Greetings pals, am currently writing my first ever story titled "ADVENTURES OF BIG T (by OSUSU TALKS)" its in pigin. All thanks be to God for making embark on the project and to make me finish it.
This is an insight on the story that is filled with;
LOVE: '...After many beating around the bush, I con tell her say the way I love her be like assignment wey I copy, wey I no fit explain'.
SEX: '...I pull her bra wey dey hide her br*ast, chia! See as the thing stand like defender wey won block free kick'.
ACTION: '...I just use sense come out of my room, con squat waka go front small, wen I con jam one of those men. For dat same position I take pop bullet for him body, like say na champaign release bullet, for my mind I be like Bruce Willis, na so the man shoot me for chest'.
TRIALS: '...Me enter my lonely street, no human being noise at all na just crickets and rats sound I dey hear. "Ogbeni wa si ibe bi *guy man come this place*" areaboys voice. My body no even respond becasue I think say na Olamide song I dey hear 'Voice of the Steet'. Next thing na just two slap update my status, all the drink wen I done dey drink since clear from my eyes.
COMEDY: '... na small food I wan eat, oyibo dey call am appetizer, give me one plate of semovita with vegetable soup joined by pomo wey soak stew with two strong meat and fish, make one bottle of origin follow am based on step down parol with cold pure water. "Big T this ur order no be here oo say na you wan break the fasting wey Jesus do for bible, na the food be this'. And many more.
I really do appreciate everyone, who would be looking forward to read it when am through, thanks ahead.

can we start?

THIS WORK IS WRITTEN BY 'OSUSU TALKS' AND EVERY THING WAS A FAVBRICATION AND MIND PLATY OF THE WRITERm
PLEASE, IF IN ANY WAY YOU WANT TO COPY
THIS WORK OR ANY PART OF IT, KINDLY
CONTACT THE WRITER.
WRITER'S CONTACT: 08147415969;
osusu.jeremiah@yahoo.com
THANK YOU FOR COMPLYING...
ENJOY THE STORY...

ADVENTURES OF BIG T (by OSUSU TALKS)
EPISODE 1

THIS WORK IS WRITTEN BY 'OSUSU TALKS' AND EVERY THING WAS A FAVBRICATION AND MIND PLATY OF THE WRITERm
PLEASE, IF IN ANY WAY YOU WANT TO COPY
THIS WORK OR ANY PART OF IT, KINDLY
CONTACT THE WRITER.
WRITER'S CONTACT: 08147415969;
osusu.jeremiah@yahoo.com
THANK YOU FOR COMPLYING...
ENJOY THE STORY...

Mama Chika abeg answer me before hungry subsidize my belle for here, Big T na wetin you wan chop, na small food I wan eat, oyibo dey call am appetizer, give me one plate of semovita with vegetable soup joined by pomo wey soak stew with two strong meat and fish, make one bottle of origin follow am based on step down parol with cold pure water. "Big T this ur order no be here oo say na you wan break the fasting wey Jesus do for bible, na the food be this" Mama Chika dey yarn. Mama Chika dis your food sweet ooo, hmmm you suppose to dey cook for oga presido abeg show face, see dat fine anty wey dey dat conner no collect money from her I go pay am oo, "I don hear oo" Mama Chika yarn back. Na em I dey press phone as I chop finish dey use style wait make the anty stroll go outside so I fit relate wit am, mama chika con collect your money oo.
"Bross I really appreciate you paying for my meal, am grateful" fine anty dey yarn. Oh baby dat one na small tin oo, hope say you enjoy the food. "Yes I did" fine anty dey yarn. My name na Timothy but my people dey hala me BIg T. Ok am Fumnanya by name. No vex oo I go like see dis ur fine face again oh abi yu dey stay we area. "Not at all I came to see someone, where I reside is not far from here" Fumnanya dey yarn. Ok na say you fit sample me your control number so I go hala you anytime. "Well I don't give my contact to strangers but here it is 07064*****" Fumnanya dey yarn. Ok na me just beep you now, I go call you later for night and make you flex well oo.
Na so tym waka pass like rat wey enter hole, I wan go watch Chelsea match against Manchester United for we arena wey dey my area.
Make I yarn you who I even be self, me na Big T as the name sound na so I be, I dey work for one printing press. I dey lodge for one room wey make brain oo, I never get motor but I dey play nairabet and baba ijebu so I fit hammer over night and ee get two things wey I no too like and na woman and food. As I put leg inside the arena na so people dey hail me oo like say na me won play the match, I be chelsea fan de argument won cos fight as yoruba people dey do wetin dem sabi pass which na to shout, my body don drip water tire because of the spit wey dem dey rain for there. At last I no fit happy wen chelsea win 1:0, that Diego Coasta na confirm striker and the assist wey Hazard do go join high through out the season.
As I dey enter my room na em my dey phone con dey ring, na who con be dis one again. Chia na my yoruba love be dis oo Seyi, she never repent from flashing. OmO yoruba hw you dey naw, you just sideline me oo. "Oko mi ma bi nu *my husband no vex*" Seyi dey yarn. So wetin dey for me now, when I go see you again. "Olowo ori mi ma wa si odo re lola ti month ba ti de eko *my husband I go come your place wen I enter lagos tomorrow*" Seyi dey yarn.
Na so we talk finish NEPA con sample us light wen I go bath, I dey play 2 Kings album wey Phyno and Olamide sing. Por! Por! Por! Na who be dat wey won break my door oo. Big T na me Silas, landlord say make I call you oo. I don hear make I wear cloth. Dis fine anty self I never call am. Hello how you dey. "Am fine" Fumnanya dey yarn... We relate well for phone de babe don dey put head down for me. Por! Por! Por! Oga landlord na me be dis oo. "Am coming" na woman voice I hear, oga landlord don dey carry over nite abi. Hmmmmmmm my body freeze wen I see who open the door.
DONT TOUCH DAT DIAL STAY TUNED FOR EPISODE 2

