Welcome, Guest: Register On Nairaland / LOGIN! / Trending / Recent / NewStats: 3,163,270 members, 7,853,328 topics. Date: Friday, 07 June 2024 at 02:29 PM |
Nairaland Forum / Entertainment / Literature / Naija Love Rhymes For Valentine (61540 Views)
Must Read: Naija Love Part 1 (one) / Re: Naija Love Rhymes For Valentine / A Space For Peoms, Hot Rhymes, Quotes And General Sayings (2) (3) (4)
(1) (2) (3) ... (11) (12) (13) (14) (15) (16) (17) ... (40) (Reply) (Go Down)
Re: Naija Love Rhymes For Valentine by RuuDie(m): 11:07pm On Jul 01, 2009 |
@ maedan, no need make we fight, shebi we all dey write, as we no get we own website, dis don be like our daily rite, here we dey use our mind and hand to throwey light, even use our words to give blind people sight, try make people see morning for inside night, me i no come here to test might, abi e don turn to issue of wrong and right!? shebi d topic here na love & na make people unite, come together and dey tight, dis be my own widow's mite my own small way to make people life bright. |
Re: Naija Love Rhymes For Valentine by maedan(f): 1:07am On Jul 02, 2009 |
RuuDie, i like as u respond to my teasing true true ur ways dey very pleasing of course, for here love na d mission and we dey use Nairaland as our television to take spread the gospel of live & let live whether u be ibo, yoruba, hausa or tiv |
Re: Naija Love Rhymes For Valentine by TOYOSI20(f): 6:22am On Jul 02, 2009 |
‘Sup people. . .howz u all feeling?? Haha, . . . .i fit feel the love in the air But the real question be say, “shey love dey fair??” Cos the rate at which breakups dey make peeps Cry Other no go fit wan give love a try The good thing be say make we dey sing am like Song As we all know say true love nor dey do wrong Ma friends dey compare am to a light in dark Halls Whey they prevent disastrous falls I understand say people in love they have plenty Glee E dey very obvious cos every one whey dey around them fit See Me personally I dey refer to am as love in the raw Cos every Tom, Jack, and Harry came in and saw Nobody fit dispute say love dey Pure Cos those whey don taste am dey 100% Sure Finally the love whey me I have be like Light And they thing sweet so tay e dey enhance ma Sight (Oya Maedan Gurl tell me which one of these fine dudes is ur, . . . . . |
Re: Naija Love Rhymes For Valentine by RuuDie(m): 7:40am On Jul 02, 2009 |
maedan i feel u, no need 4 we 2 dey spectacular, or begin make people shiver like dracula, we fit no even need curricula, no need 2 begin over-crack we medulla, halla, sing sotey voice crack like tetuila, no be hia a.k go hol' man 4 parti-kola, dis na we fine art & na we own circular, d way we dey use speak our own mind like 'toryteller, and d only how we 'tory go waka tee'lee like ebola, if we do am proper, we message go tey pass metusellah. . . . . . . |
Re: Naija Love Rhymes For Valentine by semid4lyfe(m): 1:46pm On Jul 02, 2009 |
@ Toyosi20 Your in depth love analysis dey make me trip Becos e dey very very deep But make I ask u-u get any man for keep? Abi u still dey wait for "Mr Perfect" to sweep you off your feet? If na so, na only for dream una go meet. Make I yarn u sey ruudie na good and truthfull lover No mind Altavista wey talk se em be cassanova Becos the truth be se em and ruudie get beef Ruudie love go last forever n e no go dey brief And with am u no go ever experience grief U dey there dey ask who Maedan dey love Well make I tell u se na the guy wey she dey call rotiluv If u no attend dem wedding" O girl u miss Infact right now dem dey enjoy marital bliss And dem don dey share enuff french Kiss So make u take ruudie love into consideration Becos em love for u don pass addiction. |
Re: Naija Love Rhymes For Valentine by maedan(f): 6:17pm On Jul 02, 2009 |
