#Copied

Edo to Lagos by air on Land

That year when I be driver I dey run Auchi to Lagos. My Toyota Hiace Na brand new. E dey run like aeroplane. Dem dey call me "Eko by air."
I kuku write "Angels on guard! " for the side of the bus. People dey always rush enter my bus because they believe say with Angels on guard nothing bad go happen for road.

One day na so our presido for park give me Igbo smoke before I move with passengers. I fire the bus enter road. Now, now we don reach Ekpoma.

As I enter 140 km some women start to shout make I slow down. I tell them say no shaking, Angels dey on guard. As we reach Ehor I dey run 160 km. The women shout say make I drop them, I drop them, continue the journey.

The men start to laugh say women too fear. By the time we reach Benin bypass I dey run 180 km. The men start to shout say make I drop them too. I tell them make them kpanji, say no shaking as per Angels on guard things. Them say make I drop them oo, say they no travel again.

Na so I drop all of them only me they fire empty bus to Lagos. By the time I reach Okada I don they run 200 km. I no fear. Angels they on guard.

As we dey near Ore I just throttle to 220 km naim voices start to shout say make I drop them. I Halla.

"Shuooo. Who be all those again? I think say all of Una don drop?"

“Drop us o! Drop us! Na we be the Angels on guard. We no go again."