Having learnt a lot from Prof. Wole Soyinka literary skills with many of his poems written in Pidgin Language right from my university days, i decided to try and do something in pidgin language and i came up with this in 2006 in my second year with a little modification of the last stanza just of recent. Maybe this will motivate you to do something dynamic probably in Pidgin language too.

[size=14pt]Democracy Palava[/size]

I don try padlock my mouth
but this democracy palava no let me be
Them all dey talk say i dey jam talk
but na wetin my eyes see i dey talk
plenty first class holders borku for street
them waka waka so tay, them shoe comout
no money no work, wetin man pickin go chop?

Yet na democracy we want


Tell me how we go fit make am for life?
With this ogbonge wahala for we country
Wey our oga for house don dabaru things for us
Them don carry our money comout finish
Just tell me why man pickin no go thief?
When in papa self don kolo for robbery
And in mama too be gbewiri for them house

Yet na democracy we want


I waka waka reach the house of death
I see many with scrabbles, malaria and kwashiorkor
Them belleh na waya why some dey cry for overloading
Nothing for man pickin to chop for survival
Security we no get, electricity don pafuka
Water no dey, our road don give visa to many go heaven
And we don waka miles for this demo palava

Yet na democracy we want


Lives dey change for yonda everyday
Na so so bombing and boko haram for north
Militant and kidnapping college don full for east and Niger Delta
Yahoo-yahoo and jaguda ministry of fraud tanda for south-west
Things don dabaru seriously way nobody wan stay for naija again
Na this come make me think so tay, I come say;
Na only God fit helep us for naija no be man

For this ogbonge democracy palava

Collinsfbi