http://ng.supersport.mobi/football/nigeria-naija/news/121225/Benitez_bilif_say_Chelsea_still_get_powerBenitez bilif say Chelsea still get power

Benitez bilif say Chelsea still get power

Rafa Benitez bilif say Chelsea dey show sign say dem fit challenge for d title as dem dey prepare to play Norwich for Carrow Road for Wedenesday.
Chelsea scatta Aston Vila 8-0 for Sunday match, na one of dier ogbonge tapping wey de tap dis seasin b dat afta dem nack Leeds 5-1 for Lig Cup quata final.

Na onli one goal remain for dem to score to comot d rekod for Premier Lig wey klub don score for match before and na 7 diffrent players score d goals sef for d Aston Vila match.

D plenti gols don cari Chelsea reach numba 3 for table, 11 point for Manchesta bak, but dem still get 1 game wey dem still go play.

Benitez dey pray say d form wey dem don show since d time wey dem come back from Japan afta d World Klub Cup, go dey kontinue as dem go wan try challenge Manchesta United and Manchesta Citi to c weda dem go fit catch dem.

" I hope say d wey go dey tap wella as we dey go, d players mentalo sef don change, even wen we score 6, we still dey go front to c say if we go get anoda gol"

" If we fit continu like dis , manage win our match dem, den anytin fit happen" E be like say Brazil defenda David Luiz go play for midufiel again against Norwich dem, even as Chelsea go try to win 3 match strait.

John Terry no go play, so na Branislav Ivanovic go patna Gary Cahill for back, Frank Lampard bin celebrate d ogbonge 500 match wey im don play for Premier Lig come take score d numba 4 gol for d match wit Aston Villa, but wahala dey small becos e be like say dem no go gif am new kontrak for Stamford Bridge.

Im kontrak go expire for d end of dis seasin, and wit d plenti amebo we say im fit waka go QPR abi na Monaco for France, Benitez sef kuku no talk anytin

" Lampard de veri impotant for here oh, na korrect pesin, e dey train well and im mind dey here " Benitez talk

" I hapi say im score sef, seasin still long and im dey try well well". Norwich bin surrenda d unbitin wey dem get inside 10 match, na West Brom do dem strong tin for Saturday, but dem don win d lass 5 match wey dem play for house.

Grant Holt fit play d match afta im bin miss d match for West Brom side, but d coachee no go gamble on top im fitness as per plenti match dey for dis Krismas time

" We dey hope say Grant go dey for d Chelsea match, but we go c as e go b. Im bin nealry play West Brom, we but wan make sure say im fit kakaraka before we trow am enta match" Hughton yarn.

" Seasin still long, no b say we go just gamble anyhow, odas dem dey, so if Holt no too tight, we go use d odas ones and dem sef dey tap ball well"


© supersport.com