ASUU vs FG! Hmmm - JUST THINKING ALOUD JARE
-------------------------------------
Senate resumes from their 2-month recess today to deliberate on issues such as the Petroleum Industry Bill & Screening of Ambassadorial Nominees. Nothing said about the ongoing ASUU strike. Chei, we don suffer! Even the New Minister of Education (Mr. Wike) never even settle down, talkless of say e wan open file reach reach where ASUU matter dey. Na wa o! That means there's a high probability say 2014 Valentine go catch 'some people' for house (Lwkmd). ASUU on the other hand just wear 'Dr. Dre Earpiece' put the music for highest volume. Dem nor wan listen to anybody at all. ASUU & Government dey behave like Tom & Jerry. Some 'Ogas at the top' say make we go sombre for the ASUU matter, meanwhile they are busy 'Big-stouting & Peppersouping' (according to Patrick Obahiagbon). All their Children dey overseas & Private Universities dey school. Some lecturers dey overseas now dey upgrade their qualifications & make money, while we dey here dey suffer. Let's be sincere. Even with A Million Naira per Month as salary, some lecturers will still teach with out-dated lecture notes, impose their textbooks & ask for sex or money before passing students. ASUU abeg oooo! We go manage the poor infrastructures like that, after all na we dey sitdown for ground for hot over-crowded classes dey receive lectures & na we dey stay for horrible hostels, while una dey flex AC offices & vehicles. We nor dey complain! Worst of all, nor be ASUU even pull out of the negotiations self, na Federal Government be the 'New ASUU' wey go on strike (just as we get 'New PDP'. Hehehehe). Everybody just lock-up. National Assembly dey go on recess anyhow. Which work dem dey do for there self? Government & ASUU dey drag "yes N100billion, no N30billion, no its N87billion, na N500billion" sotey we all come confuse for the real amount wey ASUU & Government dey drag put. Our National leaders & party leaders dey behave like small-small children for TV. Old men dey throw blow for National Convention. See Bros Chidi Lloyd hold maze take knack another Law-maker 'akpako' for inside House of Assembly (Hehehehe). At times we need to teach these people some sense. Oga Jonathan self nor even dey concerned about ASUU or anybody. Na how to salvage PDP & secure him 2015 return ticket nahim dey e mind. E don neglect all him electionary promises of BREATH OF FRESH AIR and TRANSFORMATION AGENDA so soon. Just two years into him 1st tenure, e don dey think of how to secure him 2nd tenure; & he's ready to fight anything wey stand for him way (Greedy Democratic Tyrant). Oga Jonathan nor fit talk say e dey ignorant of the 2009 agreement wey put all of us for house for over 80 days now. He was Vice-President under Late Yar'Adua & him na one of those 'Ogas at the top' wey sign that agreement with ASUU. Baba God nor dey sleep sha. Na God just dey by Himself dey 'arrange' PDP so. After all the suffer wey we don suffer for Jonathan hand since e enter Aso Rock, na God go still punish any Nigerian Student, 'Comrade', 'I'm-Loyal-Sir' or Group of Students wey go go collect 'brown envelope' or 'ghana-must-go' to vote for am or go mobilise others to vote for am for 2015. We, the PROSPECTIVE LEADERS must not join these MISTAKES OF THE PAST to destroy OUR NATION'S FUTURE just for a few Naira notes.
The Law of Karma nor dey sleep o!
I go soon go enter aeroplane tyre o!

Make God help u make u enter Sosoliso or Dana-Air aircraft tyre, na for mid-air e go release u come down for Maiduguri.

Man pickin tire ooo

.

@kelvin, heheheheheehehe... Na u go enter Sosoliso. I dey immitate Richie Daniel

if i fit enter british airways now.but na only from lagos airport i go dey enter plane coz if na enugu possibility dey say u go land for ethiopia