When Felicia see the packet of Durex for
her husband, Uchenna suit pocket, she
cum slowly sidon for chair. She been dey fold all her husband rough
clothes for wardrobe when she carry the
jacket.
Feeling say something touch her hand,
she cum decide to search all the pockets
till she see the condom packet. That morning, her husband don already
dey road dey go Abuja for presentation
representing their branch office for
annual meeting.
The jacket na wetin e wear go work last
Thursday. Felicia cum pick her phone after she don
reason many things wondering why her
husband go continue to dey dey unfaithful
to her.
As she carry phone, nai be her hussy
number wey she call. The next thing wey she talk be say
"When you don reach Abuja, let me
know"
The tone of her voice nai make Uchenna
know say something is not right.
E cum call her ask wetin happen wey make her dey sound so harsh and
disrespectful.
She say nothing.
Unu know say when man love e wife, e
dey take time study her.
And when man know e wife, e dey know when she is hurting and when she is
happy.
E cum call her again say make she talk
wetin happen.
When e don pressure her nai she say
"The girl wey you nor wan leave so, make you come collect the remaining condom
wey you use take sleep with her so that
you nor go buy new one.
Useless unfaithful man.
Your mates dey think how to love their
family, your own na to dey throway your sperm for gutter.
What did I do to deserve your
unfaithfulness?
Am I not true to you..."
Na so Uchenna just open mouth in
surprise. E nor fit talk anything as she continue to
dey curse am for phone.
Uchenna was lost in thought.
Na only Felicia cut the call as she dey cry
not knowing what more to say.
Women! Women!!
Many of dem nor really know how to
handle man wey dey cheat on dem.
Even though your man dey carry about,
that nor mean say you get the right to
talk to am anyhow. And mind you, e get when to tell man
some kain things.
When Uchenna reach Abuja, he was so
disturbed that e nor fit do e presentation
for the board meeting.
Na so e embarass himself befor the board members.
Dem cum tell am to go and prepare more
say dem nor expect say the manager for e
branch go send a staff wey nor know
what it means to give presentation for
board meeting to come represent. My pipo, that pepper eye nai e take come
house the following day cos news don
spread reach e coworkers say he was
booed from the stage when e dey fumble
.
As he push the door open, throway e briefcase for chair, nai e waka enter
room.
Na so e use one hand grab Felicia wan
slap her befor.
E cum drop e hand, push her for the bed
"What is wrong with you? Why you dey always think foolishly?
Becos of your suspicion and foolish talk,
you don make me lost my reputation
befor my managers and directors for my
company.
Next time you try this foolish thing, I will make sure you leave my house."
Na there nai Felicia for toss the packet of
Durex condom give am.
"Wetin be this?
Useless and shameless man wey nor go
put e prick for one place." In that moment nai Uchenna cool down.
E pick the condom packet.
This time, e was more furious
"So, this was the reason you ruined my
presentation?
Becos of this thing that you saw? This is preposterous!"
Meanwhile, the previous week, for office
nai one of dem for celebrate e birthday
small for office.
And after the close of work that evening.
Dem cut cake, toast with some good wines. Eat chicken fron Sizzlers. The
coworker cum invite dem to Frank hotel
for the birthday bash that night.
Na packet of Durex nai e share as
invitation card.
Uchenna just come home straight while the others use their own as gate pass to
the venue of the party where dey party till
the break of dawn.
Those wey tire, lodge till morning for the
hotel.
When Uchenna tell e wife about the condon finish, na so her blood cum cold.
She try to beg Uchenna that night but
Uchenna just dey vex for e presentation
wey the issue make am loss.
When e go work the following week, e
surprise to get a demotion letter from the head quarters all becos of e failure to
represent e branch office well for the
annual board presentation.
When e come house, e just dey look e
wife dey vex.
E drop the letter for table nai e go e bar wey dey sitting room.
Na there e for open the bottle of
Hennessy begin drink.
Befor e drink half of the bottle , e nor
know.
E wife nai cum take the bottle go keep when e finally doze off.
Now, Uchenna is fast asleep.
If na you be the wife, wetin you go do
when dey break to help the situation
becos you don know wetin happen to your
husband all becos of your susspicion? And if na you be Uchenna, what will you
do now?
My pipo, mostly women, nor dey take your
man waka waka issue take dey disturb
the peace in your home.
No matter wetin you go do, na only the grace of God dey make man faithful.
So, nor kill yourself cos you fit end up
losing your home.
And as a man, try to be yourself at all
times.
If your woman dey suspect you for wetin you nor do, try understand say she is a
human.
And every good lover is always jealous.
Try and forgive then move on.
Anger na very poisonous thing wey be say,
e dey even destroy the container wey dem keep am.
If you are angry becos your partner offend
you, you may end up hurting yourself if
you fail to forgive at the right time.
It is our prayer say we go marry till night.
And we nor go let any issue of unforgiveness or suspicion take away our
joy from us.
Amen.
Now to my question, who do you blame
for the demotion of Uchenna?
*Uchenna. *His wife, Felicia.
*The Condom.
*The coworker wey use condon take do
Invitation Card.
*The Will Of God.
Oya make unu talk and learn. And remember, when you are suspecting
your partner or feel convince say e do you
something, wait make e come.
Then talk am one on one with am.
Don't call.
Nor send message. May God give us the grace to learn the
good things of life.
Amen.