I don show with popcorn

Make the tori stand as e dey hot.......i dey kampe dey shine my eyes.....

Damibiz don book space sitedown with beer for hand

Abeg as e dey hot I can't wait to get a feel of the part 2 of this tori

OYA DOUBLE TUALE FOR YOUNGZUBI

Baba YOUNGZUBI.... I dn join queue

Carry on bro i ghat ur bak

Youngzubi:
Welcome my people,as the matter take dey be,we go soon enter another gbeducous journey full of joliment,for the tori reader dem,as E dey hot,the matter go dey drop without long tin,biko i take baba wey sidon jeje for up wey nobi ontop our roof but heaven,abeg make we change our mind set for this season 2,wetin i bin try yan una be sey make we dey try comment,see eh! if comment dey land as the tori sef dey land,both me wey dey write am and una wey bin read am go dey happy!!,the tin go dey mix like beans and bread as we go dey use likes and shares to dey dilute am,

Tori lenez!! the tin go bam die!,as oyinbo people sef don shuk head join the matter,make una remember o!


nobi sey i won begin long talk for hia,but i go like make everi body join body follow dey contribute,i nor fit know how good abi bad the tori take be if una nor talk am

if e get mistakes wey bin dey trouble ya mind,biko no delay!,kai kai samah the gbaski and halla my name ontop am,believe me i go tear race shuk mouth for the matter


so my people una welcome..

THREAD OPEN.....

STILL YOUR GUY YOUNGZUBI



click here to read season 1

sex na food(PIDGIN comedy edition)story of a rugged guy by youngzubi

https://www.nairaland.com/4604676/sex-na-food-pidgin-comedy?_e

I done burst out like lord Ragnar Oya make una clear way for king make I take my site .. Oya my been bimberry1307 come sit down for my side

i don follow land lyk landrover, abegi make una shift make i siddon. where d pop corn nd fanta dey? following u boss youngzubi as u drop dis masterpiece back to back.

i don book my space sharply, abeg make u sama us d tori as e dey hot.

Space booked..

I dey ur back like school bag

Nothing do u big man fire fire de go

Oya na...

I don position my sef here

No worry u go tire 4 comments this time around. Cuz any ghost reader wey no comment names to do am like this

Guy,keepup the good work going.

Wow you do as you yan oo..


YoungZubi for president 2019

sorry my man for not been with u all this while I has been out and busy with business but am glad for what I saw wen I came back ,we even won the August award u see what I was telling u wen u started this story new with dedication and hard work u will make it.congrats man u has made it.

I, dn land oooo ,,keep it up brotherly

Season one was a thriller, I dey here gidigbam yungzubi nothing do you

youngimporter:
sorry my man for not been with u all this while I has been out and busy with business but am glad for what I saw wen I came back ,we even won the August award u see what I was telling u wen u started this story new with dedication and hard work u will make it.congrats man u has made it.

true talk bro i understand, man must hustle so as long as you'er in good health no problem..

thunder tire ghost mode......present sir

Ghost mood deactivated

i stand wit u man........

Who Told you I’m a Ghost!!!! I dey here jhor

Wating

Guy, you do make you post this tori na. Choi! watin dey sup sef see nor lemme vex use this sk burn ur ear oo.. coz if i vex i dey know










Na Joke i dey oo

LordOfSamosa:
Guy, you do make you post this tori na. Choi! watin dey sup sef see nor lemme vex use this sk burn ur ear oo.. coz if i vex i dey know










Na Joke i dey oo

BT OGA SPANA U NEED 2 BUST DIS TORI O

help me win short story award!kindly click on the link to vote for me on facebook by LIKE and COMMENTING my own short story,remember the writer withthe highest likes andcomments wins the award so brothers and sisters support youngzubi,help me win the award by clicking onthe link below,mention your Facebook friends to mention their own friends,together we can do it!!!!,,ghost readers you can also participate just click on the link,or you search"boldscholar" on ur fb search scroll down to the one of Desmond nona..LIKE,...comment and mention your friends God bless u as u do so

click here!

https://mobile.facebook.com/story.php?story_fbid=498512433955386&id=3

NOTE! THE SEASON 2 IS BEING TOLD BY TWO PEOPLE,AS I WANT TO TALK ABOUT STREET CHILDREN AND HOW THEY LIVE,THINK,HUSTLE AND SURVIVE AMONG US

