Welcome, Guest: Register On Nairaland / LOGIN! / Trending / Recent / NewStats: 3,194,708 members, 7,955,674 topics. Date: Sunday, 22 September 2024 at 12:29 PM |
Nairaland Forum / Nairaland / General / The Wicked House Wife (A Very Very Touching Story In Pidgin English) (4943 Views)
"I Need A Wife": A Keke Man's Advert In Asaba, Delta State (Photo) / Shocking News: Wicked House Maid Uses URINE To Prepare Meal For Her Boss' Family / Pidgin English "chyking" Lines You've Used Or Heard (strictly Pidgin) (2) (3) (4)
(1) (Reply)
The Wicked House Wife (A Very Very Touching Story In Pidgin English) by Iceking1(m): 11:04am On Oct 18, 2014 |
Once upon a time. Time time. Mr Oghenedoro marry two wives: Ejiro and Ovigwe. Ejiro born 3 girls why Ovigwe born one boy and one girl. The boy pikin nai be the papa favorite son. Na so e love the boy with all e life becos say na boy. When the boy so complete 5 years, nai the papa say e wan mark the pikin birthday for am. Na so e cum give the pikin mama, Ovigwe money make she go buy all the things wey dem really need for the occasion. He himself cum reserve one bottle of eva wine say nai e go use take say prayer for e son befor the party go really start. On that faithful day, the two wives don ready everything for the party. All the other 4 children dey there, the papa, the two wives and the papa brother wey dey stay Effurun wey e come a day befor the day. That one na native doctor work e dey do for Effurun. Around 10 that Sunday, as dem reach house from church, the papa cum call e son enter room, nai e carry the eva wine bottle e cum use am pray to God Almighty. Say make God protect e son. Make e live to become who God want make e be. As e pray finish, e cum pour some wine for the glass cup, give Nathaniel. Befor e say make e pour e own, Nathaniel don drink the wine. For e mind befor, as e pour give e pikin, e go pour for himself. Dem two go cum toast befor dem drink am. But e surprise when e see say e pikin dey drink am. At once nai the son say "Papa, this drink dey bitter" The papa cum laugh as e dey wan drop the bottle of eva wine for top of e table top fridge. Na there e for say "How eva wine go bitter" But befor e know what, the glass cup don fall from the son hand break for the tiles. Na once nai the papa cry out "Ose IJulie biko jere o" Papa Julie I beg run come o Na so e brother wey be babalawo rush enter the room. As e see Nathaniel for e papa hand, foam dey comot from e mouth, e cum rush the pikin take. "Wetin happen" But Mr Oghenedoro nor fit answer. He Open Nathaniel mouth. Na die the pikin dey so. Nai be e bag wey e rush go collect for e brother room start to do some kain incantation. E rap rap rap nai be one thing wey be like small calabash wey red pieces dey e mouth wey e shook inside Nathaniel mouth. Na so Nathaniel cum vomit some black black things wey be like rubber nail. He vomit till e cum dey very weak. Mr Oghenedoro brother cum say make e turn for am. As e dey give am the one wey e don turn for himself befor, na so the glass of eva wine start to boil like water for e hand. E cum dey laff as e dey look am. Na there the Mr Oghenedoro for understand say na poison dem poison the eva wine. That means, dem wan kill the son befor. The brother come dey ask am wetin e wan do now? He say e must know who poison the drink. E cum hide go buy another bottle of eva wine come the house nai e call all he household enter parlour. When all of dem sidon finish. He cum give all of dem one one glass cup. Na so e cum carry the new eva wine wey e buy so, meanwhile e don open am for room befor e carry am enter parlour, e cum dey share am among everybody. As e share am finish, e cum say make every body dey drink e own one after the other. Na so e eye dey their body as dem dey drink. Na when e reach mama Nathaniel turn to drink nai drama start. Na so her hand begin shake. The drink come dey throway. Her husband cum shout for her to drink am. Na there she for confess say na she poison the drink. Say she wan kill Nathaniel make the husband for suspect her mate drive her comot from the house. As she confess finish, everybody blood just cold. Na so birthday take close. And Mr Oghenedoro cum send mama Nathaniel packing. If who hide something follow you dey find am, how you go take see am? Na God! On this note, I say anybody wey dig pit for us, na only e wan go push eself fall put. Amen. E get some battles wey we nor go fit fight for this life. Na God dey fight dem for us. Many women don loose their marriage becos of matter wey nor concern dem. Becos of wetin dem nor do. And wetin dem nor know concern. But becos of say dem get one problem, pipo go just assume and conclude say na dem do some kain things wey their hand and leg nor know about. If man babe dey, dem go say na the man wife kill am. And many pipo don still die too just becos of say somebody wan wicked another person. If you want make dem drive your mate, why you go kill someone else? Why you nor kukuma kill that mate make matter end? This life em, wetin we nor dey see many and big pass wetin we dey see o. Na God we dey beg make e continue to fight for us. Anybody wey wan use our head take do stone na e head nai another person go take do catapult. 1 Like |
Re: The Wicked House Wife (A Very Very Touching Story In Pidgin English) by Tenim47(m): 11:28am On Oct 18, 2014 |
Dat1 no b new tin |
(1) (Reply)
Questions For Aloib! / What Are Your Favorite Examples Of Hypocrisy? / Pizza & Shawama Carton Packaging Available In Lagos
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 22 |