TOYOSI20, ur post dey always get the lol factor u just dey level all issues like tractor i don guage now say u be love guru and u sabi play-play pass francis duru main squeeze for here, i no get but my rotylovy i no go forget we dance the pidgin rhumba for many pages til the romance reach im final stages in any case, i dey watch ur back make no NL playa come give u heart[i]crack [/i] |
Re: Naija Love Rhymes For Valentine by RuuDie(m): 7:56pm On Jul 02, 2009 |
@semid4lyfe, thank u as u help hold my side, ur blessing go dey wide, lucky no go see u hide, happy no go jus lef u slide, lai lai u no go fall like pesin wey 2 get pride, inside ur heart love sef go come abide, in fact e go sweep u like bar beach high tide, no yeye pesin go come dey take u 4 ride, Papa God go give u betta bride. . . . . . . . |
Re: Naija Love Rhymes For Valentine by semid4lyfe(m): 8:40pm On Jul 02, 2009 |
@ Ruudie To ur prayer, I say a big amen Na as u talk am Baba God go make am happen Infact, for my life I no go see commotion Kasala and gbege no go be my portion And for everywhere, I go dey get divine promotion @/For all For here, I go dey keep am real Becos this pidgin rhyme don become my meal Even though I no be soothsayer I know se all we pidgin rhymers go prosper As this thread don be literature section topper Small time we go come become big stars with the best and state of the art luxury cars We go come dey take luxury space cruise to planet mars In short, we go shame all the doubters And even the rumour mongers All these na my prayer For all the pidgin rhyme player Wey dey contribute for this thread Wey other nairalanders dey dread. |
Re: Naija Love Rhymes For Valentine by maedan(f): 9:16pm On Jul 02, 2009 |
semid4life, i like as u talk sense u be real poster of excellence for dis NL person go meet all sorts some go become long-standing cohorts while some go dey form say dem be foe start to dey blast eachother from high and low in essence, wetin i mean be say for here everyone dey flow&play we don form a pidgin-rhyme brotherhood wey go be d envy of all wey for join if dey could |
Re: Naija Love Rhymes For Valentine by RuuDie(m): 11:42pm On Jul 02, 2009 |
@ toyosi20 - u dey ask wether luv dey fair sometimes e dey be like love no dey fair, e dey resemble say im no dey show care, but dis wan depend 4 where u stand, and how u take show ya hand, truely atimes e no jus make sense, but dat wan no mean say make we build wall of defense, d more pesin think am 4 im head, d more d answer dey far like A to Zed, betta love go shack u like mo'et, and wen im touch u, instanta na im u go become poet, me i sabi many husband and wife wey dey very happy, and no be becuz dem still dey wear nappy, wen dem begin 2 relate, nobody been ring bell, how dem still dey till now, even dem no fit 2 tell, no be by d fine-ness of dem face, but by d almighty grace. na true sey pesin no fit talk wen love dey right, dat na becuz wen e show, e no dey flash NEPA light, everything we do 4 dis life na big risk, shey dat wan mean sey make we come dey cover bodi like disk!? nothing wey spoil, wey dem no dey fix, so dia 4, e dey wrong make pesin tanda and refuse 2 mix, becuz pesin fit come da'ba'ru my heart, no go stop me from making relationship start, some kain time e fit be say na jus luck, but shey i go come close up like padlock!? people many wey be original fake, dat no suppose make us finish mash brake, how many dem go be!? inside 12, how many bad egg Jesus see!? of course, we go see somethin' wey go pain, but why we get bleach if not 2 comot stain, nobody dey dis world wey no need love, from anywhere yonder, under or above, by right, na wetin all man and woman deserve, e no be like somethin wey dem dey specially reserve, as long as me i dey live, dis be wetin i believe, i no be expert, i no fit tell wen love na correct, but i dey sure sey no be by how u select, my own be say, make we dey wise and no dey over think sotey, wen we finally jam dat wan wey suppose be we own, we go loss d pesin sake of sey we bone! i neva see any man or woman wey be island, even if im be JJC from thailand, |
Re: Naija Love Rhymes For Valentine by semid4lyfe(m): 1:28pm On Jul 03, 2009 |
