Welcome, Guest: Register On Nairaland / LOGIN! / Trending / Recent / New
Stats: 3,143,330 members, 7,780,857 topics. Date: Friday, 29 March 2024 at 12:53 AM

10 States In Nigeria Where Pidgin-English Is Most Spoken (written In Pidgin) - Travel - Nairaland

Nairaland Forum / Nairaland / General / Travel / 10 States In Nigeria Where Pidgin-English Is Most Spoken (written In Pidgin) (78551 Views)

Coldest States In Nigeria / 12 Beautiful Resorts In Nigeria Where You Can Enjoy Your Honeymoon / 10 Cities In Nigeria Where Pidgin English Is Most Spoken (2) (3) (4)

(1) (2) (3) (4) (5) (6) (7) (8) (9) (10) ... (13) (Reply) (Go Down)

10 States In Nigeria Where Pidgin-English Is Most Spoken (written In Pidgin) by Nobody: 1:26am On Mar 08, 2017
10. ABUJA
Based on based ehn, dis na d capital of Naija as all of ona know. The softness wey dey ooze for this coast na highest for the full country. The softness don real attract crowd from different holes come assemble for this arena.. The crowd nor get choice but to settle for pidgin make adagba nor for hang bulb-wire in the long-run.

9. ANAMBRA
Still on still ehn, this state still get small levo unto the pidgin spirit based on say na jur river share am from the capital of Delta state.. dat na wetin white men dey call "clash of culture"..

8. KOGI
O Bob! This state nor suppose sight road enter this list sha.. but still on the clash of culture things, most strong men here dey ball in Edo state steady unto one or two tiings based on say places like Auchi, Okpella etc nor too give Kogi state yard..

7. CROSS RIVER
Calabar people sha.. Their pidgin dey sound like Chinese dat year sha, but some kind Urhobo boys don hustle enter there come give their girls belleh finish.. this belleh-giving nai make new generation calabar children dey tear pidgin like Sapele agbero these days.. Pikin must resemble papa unto one or two tinz na.

6. LAGOS
Ma first hail some kind lost souls for this yard before I fire down.. Men like RMD, Basorge-Tariah, Ali Baba and other staunch wey abandon us go that way.. I jur like let ona know say nor be so o.. Cow wey smart go America go come back as cornbeef one day sha..
Still on still ehn, this state kari-get population from different parts of the country.. But we all know say dia pidgin melting pot dey Ajegunle where Area borku yakata.. Still on the hustle, AJ boys turn musicians o.. all we slangs for Area na dem pack full dia music.....and ona know say music dey kari-spread.. slangs spread so tey market women dey chew dem like gum based on say nor be everybody fit speak Yoruba na.. so d pidgin jur serve as dia lingua franca for dah way.... example of dose slangs wey dem thief na "Who You Help" wey Olamide thief from Shuun Bebe...

5. AKWA-IBOM
No doubt, militants don teach these people pidgin finish based on the oyel tinz.. dem try!


Down to the big four

4. RIVERS
This na one gallant South-South state wey jur gather people from different tribes like Tower of Babel.. Oil industries borku for this state and even omormor know say business must full anywhere oil industries gallant put. These people of different tribes based on say dem nor get unified language come dive pidgin make quarrel for nor too dey sup unto business tidings.

3. BAYELSA
Ijaw full this state nor be small.. Naturally their lingua franca suppose be Ijaw, but based on say d state near Delta anyhow, dem jur gat copy dia elder brother (Delta) main language make e for nor loss..

2. EDO
Oba a to pe'e.. Before 1991, this state dey conjoined with Delta state.. dem regard dem as one den (Bendel).. This state nor be number one for this list based on say some kind villages there near Yoruba states like Ondo and Ekiti.... This kari-near don weaken dia pigin anyhow.. na jur Benin come get level unto the lingua..

