Arsenal dem don suffa one of d woss difit for dem Histori as Bradford City wey dey Lig 2 carry dem do yeye ,come win for penariti afta dem bin draw 1-1 for d quata-final on Tuesday.

Gunners dem rekod dis season be d woss wey dem don eva get for Premeir Lig fsnce Arsene Wenger collect di work, but tori get k-leg now as e don bad reach wey be say pesin no fit shout oh!

The kain wowo match wey dem play go vex even dem supporter, and d woss part sef, be say d team wey dem play dey Ingiland dem difision 4.

Arsene Wenger clean shame comot for im face talk say im boys dem try well well say no be dem fault, e come talk say na so game dey, say dem try for d 120 minut wey dem play d game " We bin try, but we lose, we go stand up, dust bodi take prepare for we next match" Wenger bin relate.

Bradford Coachee Phil Parkinson sef jolly no be small, d way im dance garala wey final wisil go pass be careful, im talk say im boys try well well, " d discipline wey we put take defend craze no be small, and as per say na Arsenal, na im sweet belle pass" Parkinson talk.

Na Bradford score fess, Garry Thompson carry beta shot wey enter Arsenal net as d gunners bin no clear ball comot for d 16 minute, Arsenal sef vex come dey pepper Bradford house and na for 88 minute Thomas Vermalean take equalise, for arsenal cari d match enter extra time.

Extra time come be push me, i push you, still d two team no fit add to dem gol, d match come shif enta penarity.

Bradford come win 3-2 for penarity come rob mud for Arsene Wenger face, as dey come zoom enter the semi-final od d competition



© supersport.com

http://ng.supersport.mobi/football/nigeria-naija/news/121212/Arsenal_mata_na_helele

e don reach make una commot mouth for this arsenal mata.