One of my pally wey date one orobo Itsekiri babe get wahala wit the babe oo.Him and the babe no dey ever agree over any matter.ever since my pally meet this babe he don try make the babe reduce her weight but she no dey ever listen to my pally.me sef fit understand why my pally dey anxious make the babe reduce her weight because if u see this babe na so she fat full ground.her legs alone be like those tubers of yam wey dem dey harvest during new yam festival for igboland and her yansh sef if u see am na so the thing come wide and e come look intimidating like those bulldozers wey dem dey use pull down houses.
anyway back to my pally he say he be carry dis im babe go register for one Gym for two months and he even pay with im money to register her.he say wetin come surprise am be say one day wen he return for work na so he come meet this babe for sittin room dey consume a whole two loaves of Agege bread with six eggs and at the same time watching african magic for tv.he come ask the babe wetin she dey do for house and why she no dey gym at that hour dey excercise.na so the babe come start to dey vex and come reply say all her body dey pain her and dat my pally no go kill her with gym stress.he say im and the babe really quarrel dat day.he say another thing wey he no like about this babe na her midnight feeding.he say wether na 12 oclock for midnight oooo,2 oclock for morning she go still dey munch her mouth.anytime he ask her wether na glutton she be she go just dey vex and dey shout on my pally wether na im belly she dey chop the food.my pally say he don tire for this im babe behavior and if no be say two of her brothers na members of MEND he for don sack this im babe long ago.my pally say any advice wey una go fit give am on how he go make im babe take dey respect am he go really appreciate am.

loose the girl, way less mouth to feed and I mean literally

Nairaland, losin its value

Kenistry: Nairaland, losin its value

N1ggah where is your sense of humor??

@ topic....lefulefu and his unending pallies.....

deshclones:

N1ggah where is your sense of humor??

@ topic....lefulefu and his unending pallies.....

haba anything dey wrong if i get plenty friends?

hahahahahaha Mr Lefulefu!!! I beg en, na joke section you go for make sense pass. By the way, how come most of your Nairaland posts revolve around your numberous padi and their babes? Shey all your friends get issues with picking correct girlfriends ni?

What‘s dis thing about orobo thread these days?
Abeg dem no be human being?

boron10: hahahahahaha Mr Lefulefu!!! I beg en, na joke section you go for make sense pass. By the way, how come most of your Nairaland posts revolve around your numberous padi and their babes? Shey all your friends get issues with picking correct girlfriends ni?

my brother dis na romance section nah and dats why i dey always about babes and the ones wey my pallies dey friend.if i start to dey yarn politics for here no be out of point i go come dey?

I am not a fan of skinny girls. Fat girls rock!