1. DELTA
Area!! 12 Kpokos for all the Nairaland Waffarians.. Any Effurun pesin here? Abeg signify make men observe ur kpai number..
Dem nor dey drag seat with Oba o..... The full state gallant for d pidgin level sha.. from Warri/Effurun to Sapele, Ughelli, Abraka, Oghara, Osubi, Asaba, Agbarho etc.. Area! ona too much abeg.. I throw backy give all of ona. Dem say overfamiliarity nai nor dey make man chop house rat..

Fly go gather any kporkpise wey like smart for this thread..

278 Likes 20 Shares

Re: 10 States In Nigeria Where Pidgin-English Is Most Spoken (written In Pidgin) by Osasnidas(m): 1:30am On Mar 08, 2017
lol na soo.. so the mod wey push this post to front page wait after 1year to do am.. chai... Meanwhile FTC number 2.. shey special treatment dey this feat.... Make I sip kunu dey read comment

6 Likes

Re: 10 States In Nigeria Where Pidgin-English Is Most Spoken (written In Pidgin) by Nobody: 7:31am On Mar 08, 2017
Osasnidas:
lol na soo..
normal life.
Re: 10 States In Nigeria Where Pidgin-English Is Most Spoken (written In Pidgin) by olamilekan9(m): 2:51pm On Mar 08, 2017
NA SO OMOBOY BASE ON SAY E NO GET AS E BE EHN OGORO MUST JUMP.NORMALLY

12 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by Nobody: 4:31pm On Mar 08, 2017
Ph city ooooooo... Nah us oo we no want wahala ooo

5 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by fratermathy(m): 3:16am On Mar 29, 2017
This level suppose don shine frontpage congo since last year na. Shuoooo!

Thank God say this correct thread nor lost for ekoro.

75 Likes 2 Shares

Re: 10 States In Nigeria Where Pidgin-English Is Most Spoken (written In Pidgin) by Nobody: 5:24am On Mar 29, 2017
fratermathy:
Lalasticlala, this level suppose don shine frontpage congo since last year na. Shuoooo!

Make una nor allow this correct thread lost for ekoro o!

lol bros.. ur langua na highest o grin

21 Likes 2 Shares

Re: 10 States In Nigeria Where Pidgin-English Is Most Spoken (written In Pidgin) by HIRAETH: 8:26am On Mar 29, 2017
Boss... Nice one

1 Like

Re: 10 States In Nigeria Where Pidgin-English Is Most Spoken (written In Pidgin) by Sinistami(m): 7:37am On Jul 20, 2018
Dis kain thread de dis nairaland nai dem kon allow am for loss. Wida na!?

4 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by fratermathy(m): 12:09pm On Jul 20, 2018
Akwa Ibom nor follow at all for this matter. Na only Ibibio and good English dem dey yarn here. Dey nor sabi catapult pidgin at all. Even the small ones wey open eye for the matter sef nor sabi am wella. Their pidgin dey sound like good English mixed with Ibibio.

As for Anambra, na Igbo dey reign for there. Pidgin nor too follow. Na only for Onitsha dem dey speak small pidgin based on Asaba influence and based on say strangers boku for there. So Onitsha nor too follow up. Even Asaba sef, na Waffarians dey spoil that town. Normally, na Igbo dem dey yarn but Waffi boys don change am follow them. Some Asaba people don even get Warri tongue now sef.

For Bayelsa matter ehn, Yenagoa na correct pidgin area. The people wey get the town na Epie/Atissa dem dey speak normally but Izon people and Ogbia people plenty for the cabal so na pidgin naim dem take dey control their matters for there.

As for Cross River, na Ogoja/Ikom/Obudu people get am. Their langua for there na konk one. Nor play o. If original Ikom man yarn pidgin for you, your head go roll like ludo seed.

Highest pidgin sha na Warri. Area!