CHARACTER ONE: LASCARD --AJANLA STREET LAGOS

CHARACTER TWO: SPANA ---JAMAICA

season 2 Episode.......1



I Fit Be Second Jesus
------------------------------


Years Later
---------------------

Inside ajanla street for lagos,you fit see as everi wia take dey tattered,dirty water full all the gutter come dey flood the whole road,school children dey comot dia sandals together wit dia socks enter the flood water pass after wich dem go clean dia leg and then wear dia sandals begin trek go school,the street busy die,as people dey struggle go dia various place of work

ajanla street notorious die as nah street children,area boys,cultist,drug dealers,gamblers and ritualist dey dominate the whole area,notin goes for notin inside ajanla street,the life wey we dey live nah the impact wey ajanla street implore in us


as i sidon jeje ontop iya basiru firewood wey she park for main road,i just dey enjoy the beta jam wey dey boom from Cana-B speaker tekno "pana",cana-b nah the top hair barber wey dey for ajanla street,another 18 hair barber still line up go down the street,wit dia songs wey dey loud 24/7 ajanla street dey noisey die,although e don already turn part of our life,noise,fight,drugs and bad life nah our trademark,nah wetin dem take know we the street children,if only i fit sabi my parents dem,life for nor be like this,we live in the street,we chop from hand to mouth,hawking nah our only means of lively hood,people see us as aliens,dem treat us without love becos of wetin street don turn us into,anytime i see those pikin wey get family i dey always feel bad,why becos i never for my life know as E take dey be to get mama and papa,pikin wey get mama and papa no know wetin God do for am,anytime wey i carry my bread dey hawk for express and see people wey carry dia pikin inside dia moto,i no dey fit help but to dey wish sey i get even if nah only papa,but E just dey impossible,i grow inside street, all my life till now wey i don turn teenager nah street be my only home,we suffer from day to day only for our superior dem to come and collect the small money wey we make for the day,nah even the female children among us dey for the receiving end as all the area boys dey always rape dem every night,for inside store wey we dey always squeeze our sef like sardin,we go dey hear the small small girls cry everi night as those big boys dey nack dem,we nor get anybody to run to as the government sef nor recognise us,we only live in the street to serve the street gods as we sef nah dem slaves,this nah my life story,i dey evil,even as i young reach nah evil full my body,i live and grow inside evil,so evil nah part of me,nah wetin the environment implore inside me,i no fit introduce my sef becos me sef nor sabi myself;i still dey find wia myself from come and nahim make me yan sey i fit be second Jesus just maybe,my life nah one kind bad movie abi fairy tale,my name nah lascard naso my journey take begin


"i sight as some street children dey sing dey follow one mad woman,nobody wey nor sabi jagi the mad woman for inside ajanla street,even those area boys dey fvck her wen dem don over high,jagi too dey sleep anyhow,ontop sey she nor well,she fit sleep tear leg open as her laps fresh die, those rubbish guys go dey rush her tin like hot akara


"lascard!!,sky-b voice jab me for wia i bin sidon ontop iya basiru firewood,

"area!,bros i dey hia,i yan as i stand begin dust my yansh as the pkako sef don add more dirty to my shokoto

"you dey craze abi?,lascard you dey mad??,so nah we you take dey learn hide and seek abi?

"no o! bros abeg nor vex,i bin dey get running stomach since yesterday, so i nor hawk at all since dat yesterday,i yan as i begin look dia red eye,i sha know sey E don hot for me,but E nor be my fault as i no hawk bread for express yesterday so i nor pay my daily due to our oga danbito,nah him dey rule over us,all our stress nah im dey chop am,everyday we dey pay am 500naira whether we hawk or steal E nor just concern am wit im boys,as nah sure tin sey we the street children go dey pay am the money


"see this pikin o!,so nah to just stand dey tink you dey hia dey do abi?,you tink sey nah play we come do eh!,gashiki para as im tear me one hot slap wey turn my eye blind,nahim i begin boil inside,but i be just a small boy notin wey i go fit do as nah dem be our oga boys

"bros abeg make una know vex,i go pay am today if don go hustle finish,i still dey yan wen bottle hit my head pkosaa!!!,iyeeee!!!! i grab my head fall for ground as i begin shout for help,but nobody go dare try near dem,the bottle wey dem nack me never do as dem begin flog me wit belt


"bros abeg take the money and free am abeg,causetrouble yan as im kneel down wit 50 50 naira note wey make up 500naira for im hand,

"how much be that?,sky-b yan as im stop flogging me and face my friend causetrouble

"bros nah 500naira,causetrouble yan


"we dey sell pepper?,why you carry change full the whole money?,abi you dey mad!!,sky-b yan as im kick the boy for face


"ahh!! bros nor vex iyee!!,causetrouble begin beg as im hold im face still grab the money dey beg


dem snatch the money comot for im hand and pass,all other street children rush us immediately sky-b dem waka comot

