You know what? make we level this matter. Everyday for NL i dey see boys wey no wan work again dey claim say sugar mummy wahala, Bros, na lazy you dey no be only you fine. No go dey form fine boy still dey find woman wey senior you to prack! On the d-low, na lazy you dey! Na either financial condition or evil spirit cause am nigga. (Girls too, wey dey find sugar daddy, babe na loose you dey, go get help and stop polluting everywhere spiritually. Effort to position yaself where sugar mama/papa go see you could still be used to position business idea where investor go see am.) For the ones wey get work still dey find sugar mummy, Sorry o! Na curse dey your head. If you love am, no more hotel room, carry am dey go area see your boys and girls dem for hood. Carry am go church or mosque hear God word, follow am go her own family house to see her brothers and sisters dem (if dem no reach to born you). Any hesitation from her, bros na tissue you be because she use you dey hol body until her confidence rise again.

Sugar mama wey dey find small boy unto gangster loving and milkcub treats, ogun fire you there. Your confidence don go and na issue carry you go that side. Go get help with better therapist. If una love una self well? the test no be to go fine fine location / coded joint / hotel room. Make you follow am go im parents house so una go quick settle down since you need more time to quickly start enjoying the union. Any hesitation mami na use the nigga use you. Give yurself brain go work on your mind and confidence. Follow am go church abi na mosque

For una men wey dey find small small girls to pracke dey form love. Una agemate don catch up with all una lies, you don enter small girls wey you fit lie to. Na Ogun to castrate una finish.

My lord, na here i rest my rant. Evil dey smell. Nasty smell and people go dey inside am dey smile.

That's wus up! Nigga na man u be.

Meeeiin! Abeg this is not co-incidence. I stumbled on something here on NL yesterday and it took me on a ride into this dude. It was just talking about this madness of body exposure and all. https://templescounsel.com/craving-sexual-attention-is-a-drug-social-media-is-its-love-vendor/

Your submission make sense but kai, your harshness na John de baptist level harsh.