Welcome, Guest: Register On Nairaland / LOGIN! / Trending / Recent / NewStats: 3,194,802 members, 7,956,056 topics. Date: Sunday, 22 September 2024 at 10:44 PM |
Nairaland Forum / Entertainment / Sports / Awoniyi Pepper Too Much For Zambia (903 Views)
Super Eagles Depart Nigeria For Zambia [photos] / Kehinde And Taiwo Awoniyi's 19th Birthday Celebrated By The Ex Eaglets Striker / Taiwo Awoniyi’s Twin Sister; Kehinde (2) (3) (4)
(1) (Reply)
Awoniyi Pepper Too Much For Zambia by Solowande(m): 8:30pm On Apr 12, 2015 |
Naija U23 team don kwalify for de 11th All African Games wey go happen dis year for Congo Brazaville afta dem bilala Zambia 2-1 for dia second leg kwalifia match on Sunday for Lusaka. De match no be moi moi and akamu for de Dream Team as pipu dey call de Naija U23 team becos Zambia no take small eyes jam dem for de match. Sabee strika, Taiwo Awoniyi wey juss enta de U23 team na hin waya de two goals wey Naija take win de match for Lusaka. Unna go remember say na 0-0 na hin Zambia kon follow Naija play for de fess leg for Abuja, and naso Zambia fans kon dey shout say na muss make dia team win de second leg, but ground no level for dem Na afta de refiree blow de wisu for de fess half, na hin Zambia kon dey run like cheetah for field, but Naija playas juss dey watch dem dey find how dem go take hama dem. As Naija kon see say na shakara na hin Zambia dey do dem, naso Taiwo Awoniyi kon waya de fess goal for Naija, and naso Zambia fans kon dey vex for stadium. De shout wey Zambia fans dey shout for stadium na hin kon open de eyes of dia playas bifor Friday Samu kon ekwalise for dem wen de match remain 10 minute wey de refiree go blow final wisu. As Zambia kon ekwalise, naso dia wahala kon plenty for field as dem dey find de second goal wey for helep dem win de match. Taiwo Awoniyi na hin kon burst dia bloblo as de bobo waya de second goal wey helep Naija win de match 2-1 and na jeje na hin Naija take kwalify for de All African Games. http://www.supersport.com/football/nigeria-naija/news/150412/Awoniyi_pepper_too_much_for_Zambia 2 Likes
|
Re: Awoniyi Pepper Too Much For Zambia by terzurum5(m): 9:51pm On Apr 12, 2015 |
Guy your komenteri na him trai pass joo 1 Like |
(1) (Reply)
This Nigerian Billionaire Wants To Buy Arsenal At An Irresistible Price / Football Bet Secret. / Emmanuel Adebayor Converts To Islam...see Photos + Video
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 12 |