All my people 4 here, I dey hail For dis life we go be head and no be tail And we go continue dey drop pidgin rhymes wey no go fail. I just se make I drop one or two line For dis thread wey celebrities dey wine and dine Wey dey explosive pass land mine So here goes -- @ Ruudie On this thread u dey consistent And for love matter u dey persistent Ur pidgin rhymes dey shine like sun rays If dis na exam, o boy u go get straight A's Ur love poems dey carry big big weight So God forbid, u no go wait too much for ur love mate Make u just continue to live ur life by faith Becos u don near the appointed date If I get sista, walahi I for give u marry Becos na big big weight ur love poems dey carry I know se u be man of integrity Wey no dey compromise on quality And like me, u no dey tolerate mediocrity So any body wey u marry jam better luck Becos u go love am die and give her plenty buck Leave toyosi make she continue to dey form Besides u know se 4 babes that na the norm U go soon meet babe wey fine pass her Wey go make ur heartbeat and blood pressure go hyper So make u just chill dey play cool Becos very soon na miss world u go dey pull But 1st make u reduce ur poem wey long like essay Becos all man don hear wetin u get to say Make u just keep all dem scrubs at bay Becos dem go sink u fast like clay And u go come dey broke like mc hammer That one be se u go come go village go do farmer So make u just take to my advice Dey play am gentle and cool like ice And Baba God go bless u with the ultimate price. |
Re: Naija Love Rhymes For Valentine by maedan(f): 2:36pm On Jul 03, 2009 |
if na one thing i learn for dis life na dat love no be long story, stress or strife u no fit plan am, e go just happen e no dey ur hand to mould or shapen some go force demself into relationship only to find am full of hardship if only dem fit exercise patient hope and pray without relent d love of dem life go fall for their lap and the joy go gush out like say na from tap |
Re: Naija Love Rhymes For Valentine by semid4lyfe(m): 6:33pm On Jul 03, 2009 |
Wey toyosi wey cause all this storm Now wey e don happen, she don dey keep mum Well, all na experience for person to learn from Me, I know se true love no dey give person stress And no be matter wey person dey discuss for press So e fit be se Ruudie and toyosi dey romance for backstage Come dey form "I no do" for this our frontage Becos I know se my guy ruudie no be tout And e no dey shack beer talkless of stout I go give am the benefit of the doubt. Me just dey yarn my church mind And no be everytime truth dey dey kind So make nobody carry vex Come meet for where I dey flex. Dis thread don surpass my expectation From day one e no experience stagnation Becos all man for here na pidgin rhyme sensation. I throway salute to all those wey hold am down Before me come join dem dey flow for this town Rotimy, maedan, just2nice and all the rest Wey proudly carry dis pidgin thin for dem chest So tey dem imprint "proudly pidgin" for dem vest. One Million gbosas no dey enuff Becos all off una be pidgin rhyme buff To all of una, I commot my hat in salute Becos this thread still dey and never go kaput |
Re: Naija Love Rhymes For Valentine by maedan(f): 8:02pm On Jul 03, 2009 |
thank u semid4lyfe, for giving honor where e dey due to this wonderful thread, we go always stay true no be say dem dey pay us, or say we dey get gain but at least we dey have fun and build up our brain anyone wey get anything meaningful to say make e always use dis pidgin medium (no need to pay) |
Re: Naija Love Rhymes For Valentine by TOYOSI20(f): 6:39am On Jul 04, 2009 |
OMG!!!!, . . .ma peoples, I done miss una die. . . If to say una fit see ma heart una go sabi say I nor dey lie. . . . Awwww, . . . ma sis maedan, . . . .e be like say u be ma sis from another mother I trust say u gatz ma back like no other Ruudie, werrin dey naa??. . . .u dey trip?? Love na awesome thing even to the last drip Na so the thing dey happen when cupid fire pesin chest Nor worry put ya mind at rest Semid4lyfe,. . . .me sef dey amaze at how this thread dey gain ground But then again nor be love whey nor sabi bound Make una they enjoy unaselves jare, life dey sweet Especially when u dance to its rhythm, by moving ur feet |
