, ring,
, "Thank you for calling Aso Rock, for english, press 1, pidgin, 2, Abiriba, 3, (*2*), correect, , to yan directly with Oga Presido,chook 1, im VP, 2, vice VP, 3, (*1*), correeect. , omo abeg wait, is coming, ",
Bros J: "Hello, " :
Pa J :"Hey bros, how far na?"
Bros J:"Na who be dis?"
Pa J:"na Pa J, from DC, I been send U my youtube las' mont, "
Bros J: "Yes yes, aah, Goaaalaaaaaaaso, insai d neeet O, wi ganna, ",
Pa J:"but Bros na how U go take my song greet me when U wan fall my hand with FIFA now?"
Bros:"but ol'boy as I don hear reports from Cybereagles sey when Arsenal begin lose U sef flipflop comot from dia back join Chelsea so I been tink sey U go turn Ghanaian after I ban Nigeria, "
Pa J:"TUFIAKWA!!U don see pesin use Kenkey chop Ewedu before??, U don see the toilet for the Ghanaian Embassy?Abeg if na play make U stop am O! but make I ask U, U mean am?"
Bros J:"why not?"
Pa J:"But Bros, dat na like setting the house on fire to get rid of rats, oyibo dey call am oferkill!"
Bros J:"But if previous occupants don feed the rats Otapiapia and dem no die,how man for do?See, for our village if U put smoke inside rat hole U go see am do high jump comot one time!!"
Pa J:"ah ha!!so na to just use Ogboju for dem, correeect!!"
Bros J:"Well, more like a calculated warning with the intention of, "
Pa J"Ah, ha!!.Bros J, I feel U!Good idea!After Obama,na U biko!I duff hat!!! I see where U dey carry go with this one, and I wan make U know sey I gat ya back paparapa, I full ground well well for U, in fact, if U wan form new Komitee and just like the Supa Eegus go need fresh legs,U go need fresh faces, U know, Honest Nigerians wey dey selfless and not just dey look after dia own sef, U know?Plenty peeps fit back me up wiff wetin I dey talk on dis idea, just ask dem, dem go tell U sey as I see am na so I call am, no wuruwuru, no magomago, no cunnycunny, if U like sey U fit do background check on me and ask my previous employers and current famli members, dem go tell U sey "That Pa J, na correct guy!"I be clean pesin, and I dey get along wiff everybody, and no dey ask for too much back, now, na where I fit fax my resume make U look am?, ?Hello?, helloBros J, hello, "
, *phone computer voice*, "If U'd like to make a call, please hang up, and dial again, "
Pa J:" "