125 Likes 3 Shares

Re: 10 States In Nigeria Where Pidgin-English Is Most Spoken (written In Pidgin) by Sinistami(m): 12:58pm On Jul 20, 2018
fratermathy:
Akwa Ibom nor follow at all for this matter. Na only Ibibio and good English dem dey yarn here. Dey nor sabi catapult pidgin at all. Even the small ones wey open eye for the matter sef nor sabi am wella. Their pidgin dey sound like good English mixed with Ibibio.

As for Anambra, na Igbo dey reign for there. Pidgin nor too follow. Na only for Onitsha dem dey speak small pidgin based on Asaba influence and based on say strangers boku for there. So Onitsha nor too follow up. Even Asaba sef, na Waffarians dey spoil that town. Normally, na Igbo dem dey yarn but Waffi boys don change am follow them. Some Asaba people don even get Warri tongue now sef.

For Bayelsa matter ehn, Yenagoa na correct pidgin area. The people wey get the town na Epie/Atissa dem dey speak normally but Izon people and Ogbia people plenty for the cabal so na pidgin naim dem take dey control their matters for there.

Lalasticlala and Seun, how una see this thread na? E nor suppose to loss like that. Make dem reason the matter na.

Correct yarns Correct guy Na so.

15 Likes

Re: 10 States In Nigeria Where Pidgin-English Is Most Spoken (written In Pidgin) by tstx(m): 3:42pm On Jul 20, 2018
Na wa o
Re: 10 States In Nigeria Where Pidgin-English Is Most Spoken (written In Pidgin) by ruggedtimi(m): 3:43pm On Jul 20, 2018
funny thread..last last niger delta na haven for pidgin english

13 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by tstx(m): 3:43pm On Jul 20, 2018
fratermathy:
Akwa Ibom nor follow at all for this matter. Na only Ibibio and good English dem dey yarn here. Dey nor sabi catapult pidgin at all. Even the small ones wey open eye for the matter sef nor sabi am wella. Their pidgin dey sound like good English mixed with Ibibio.

As for Anambra, na Igbo dey reign for there. Pidgin nor too follow. Na only for Onitsha dem dey speak small pidgin based on Asaba influence and based on say strangers boku for there. So Onitsha nor too follow up. Even Asaba sef, na Waffarians dey spoil that town. Normally, na Igbo dem dey yarn but Waffi boys don change am follow them. Some Asaba people don even get Warri tongue now sef.

For Bayelsa matter ehn, Yenagoa na correct pidgin area. The people wey get the town na Epie/Atissa dem dey speak normally but Izon people and Ogbia people plenty for the cabal so na pidgin naim dem take dey control their matters for there.

Lalasticlala and Seun, how una see this thread na? E nor suppose to loss like that. Make dem reason the matter na.


I dey tell you... Anambala no suppose grace this list



Meanwhile make una use one eye look my signature

7 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by Cyriloha(m): 3:43pm On Jul 20, 2018
I noticed that some people here de use 5G network
Nawaoo

2 Likes

Re: 10 States In Nigeria Where Pidgin-English Is Most Spoken (written In Pidgin) by kurajordan(m): 3:43pm On Jul 20, 2018
.

5 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by adewumiopeyemi(m): 3:43pm On Jul 20, 2018
grin cheesy. What of Kano state.

3 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by Naturalobserver(m): 3:43pm On Jul 20, 2018
No be lie u talk my brother
me wey dem born for benin my natural tongue na pidgin
I good for good and correct english because say i get talent for both latin course and english language
If no be this reason my brother english for don kpai tay tay i for nor sabi english like that o,i for dey break bottles on top english head like agbero wey dey collect ticket before oshiomole kon become governor.

33 Likes 3 Shares

Re: 10 States In Nigeria Where Pidgin-English Is Most Spoken (written In Pidgin) by Impregnable101: 3:44pm On Jul 20, 2018
grin
PUSSYBBQGRILLS:
katsina, Adamawa, sokoto,,..
u wan chop slap abi? grin grin

Dem dey find fish for inside soup, crayfish sef dey bring head come out embarassed

25 Likes 2 Shares

Re: 10 States In Nigeria Where Pidgin-English Is Most Spoken (written In Pidgin) by Caseless: 3:44pm On Jul 20, 2018
grin

I trust warri, yenagoa, Benin and 'pataikot' . Everywhere is riddled with pidgin English in that region , but it's more in these places. Even in the highest office, they flow pidgin like it's no man's business.

