Ọtụtụ ihe mere n’izu a, ọ kachasị ihe mwute na ihe akụkọ enweghị ọgwụgwụ, ka anyị lebanye anya n’ụfọdụ n’ime ha anya, ma kpakwazie maka ha.

1. Ogbugbu E Gburu Ọtụtụ Ndị Bịara Ụka N’ụlọ Ụka Ndị Katọlik n’Ọzụbụlụ.
Nke a enyeghị ọnụ okwu, mgbe m nụrụ maka ya, ọ dara m na ntị ka ihe na-eme na steeti Bọrọnụ. N’ụtụtụ ụbọchị ụka ka anyị nụrụ na ndị osochiegbu gara n’ụlọ ụka ịchọ otu nwa amadi a kpọrọ “Bishọpụ”, ka ha ruru na ya bụ ebe, ha ahụghị ya, ha wee kpoghe ọnụ egbe ha, were ajọ ọnụma dulaa ihe ruru mmadụ iri na ise mmụọ. Ihe mgbo egbe tụrụ karịrị iri ise. N’ezie ekwensu gara ụka ụbọchị ahụ... nkịta nyụrụ nsi n’elu ekwu aja. Wee ruo ugbu a, anyị amabeghị ndi mere ya bu ihe, nanị akụkọ karịrị otu narị di iche iche nke na-akọwa ihe kpatara ya bụ ihe ka anyị ji aka.


www.odeniigbo.com

2. Charlie Boy Tetere Ụra Ụtụtụ Wee Mara Na Buhari Bụ Ekwu Ọzọ Eme Ọzọ.

Charlie Boy bụ okenye ama ama maka ikwu ihe ọ bụla dị ya n’obi, o sokwazi na ndị nyere ọchịchị Buhari nnukwu nkwado, ndị hụrụ ya na mbu dị ka onye nzọpụta nke obodo Naijiria. Mana ikuku kupụrụ ya akwa mgbochi dị ya n’ihu n’izu a. O bidoro otu na atụmatụ, “Our Mumu Don Do” na mbido afọ a, mana o ji ya bụ atụmatụ bido ngagharị iwe nke ọ kpọrọ, “Resume or Resign” nke o ji agwa Buhari na ọ bụ nanị ihe abụọ bụ ihe cheere ya n’ihu. Ya bido ọrụ mà ọ bụ ya rituo n’ọchịchị. Kedu kwanụ ka imi na anya dị ya kemgbe o bidoro ya bụ ngagharị iwe? Ndị ụlọ omebe iwu ukwu kwuru na o jighị onwe ya aka, ndị uwe ojii a gbara ya ikuku ike ma gbaa ụfọdụ ndị otu ya egbe, ndị ji ike ọchịchị na-akọchasị ya, bọpụta ihe ọjọọ nile o megoro kemgbe nne mụrụ ya iji mebie ma kwụsị ya bụ atụmatụ inwuru ọkụ.


www.odeniigbo.com

3. Ụfọdụ Ndị Mgbago Ugwu Bidoro Iwepụta Abụ Nkọcha, Nkwutọ Na Akpọmasị Maka Ndị Igbo

N’izu a, anyị hụrụ abụ ndị Awụsa na-ekesasị nke ha ji akọcha ma na ekwụtọ ndị Igbo nile. Na ya bụ ajọ abụ, ha na-agwa onwe ha na nsogbu nile dị n’ime ndụ ha bụ ndị Igbo kpatara ya. Ha gwakwaziri ndị be ha ka gbuo ndị Igbo nile nọ n’akụkụ ha. Ọbụghị tata ka ndị Igbo hụbara Awụsa na ụta, ọbụghị tata ka anyị mara maka akpọmasị abụrụ dị iche iche na Naijiria nwere n’ebe ibe ha nọ, mana ugbu a, mmanụ peturol ka ana-awụnyezi n’ọkụ ikuku gasị. Ama m na ha ji nke ahụ akwado maka ụbọchị mbụ nke ọnwa Ọktọba.

Kedu ihe ndị ọzọ dị nnukwu mkpa mere n’izu a nke m agụnyeghị? Depụta ha ka anyị nile mara maka ya. Tinyekwuzie olu gị na nke anyị kwuru maka ya.
Ka izuụka ọhụrụ kara nke gara aga mma n’ụzọ nile.

www.odeniigbo.com

nwanne ndewo, jisie ike na edemede á .

Chukwu gozie gi

Nwanne umu Igbo nwere mmadu ebe ino...

Omo see wetin google dey translate for your write up lol :' (

Mynd44
Lalasticala
OAM4J
Dominique
I don't think NL allows this sort of OP

Ya Gazie. O ga adiri anyi niile na mma.

ProWalker:
Mynd44
Lalasticala
OAM4J
Dominique
I don't think NL allows this sort of OP

Wetin concern you
Amebo

Nice one OP.
Though am an Izon boy, Igbo is my maternal home and I share same political sentiments with them.