one of my pally wey dey very close to me don enter wahala for inside jamaica oooo.na last yr febuary dis my pally be travel go jamaica to hustle and b4 im travel im parents be carry am go shrine to pray with am for the ancestors to protect am for im trip so i jus dey surprise wen im phone me yesterday and tell me say na for jamaican prison im call me dey tell me say yawa don gas.he say na one s3xy jamaican kele he be see for road wey im be come dey toast.he say as he jus dey toast the babe na so dey be jus dey ignore am and na wen he come hold her hand and draw her b ody to im own na im she begin shout and no do no do na so jamo police jus surround am carry am go their station house.he say dem jus detain am one time and no do no do dey start to dey say he resemble one notorious drug dealer wey dem dey look for.he come tell dem say im no be drug dealer and im never commit any crime for im life.dem no wan jus believe am.The jamaican police say na the same way the drug dealer dey wear im goatee beard like my pally own .dem the jamican police also say the way the drug dealer dey shave im head reach ground na so my pally barbe im own hair.dem say the coicidence too strong and dem sure say na my pally be the drug dealer.right now he still dey prison and he dey beg me make i do everything possible for im to return back to naija.i don already visit one strong native doctor for our area make im give me one strong juju to use turn the police men head for jamaica make my pally go free.anything wey una go fit do i go greatly appreciate.pls help a friend in need oooo.tank u!