The hope say more ogbonge movies go knack our TV and Cinema screens soon don land as the Bank Of Industry don create N1Bn Nollywood fund for our Nigerian film makers dem.

This one dey different from the funds wey Federal Government don been give dem before.

According to the statement wey the bank give, the project wey dem call 'BOI NollyFund' go give Nigerian film makers the opportunity to gain financial support so dem go fit produce quality films and showcase dem for different movie distribution platforms for Nigeria and abroad.

The statement say Nollyfund get initial programme limit of N1.0Bn and single obligor limit of 50m for people wey wan collect am individually. Na companies wey dey do film production na him fit access this fund as e be.

Dem say applicants dey expected to bring scripts wey go sell market wella and demonstrate track record say dia movies dey dey successful for production.

Then the producer dey expected to con sign up with one reputable distributor. This distributor go issue minimum guarantee and bring cash deposit of five percent of the loan amount.

This minimum guarantee na money wey distributor go give producer so that the distributor go get exclusive rights to distribute the movie for the agreed sales territory according to the contract.

To make sure say the matter get integrity, the bank set up wetin dem call Nollyfund Implementation Advisory Group wey dey made up of two cinema management experts,

Www.naijapidginnews..com