follo you Nak teeth for that yan. and Padi man try decode my pidgin weh I nak dia nor vex.

You don't forget say Benin and Warri Na one before,Abi?
In fact, the time wey Edo and Delta be one, Na Benin be the head quarter.

If you know, you know be that.

Sinistami:

Ehehn! Why I open this thread be say everybody don de too Binu for Pidgin leadership for this Naija as e stand. So now ehn I wan make we for do proper Pidgin Battle. Una de hia me so! I de rep Yenagoa. I lap this thread ruggedly. so make una kpompi small, make I for be Judge. Oyaaa! Show una Self!

The Rules be say. wen pesin throwey Slang come another person go try decode am if e no fit then im fail I go de give points according to person weh trowey slang pass and pesin weh decode slang pass!

You are sighted

Anduku:
Nonsense

Who be this okoro?

SocialJustice:
Go sit down one place. Bini boys speak Bini, them no sabi pidgin. When them dey parliament, you no go ever hear pidgin only bini

Wait oo, dem de speak pigin for parliament too? ... or your own parliament mean something else?

Chai see me pallies they yarn matter.
Na Benin I represent abeg no jonsing here

Jesse25:
First of all I rep Benin
As for the pigin matter nah we Benin invent am ..Benin is the home of pigin infact e everything for benin nah with pigin,baba the matter serious ooh..I swear bayelsa they learn, davido admit for Benin radio station say skelewo nah slag for Benin

frst I rep waffi who b Davido wen 1 give una frst 4 pidgin ni e don baff na Warri get pidgin so no go dia go rake u dey hear ni

Mak I dey one Syd dey observe first... Kd I rep

SoapQueen:


Abeg, make I hear word. No be today yansh face back. Warri is the cradle of pidgin!

Na wa ooh.

Jesse25:
First of all I rep Benin
As for the pigin matter nah we Benin invent am ..Benin is the home of pigin infact e everything for benin nah with pigin,baba the matter serious ooh..I swear bayelsa they learn, davido admit for Benin radio station say skelewo nah slag for Benin

Na lie oo, na Warri dey speak am pass ooo.. I dey benin and the pidgin no too sweet

Sinistami:
Okay na me de start am

Abobi Na so e go o! Yesterday me and Padimina bin lap im Wari , tanda for I'm Veranda. we bin de plan to go Lap Ozed junction carry small pololo make man no Kon go de rub mej for night. nai before we knw Area Men for the Area Kon start Para nai we GATS sub enter im hass (House) o. Nai wen tins don jant small nai my Bross Kon go say im wan go sight how the outside be o. Nai Ojo begin bust out. Dive am say I'm mus join for the Boys wen just raks na na. No be small tin o now my Padiman de Sanko as e stand so. But Sha as I reach my way DAT Night, My Banni lap me. Omo she fear kpanshin

Abobi me I dey feel your parol wella like woman couti.
Which unit wey you dey rep for yen town?
Me nah swali I lap like ozed.


You no the matter be say flood just dey tear person nyash for nkoro here.
As things be now we gat to shele, carry head put for one corner dey watch the careless flood. I dey tells you.

SocialJustice:
Go sit down one place. Bini boys speak Bini, them no sabi pidgin. When them dey parliament, you no go ever hear pidgin only bini

bros wetin u dey talk Na pidgin English we dey communicate with for school days Na..

As I big so I no fit speak benin

Olodo24:
if u no fit tell bobos "aro".....u dey jonse

akpa man

Benin pigin get swag, soft, easy and not abusive at all even white men do hear clearly Benin pigin

una weldone o!!!
i just dey follow una for back
i dey rep port harcourt city. we sef sabi blow pidin weller

Teemelanin:
Na lie oo, na Warri dey speak am pass ooo.. I dey benin and the pidgin no too sweet

maybe Na some areas you enter

Some foreigners don dey spoil our accent

omo I de gbadun these yarns pieces!!!

i hail o, all d yarning i dey see so far na dulling...........bob make una step up abeg

No be by who fit write Bible on top pidgin. No too much yannings abeg, na for Benin them born pidgin. If you no like am, go boil beans.