" Sir his name na CHIBUIKE JOHN OKPARA" aunty anna come answer for me with her usual Engili-Ibgo.

"Woman, i didn't ask you, let the boy answer me " The Head master na he dae talk so.

" Yes Sir, my name na Chiboy "

" My friend you speak good English in my school"

" Yes Sir!" your school, abi na Government school, na waiten i talk for my mind sha.


After many talk and too many shouts, the HM of the school come give aunty anna files make she fill, when she don fill am finish na e she submit am, the HM pick am read everything she write come look me like say i be he lost pikin.


" Boy, your name is Chibuike?"

" Yes Sir, Chiboy too "

" When i ask you a question just answer me the right thing"

" Yes Sir, but Sir my name na also Chiboy"

" My friend speak good English!!! "

" Yes sir, sorry Sir "

" Madam, you'll have to pay Seven thounsand thousand Naira(N7.000) for evevrything"

"Okay Sir " na she bring money fron her handbag count am give the HM.


The man collect the money sharp sharp, lick he charcoal hand with he brown tongue begin dae count the money, the way he dae count am self, me come dae wonder when last he see money, you sure say na the HM be this??

" Alright Madam, Chibuike starts today. Hope you brought your books and everything needed?"

"Yes Sir" i talk Yes Sir so tey my tongue begin white, as me never learn good English wella, and this man no want hear my usual Pidgin, make i dae answer the one i try know how to speak na.



Later.... Aunty anna don leave, at first i wan cry as she dae go but i ginger myself, i be big boy na. The HM carry me go one class, as i reach the door to enter na e i see waiten them write for the door, though me never sabi read wella i still know say na PRIMARY FOUR them write there. As the HM carry me enter the class, na e everywhere come quite, eyes come dae look me like say i be alien wae them capture. The HM carry me go put for one desk with one fair boy, i fit swear our two like alike, with the same height. Infact i don see my lost twin, but that moment i no send am because i dae think of how only me go cope for this school, suppose chineye dae here with me, i for happy but aunty anna say she no fit pay the fees wae them dae pay for chineye their school.


" During Break, come to my office for your uniform"

" yes Sir ".

As the Hm commot na so i bend my head for our desk begin cry, na so tears begin wet my hand wae i carry do my pillow, the tears don soak my longsleev shirt still i bend down dae sob under the desk. E be like say my newly found twin brother don dae notice na e he touch me, i stop say make i look who just touch me, na e he come tell me say...


" No dae cry, if our teacher see you now she go flog you more "

" okay, thank you " na e i wipe my tears with my clothe.

" My name na Ebuka, waiten be your name? "

" My name na Chiboy "

" Chiboy, e don do no worry i go take care of you wella, no dae cry again "

" Okay Ebu, thank you " na so my fellow child begin dae console me, na e i take time look ebuka wella, the only difference be say my head big pass he own, and he teeth i sure say e reach 32 unlike mine wae be 29, apart from that ebuka and me look so alike i just dae look am like say na my lost twin, truly people dae resemble people.


Now the name of the school wae aunty anna register me na OROBGUM GOVERNMENT PRIMARY SCHOOOL 2. For the school them get school 1, school 2, and school 3. Na the same school but na different uniform and different blocks cover our three. But all dae answer one name, i still dae wonder how manage. Now na the school 2 wae aunty anna register me inside.


Inside our class, na one teacher dae teach us all, we dae almost fourty (40) na the teacher dae teach us Maths, English and the rest, though i know sabi her name waiten most teachers dae call her then na 'BOMA MOTHER' i still no understand why that name, well maybe she get pikin wae dae bear BOMA.


" bangiri bangiri bangiri bangiri bangiri!!! " that na our school bell sound(Lol)


Break don reach. na e ebuka carry me go the HM office to go collect my uniform, as we reach na ebuka first talk.


" Good morning Sir, we came for chibuike's uniform" nna eh... Ebuka go sabi book oh. See how he just speak English like say he grandfather from England.


" Chibuike, just now you've made friends? Anyways this is your uniform under there". na he point hand for one big bag under he table. I bend down see the clothes on top the bag, i collect am.


Na e i remove my clothe for the office make i wear my uniform, One of the things wae aunty anna teach me na how to dae wear boxers everytime, thank God oh, aunty anna teach me well. Na e wear the clothe, ebuka begin dae lough me oh, the short dae like De Chidi boxers, while the shirt dae like aunty anna gown. Na waoh!

tombravo:
baba mi.... why you com stuff waterleaf for inside paper for me na?? .
.
.
abeg continue the story jarr.... pidgin Tory too dey sweet .

