Journalists wey bin wakka enter Jose Mourinho’s press conference, bin ask am about how e see the matter say Kyle Walker don move from Tottenham Hotspur to Manchester City for £50million, The Reds boss con yarn say e dey part of the modern game.

[img]https://manutdinpidgin.files./2017/07/js99190471.jpg[/img]

“E no shock me, make i no lie,” na wetin Jose yarn. “I don dey talk am since, no be today, say many clubs get money and na why dem dey do shakara. If you wan buy their player, dem fit tell you say dem no dey sell or dem go tell you say if you no drop this amount, fashi.

“I for reason say Manchester City go like pay £25million for Kyle,i fit reason am, but e sure me say dem disturb Spurs tire sote Spurs tell dem say if dem no bring 50 milla, make dem forget.”

https://manutdinpidgin.com/2017/07/20/jose-mourinho-don-diss-manchester-city-how-you-go-buy-kyle-walker-for-50million/