Di money wey Nigeria dey owe thru borrow borrow,even kakulator no fit kakulate am again.
Di kakulator wey my oga try to use for office to konvat di N12.062 trillion to dollar,
explode for hin hand and katch fire!
If u be pesin wey dey follow Naija mata welwell,u go know say for di 1990s,our debt no plenti at all.
Wich way democracy?
Dis 12 trillion naira,na money wey Naija dey owe as at
march 31,2015 and i know say e go don rise welwell by now.
We stil dey wait for di latest data from the Debt Management Office (DMO)
for di month of April and dis month to know how much he don enta.
My queshon now be say,
Wetin dem borrow all dis money take dey do?
Our refineries no dey work.
even student no dey gree carry excursion go our refineries again bicos notin dey appun for dia.
No good roads,potholes,potholes full evriwia, school fees dey inkriz evriday,
our doctors dey strike anyhow,Agege bread sef don cost.
Kpomo wey plenti pipo take dey see front even tho say e no dey give anytin for bodi,don cost die.
Na yahoo-yahoo most of our graduates dey do afta school bicos no work.
Di ones wey gofment manage give job,dia salaries dey smell bicos e no reach pinch.
NEPA dey one side dey crase dia own.
No need to talk about fuel skasiti bicos,to look for needle wey fall for inside river,
dey easy to see, dan to see fuel buy for filling station nowadays.
Na wa o govment.
Wich way Naija?

Naira is finished. Bokoharam wanted it so and have succeeded in rendering our NASS, CBN and the MOF all incapacitated. Whoever brought bokoharam to Nigeria, will perish and rot in hell IJN!!!!