Eh ya.... Sorry Sir. I didn't know that was a waterleaf. But sha you can still smoke it, after all leaf na leaf.

Thanks for the comments big Bro.

I just noticed, too many errors in the update above. I can't modify (reasons best known to me), but i hope you'all forgive me as i read before post next time.

hahahaha. . . baba mi. . . go on jare. . u no tell me say u dan update. barman bring waterleaf and paper!

tombravo:
hahahaha. . . baba mi. . . go on jare. . u no tell me say u dan update. barman bring waterleaf and paper!

Am sorry Sir, i didn't inform you about the update.


But bros, you sure like leafs oh.

Randyblincks:
Am sorry Sir, i didn't inform you about the update.


But bros, you sure like leafs oh.

come, if i too like leaf, u wan beat me for am? abegi tell bartender make he seppve me fresh waterleaf.

tombravo:
come, if i too like leaf, u wan beat me for am? abegi tell bartender make he seppve me fresh waterleaf.

Lol. no be waterleaf only, i fit add am small curryleaf, anything for the boss!

Randyblincks:
Lol. no be waterleaf only, i fit add am small curryleaf, anything for the boss!

you too get hospitality jare.

...................................................................................................................................................................................



Today, na Saturday. That one be say today no be school, i don dae already miss ebuka sef, he been wan come visit me as i tell am where i dae stay, but aunty anna say make i no carry anybody come her house, na e i tell ebuka make he no come again, me no want problem with my aunty.


"chiboy, i go nack you oh!." Wisdom na e dae talk so.

Wisdom, na boy wae like fight pass quarrel, anywhere wae fight dae happen for Obgunabali street, you go see widom, with him long neck and body wae dae like say Micheal Jackson na one of he ancestor, the both lin like say blood no dae their body. Infact the way i dae always look wisdom sef, me dae wonder why person no fit just break am, into two for fight.


This Saturday, me and chineye don go to fetch water for our normal free water place, as we go there so, as usual childrens just full there like say na birthday party them come, the way the buckets line up sef, me come dae wonder if water go reach me and chineye at all. But 'nwa Aba' no fit carry last. Even if na tomorrow water go reach me, i still mount here.


E no even take us plenty time, my turn and chineye own don reach, na e i put my keg to fetch water. Water never even dae drop inside na e i see person hand shift am one side come put another keg. na e i say make i look who dae do me this kind thing, as i look he black skin first, me no need to look he face to know say na wisdom.


"nna... Wisdom, why you remove my own rubber na? Your turn never reached" na so i begin yarn am.


"wisom, na true oh, your turn never reach na, leave chiboy make he fetch" chineye added.


" and who come call you na, abi na your own i remove?" wisdom come dae parra oh.



Na so i sharply remove he keg, put mine back. Before water go drop in, wisdom don carry my keg throw am, na so the keg take enter gutter wae near the Tap side.


As i see my keg for gutter, na e tears begin flow for my eyes, me cry wella when i still small. Na so i charge, hold wisdom for he shirt.


"see waiten you don cause? You go pay for my aunty rubber" i tell am.



"chineye, i go nack chiboy oh, tel am now" wisdom come talk.


"but wisdom, why you go throw he rubber for this dirty gutter na?" chineye come ask.


"shey you no see say na mistake?" wisdom begin parra, this guy sef no fit talk sorry. Sha me no want sorry, i want my aunty keg the wae e dae she give me am.


Na so i hold him cloth, infact e don tey wae Nwa Aba fight last.



"chiboy, leave my cloth, i go beat you oh, e be like say you noh no me" wisdom still dae parra.



"who you think say you be sef? You think say me na those boys wae you dae nack, me na Nwa Aba, waiten i go do you, you no go believe am ". I still dae ginger when wisdom push me... Before me no waiten dae happen, street war don break out.



Na so we begin fight, first i throw my punch, wisdom dodge am, give me John Cena, you can't see me. Na so i stagger fall...




To be continued...

tombravo:
you too get hospitality jare.

Na so oh... I don drop small update, light no dae my side oh, and my battery na... Make i no talk, make e no carry vex off at once.


Thanks for reading, Sir.

Randyblincks:
Na so oh... I don drop small update, light no dae my side oh, and my battery na... Make i no talk, make e no carry vex off at once.


Thanks for reading, Sir.

bros. no lele. fire one abeg.

Where this guy nah? You no fit comot like this nah
jx