Re: Naija Love Rhymes For Valentine by RuuDie(m): 7:15pm On Jul 04, 2009 |
dis wan wey TOYO even mention my name, i no jus dey d same, e sweet me sotey i almost lame, as if pesin don dash me fame, make e no be like dey claim, i fit print dis ur post put 4 frame, na true i dey trip and no be game. . . . TOYO u sey last drip, my own even start 4rm d tip, dat na small, u get me inside ur grip, if u ask me to jump, i go skip, tell me 2 tumble, i go flip, even 4 river naija dis my head, i go dip, now ehn, i be like baby wey dem tie bip, dis na jus make u get idea how deep. . . . . Maedan & Semid4lyfe, una don try una best, thank una well well, una jus leave d rest, i take TOYO challenge as correct test, as i dey unload every wey dey my chest, e be like wen man dey invest, sometime na loss instead of interest, if she no gree, no be contest, i go jejeli put on my vest, and begin dey waka face west, maybe no be 4 me, so i go jus return to my nest! |
Re: Naija Love Rhymes For Valentine by semid4lyfe(m): 12:27am On Jul 05, 2009 |
Still in the spirit of love -- but this time a higher love. Baba God, na becos of u we still dey So to u, we go everly dey pray We all never read bible from genesis reach revelation But we know se na u be the road to salvation For our lives, we don succumb to many temptation But u still give us ur heavenly redemption Bombard us with divine promotion And come bless us beyond all expectation Gbege too plenty for dis life But u lift us above all the strife Our blessings we no fit count Becos second by second dem still dey mount Na ur love be the ultimate Becos e carry big big weight And e no get expiry date Na only u fit turn water to wine So people go fit drink and dine In short Baba God, ur ways too fine Therefore, na em we all go dey preach With dis our small pidgin missionary outreach |
Re: Naija Love Rhymes For Valentine by TOYOSI20(f): 6:35am On Jul 05, 2009 |
Nice one right there bruv. . . . .make we remember say the ultimate love na from above As soon as we realize that e go be like say things for pesin life go be on a constant move We all sabi say the heart na sacred thing, . . . And love be like ornament wey they make am bling Make we protect oueselves from unnecessary fling U go just dey make ur mind they go ding Ruudie its all good all make u try take a chill pill Nor go rust this thing so tay u go get over fill Nothing do u too, cos u sabi say @ the end of the day no bill Where ma gurl Maedan oo, . . . .i don miss her tire Make she quick come oo, cos e be like say this place don dey catch fire, . . . |
Re: Naija Love Rhymes For Valentine by maedan(f): 7:02am On Jul 05, 2009 |
^^^^my dear, i neva go too far na im i come see ur shining star i say make i rush back and join d flow make dem no come say i don dey slow as u don join, d girlpower don increase i pray say ur elbow go always get more grease sometimes e dey lonely 4 hia with only d boys but now my naija sis don come to share d joys make we always dey on hand to heat up d fire so dat our fans no go ever blame us say we don tire |
Re: Naija Love Rhymes For Valentine by maedan(f): 10:07pm On Jul 05, 2009 |
i just say make i go take a stroll e come be like say i dey on a roll even tho' i no be storyteller like RuuDie i go stay cool like i dey wear hoodie semid4lyfe get im philosophical style i no fit compete as im be top-of-d-pile and to newcomer TOYOSI20, na she trip me pass she dey rhyme like a true naija pidgin lass may we always to dey continue the show where great minds dey, good rhymes must to flow |
Re: Naija Love Rhymes For Valentine by semid4lyfe(m): 2:13am On Jul 06, 2009 |