"iyeee!! lascard you don get two head o!,mento yan as im stand wit plenty handkerchief wey im dey hawk


"o boy!,make we go clear mind first,causetrouble yan as im waka com drag me up for wia i lay down dey press my koko wey don swell for my head


we waka move to one uncompleted building wey dey down the street,as we shuk head enter the building everi wia don full wit street children both boys and girls,our reasoning no normal again as life don change our thinking,as we young reach we dey smoke anything,we boys dey nack the girls as we take like,evil don grow root inside us,as nah wetin we grow up seeing nahim we sef dey do,for our eyes notin bad in it at all

"gbosa!!!! for u laski!!,dem begin hail me as i chase one boy comot and sidon jeje for ground


"ahh!,laski wetin do ya head nah,you kiss wall?,sambisa yan from wia im sidon for ontop window dey puff smoke


"i no even look up sef as i light the igbo wey i just rap finish,wit one long draw all my body begin boost sharpaly



few minutes later,some cultist guys shuk head enter the place nahim everi body scatter,except for me causetrouble,sambisa and mento wey be part of dem


************************

clarendo Jamaica
----------------------------


along the years,man don change mentality,as we dey believe sey before you go fit succeedas a killer nah ya jazz go determine but not again,all that rubbish believe don turn pass tense as man is now a hardcore killer,wit all the training for the past few years, just to train as assassine,no jazz this time but brain work,no jazz but determination and skills,i work wit my big bro as assassine and nah this one be my first mission wey i go carry out single handedly

the taxi man stop for front of one tall giant hotel "rockhouse" nah the name wey dem write boldly ontop the hotel

wit my well shined shoe,black suit and black glasses i shuk head come down from the taxi, settle the taxi man then grab my suitcase and begin waka go inside the hotel with fake identity,as my mission nah to kill Mr Romone Gimmet,a very rich drug dealer,the man bad,smart pass anything you fit imagine with tough security wey dey always surround am,but as my mission nah to terminate im life,nah only time go tell if i go succeed

"good day sir,please how may i help you sir,a female receptionist yan enter my brain immediately i step in,omo i won comot the black eye glass and look her packaging well but i get target,so i just bone her big br**st wey just dey point my mouth


"goodafternoon,please i need a room at the last floor,i really want to have a nice time here looking at the whole city as this is my first time here in Clarendo,i dont know if there is any vacancy there,i yan


"she purse for a while,released her breath then replied",yes sir we have about 10 vacancies in the last floor,she said calmly as i just stand wit my suit case dey look her


"good!,please i wonna lodge inside one



she face her computer after clicking some button she pass me one file wey i take fill my details then paid for the room as she carry the room key give me,i grab the key and waka straight enter the lifter,i seize my breath till the light blink indicating sey i don reach,jejely i waka comot and quickly locate the room before people go surface for the passage,the door tear open sharply immediately i drive the key enter,as the the door jam tight i drop the suitcase ontop the bed and begin comot all my clothes


"as nah only boxers i dey wear now,i carry phone type short massage and forward am to mike,the suitcase tear open immediately i press one red button nahim different materials surface,scattered pieces of iron metals,timer and a male hotel uniform,sharply i change into the hotel uniform then begin fix the iron metals till the whole tin form a long sniper gun

"i carry the sniper and the timer rush go slide the window open just small,i position the camera so that e go fit dey record anything wey dey happen for front of the hotel,then set the timer as the tin begin count in minutes down to seconds,


"i watch as different cars line up begin enter the hotel premises,Mr Romone Gimmet get meeting wit plenty other business partner and nah rockhouse hotel dem won stay do the meeting,i watch as four security men jump down sharply begin survey the whole compound,dem use something dey check all the window so i kukuma comot,as dem nor see anything one of dem waka go inform dia oga as more security guards surface with different weapons,all of dem scatter stand for different position then Mr Romone Gimmet comot one leg outside as im security man slide the door open,jejely sweat begin gather for my forehead as the fat,black and tough looking old man step out wit im walking stick,i shut one eye then begin look the pointer camera wey dey ontop the sniper,i begin turn one button as the tin begin zoom,wit the red cross sign well positioned on Mr Romone Gimmet skull, i release better tap on the small metal as a very fast moving metal speed comot viam!,the whole security scatter as dem begin rush dia oga wey just release im last breath,blood full the tinted glass as Mr Romone Gimmet lay down dead for ground,sharply the hotel was locked as the guards begin rush inside the hotel


To be continued....



in other not to disappoint i have to type and post this update at the midnight,nah wen i get small chance be dat

make una no para for me o!.......

Nice one... Episode 1.. sold