This thing na true life tory o, as I don learn my lesson, I talk say make I share am with una...


Na so I dey feel cool one sunny day o, I don chop belle full na him I dey find bekun bekun...

I carry my yansh wear Karmo dey Bounce, as if dat one no do, I carry bus go one area for my side, i wan go see one fine chikito... As I dey waka for road, na so I see one truck wey soldiers dey use transport demselves pass me, if u see d soldiers as dem strong face, u go think say dem just dey come from Bornu state...

Next thing na red light I see for d back of dem car, na dat time my head tell me say... WATER DON PASS MY GARRI...
As d soji boy wey I be, na so I pick race, see as d soldiers jump down dey chase me... As I dey run, I dey cry inside, as I dey cry inside, I dey see my grandpapa and grandmama face wey don die since 1913... As I take recognize dem face, na only God sabi cos dem neva born me and dem neva dey take pics dat time...

Na so I dey pick race for road dey dodge passersby, d soldiers dem sef no relent, d thing be like temple run, na so I see one IBO man boutique, and I just run enter am commot my short kia kia... As d IBO man bin wan raise alarm, na so I start dey speak in tongues, cos as at dat moment, English don commot my brain...

Na wer God save me o, d soldiers no see me, na so dem go one company go dey accuse dem say one person run enter d place, dos pple talk say nobody enter.... 30 minutes later, I don dey forced to buy jeans from d IBO man for 2,500 naira, to make matters worse, d jeans na for Onitsha dem do am, na so dem draw Shakira put for front, but as my life important pass shakara dat moment, I no mind.

40 minutes after I commot d boutique d soldiers still dey find me, d thing pain dem as I take escape, but God wey get my life use, spare me... Na so I waka reach house dat dat they think wat would have been to say dem catch me o...