Na wa o! Dem say my yarns dey too philosophical Some even talk se my flows dey metaphorical Small time dem go talk se I dey political And e no go surprise me if dem say my style dey dramatical Well, like KSA go talk - na dem get dem mouth, so let dem say After all, all way na way as long as e lead to better day For dis thread, me no dey follow anybody compete Sometimes e go be like se all the rhymes for my head don delete But somehow somehow, my brain go come replete So I go come drop pidgin rhymes wey dey fresh Come dey flow like se I be spirit 'n' no be blood and flesh Well, make I no praise my self too much Becos, yesterday- when I bin dey church Pastor talk se 'pride dey always come before person fall' But that one no mean se I no go dey waka tall Becos me I know se to rhyme for pidgin no be yam If una doubt me, make una try am And una go see se I dey talk true Some people no even get any clue Se dis thin dey involve plenty brain cracking And e come dey emotionally and mentally tasking Well, make I no yarn una too much story Except to tell una se, I go still dey flow- so no worry But make una remember se na Baba God get the glory. |
Re: Naija Love Rhymes For Valentine by RuuDie(m): 7:36am On Jul 06, 2009 |
My peoples, una don yarn am finish, Make i no attempt 2 diminish, Wether primary, secondary, uni or poly, Baba na im get all d glory, As una advise make i dey write short, Na im i sey make i hol' d thot, Cuz if i begin download, E go resemble achaba wey carry overload, I wish una all correct day, Any matter wey ur hand dey, go flow ur way. . . . . |
Re: Naija Love Rhymes For Valentine by TOYOSI20(f): 3:57pm On Jul 07, 2009 |
Shoutz out to Madean, Semi4lyfe, Ruudie, and all other wonderful people that keep things running around here. . . . I'm thinking to maself like where else do u see folks keeping things locked own so tight. . .where?? Here we go. . . . . . . Ma peoples I don dey a little busy oo for a while Make una nor vex oo, I nor fit stay away for too long so e nor go bitter like bile Make una help me see all the summer crushing, and all the gurls they respond by blushing, Make una always dey keep love fresh Cos na so e suppose be when lovers dey mesh Love na delicate thing oo make peeps nor rush Take time to feel the first time una dey crush Ma friend describe am as a long journey And times along the way e go dey competitive like a tourney In short I dey feel the power of love whey full ground And I sabi say na genuine one this time around Solid passion dey make pesin heart go beep beep Cos we all sabi say e dey that deep I see say we dey do am like say today na everybody birthday Make una remember sha say Monday (13th) na ma own BIRTHDAY |
Re: Naija Love Rhymes For Valentine by semid4lyfe(m): 8:47pm On Jul 07, 2009 |
@ Toyosi20 E don tey wey person see ur face I don dey think se u don quit dis race But u come show with ur usual grace . Becos u be like commodity wey scarce I bin think se u don go planet mars But e be like se u dey prepare for ur birthday celebration That one be se, for here na maximum jubilation Me I be jolly good fella And I like to dey shak and chop wella So make u prepare enuff food Becos all ur guys for dis hood Go fall in big time and participate For dis birthday wey u wan celebrate. Happy Birthday, Gal. |
Re: Naija Love Rhymes For Valentine by maedan(f): 10:48pm On Jul 07, 2009 |
Hey guys, hope una no take offence as I analyse una style, i hope e make sense semid4lyfe, u be great thinker, ur pen na sword and RuuDie na wise man of many words and TOYOSI20 na babe true true with rhymes wey always dey fresh like dew ay yo, sista-girl, happy b-day in advance shey u kno July na d month of romance come rain, come shine, make u always stay blest and make u get plenty presents from east to west!! |
Re: Naija Love Rhymes For Valentine by TOYOSI20(f): 5:36am On Jul 08, 2009 |