22 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by HajimeSaito(m): 3:44pm On Jul 20, 2018
I thought only pigeons speak pidgin english...




[img]https://media1./images/75f1a082d67bcd34cc4960131e905bed/tenor.gif?itemid=5505046[/img]

64 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by Olukat(m): 3:44pm On Jul 20, 2018
Any other state in Nigeria speaks native dialects shocked

1 Like

Re: 10 States In Nigeria Where Pidgin-English Is Most Spoken (written In Pidgin) by Nobody: 3:45pm On Jul 20, 2018
Warri no dey carry last

6 Likes

Re: 10 States In Nigeria Where Pidgin-English Is Most Spoken (written In Pidgin) by Shortyy(f): 3:45pm On Jul 20, 2018
Imo state. Go to imsu you'll know

2 Likes

Re: 10 States In Nigeria Where Pidgin-English Is Most Spoken (written In Pidgin) by BiafranBushBoy: 3:45pm On Jul 20, 2018
pidgin isn't good!

It destroys your proficiency in English. Should be utilized while typing? ... pretty cool

Spoken? should not be used at all unless you've run out of options.

8 Likes

Re: 10 States In Nigeria Where Pidgin-English Is Most Spoken (written In Pidgin) by Diso60090(m): 3:45pm On Jul 20, 2018
olamilekan9:
NA SO OMOBOY BASE ON SAY E NO GET AS E BE EHN OGORO MUST JUMP.NORMALLY
FS is very rugged
Re: 10 States In Nigeria Where Pidgin-English Is Most Spoken (written In Pidgin) by GlorifiedTunde(m): 3:46pm On Jul 20, 2018
No be Warri suppose fest? undecided

I think say Warri na state na grin grin grin grin cheesy cheesy

3 Likes 1 Share

Re: 10 States In Nigeria Where Pidgin-English Is Most Spoken (written In Pidgin) by Nobody: 3:46pm On Jul 20, 2018
akwa ibom ke, been to uyo and Eket na local language tins

8 Likes

Re: 10 States In Nigeria Where Pidgin-English Is Most Spoken (written In Pidgin) by flexyrule(m): 3:46pm On Jul 20, 2018
Irrelevant
Re: 10 States In Nigeria Where Pidgin-English Is Most Spoken (written In Pidgin) by PUSSYBBQGRILLS(f): 3:46pm On Jul 20, 2018
katsina, Adamawa, sokoto,,..
Re: 10 States In Nigeria Where Pidgin-English Is Most Spoken (written In Pidgin) by LivingBetter: 3:47pm On Jul 20, 2018
waffi carry go!

2 Likes

Re: 10 States In Nigeria Where Pidgin-English Is Most Spoken (written In Pidgin) by BruncleZuma: 3:47pm On Jul 20, 2018
grin grin grin grin

2 Likes

(1) (2) (3) (4) (5) (6) (7) (8) (9) (10) ... (13) (Reply)

Nigerians Living In Cyprus / White Couple Sitting Dangerously On A Bike In Ikeja / Nigerian Embassy Staff In Berlin Sleeping With Women For Passport Renewal Caught

(Go Up)

Sections: politics (1) business autos (1) jobs (1) career education (1) romance computers phones travel sports fashion health
religion celebs tv-movies music-radio literature webmasters programming techmarket

Links: (1) (2) (3) (4) (5) (6) (7) (8) (9) (10)

Nairaland - Copyright © 2005 - 2024 Oluwaseun Osewa. All rights reserved. See How To Advertise. 36
Disclaimer: Every Nairaland member is solely responsible for anything that he/she posts or uploads on Nairaland.