Semid4lyfe, e nor possible say make I quit Infact e dey make ma pidgin vocab dey nice and fit I must talk am say I appreciate your nice wishes I go send some nice cake and food, just send back ma dishes Its all love ma peoples, I sabi say una be the best I rate una topmost amongst all the rest Ma dear Maedan, thanks gurl for the nice message This forth coming birtday, dey almost feel like anutha rite of passage Thanks so much ma peeps for the love Really appreciated, . . .I’ll take it wid me always even as I continue to make a steady move Even as we tarry on in our journey in the circle of life Make we remember say Baba God dey wid us through all the strife . . . . .I don get a new appreciation for life as a whole now I salute the greatest icon ever (Michael) by talking a bow. . . . . |
Re: Naija Love Rhymes For Valentine by maedan(f): 10:56pm On Jul 08, 2009 |
TOYOSI20 lovey, I feel u on d MJ issue when Usher sing Gone2Soon, i go grab tissue the memorial service dey v. emotional no be say everything na just promotional the feelings and tears of all dey quite real and the words of im pickin come put d final seal well,well,well, no need to dwell on sadness na d message, not d mess, go bring us gladness na so Rev. Sharpton talk, and i concur for all we blacks, MJ help 2 open d door |
Re: Naija Love Rhymes For Valentine by semid4lyfe(m): 7:37am On Jul 09, 2009 |
Maedan, u don commot the words from my mouth So I no go fit talk much or shouth E be like se na me em death pain pass Becos for music, Mj dey em own class I be man 'n' e don tey wey I cry But walahi, em death commot tears from my eye Who go come be the next king of pop? Becos all musicians of today be like flop Baba God, I know se na final be ur say But abeg, u fit bring back Mj? Na so I don dey pray Every morning of every day Since I hear se em don pass away. |
Re: Naija Love Rhymes For Valentine by maedan(f): 11:43am On Jul 09, 2009 |
yes oh, semid4lyfe, i dey feel ur pain dis season just dey bring showers of rain Stevie Wonder come ask say, why MJ come die for summer when we supposed all dey happy, oh what a bummer oh well, I hope im dey for a happier place but meanwhile, no1 go ever fit take im space and BTW, dem say make we no call am King of Pop Na the Greatest Entertainer im be- he go always dey on top!! |
Re: Naija Love Rhymes For Valentine by semid4lyfe(m): 5:04pm On Jul 09, 2009 |
@ Maedan Baba God, na em know best So em will, make we no contest Everything get em time and season And I know se everything na for a reason Remember se ashes to ashes and dust to dust And one day all of us go dey buried under the earth's crust So make we all live life and leave positive impact So our legacy go dey strong and intact Me, I go try contain my sadness and pain Becos I know se all em life work no dey in vain |
Re: Naija Love Rhymes For Valentine by maedan(f): 11:29pm On Jul 09, 2009 |
semid4lyfe, wetin u talk na d essence even tho' na only one man, d world go miss im presence how a single person go make such an impact and cause so many hearts to just dey contract see as Usher just dey cry, even Bros Jermaine eye no dry i no think say we go forget MJ in a hurry, make we no even try we go only fit hope say tings go better by and by! |
Re: Naija Love Rhymes For Valentine by RuuDie(m): 12:32pm On Jul 10, 2009 |
b4 una begin think sey i don kpeme, i still full ground like udeme, e no 2 tey wey i change zone, so i sey make i first dey on my own, first of all survey d area, becuz 4 hia, our worry no be malaria, now so ehn, i dey inside inside d delta, d place wey make naija name bad still make am betta, ol boy come see weather, rain wan make we begin wear leather, d work sef no easy, 2-4-7 man dey busy, but wen i see chance escape like crook i dey show hia come look, enjoy una as d flow dey go, una dey do well bo' . . . . |
(1) (2) (3) ... (11) (12) (13) (14) (15) (16) (17) ... (40) (Reply)
Oyeku:story Of Lust,injustice, Destiny And Human Wickedness, 18+ / Wole Soyinka: Things You Never Knew About Him / Nephilim
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 93 |