ADVENTURES OF BIG T (by OSUSU TALKS)
EPISODE 2
Hmmmmmmm my body freeze wen I see who open the door. I just stand still like dat horse wey dey front of union bank, na Fumnanya oo, see as she just dey shine like 100 watt bulb. My eyes scan am from head reach ground as if na virus scan no difference with her and coke bottle. Next tin wey I feel na hand wey touch me "Big T good evening and please come inside" Fumnanya dey yarn. I step inside I no even sight oga landlord for the palour. "He is coming he went to take his bath" Fumnanya dey yarn. So na who oga landlord be to you. "Well he is my uncle, I came to spend the semester break in his place" Fumnanya dey yarn. Na which school you dey. "Am a student of Osusu Private University, studying Astronomy, currently in my third year" Fumnanya dey yarn. "Big T ba wo ni, ma bi nu pe mo da e duru *how you dey no vex say I make you dey wait*. Dat room wey you book for before done dey vacant oo, if you done ready I go discount am for you" baba landlord dey yarn. I don hear baba landlord if I don ready I go come see you, good night oo. See this man, na dis useless tin ee call me for or na bad thing say I pack go my own house for Banana island. As I dey waka go my room Na eem I hear 'Big T' as I be dey expect before na fine anty dey call me. Me an Fumnanya con sit down for stair case, relate well oo until mosquito carry gallon dey hala fresh blood na so we path way.
Morning no dey tey reach oo, today wey be saturday I no get tins to do na eem I call my yoruba love 'Seyi' ask her how she dey and tell am were I drop key in case she no meet me for house. Na tym to do wetin I sabi do well oo for were we people dey read newspaper for morning. See argument wey dey drop like misseles wey dem target. This Mr. Damian na football fanatic oo, ee know inside out even the match wey no concern am. Based on Chelsea win na eem men con dey rant, boil, talk tins wey fit happen n tins wey no fit.
This hot afternoon better no gree come, na eem I carry phone take ring Andrew aka Irumole, Irumole na my personal padi wey sabi d way, de only student wey carry first class Accounting and Finance for him set join Masters in Womanology and no dey carry last for any matter wey carry the #BIG_T. Guy how far na, you no be confirm again oo. "Abeg Big T no vex oo I get pile of work wey nail me down for office" Andrew dey yarn. Ok I don hear, na were you dey self. "I dey for Mama Gbenga Store with that chick wey I yarn you about last time" Andrew dey yarn. No let the babe escape because I dey come there now.
...Irumole! Irumole! Irumole! How far na. Big T I loyal oh, fine girl I greet you oh. Good evening I'm Bellastone by name. Na beta tin say I know you, my guy na confirm oo I trust am reach ground and abeg make you no take am play. "Sure I won't" Bellastone dey yarn. Na so I stone words enter Irumole head, guy this your girl dey bring smoke oo na dis type of girl dey make everybody hail you for road, na beta eye you get. "You know the matter now" Andrew dey yarn. Gbenga abeg sample me two alomo bitters and one bottle water make I drink. Me con dey yarn Irumole tins wit him babe na so matter con enter Fumnanya based on who Irumole be, he give me better tips take catch the girl. As the talk dey sweet, my phone con bleep twice, chia this wicked flash wey no fit show for MTN call history, as I check am na my yoruba love. I con call her back she tell me say she dey my place already say make I waka dey come fast. Me just wan put the last particles wey setle down for my alomo bitter bottle wen I hear POO! POO! POO! Na gun shot be dat oo next thing wey I see blood don full my body....
DONT TOUCH DAT DIAL STAY TUNED FOR EPISODE 3

Hmmmmm. Chia no comment at all, ee be like say na noting I write, laptop abeg shutdown till further notice and you Big T go rest.

oboy ur head dey there.i dey gbadun u,oya carry go

ADVENTURES OF BIG T (by OSUSU TALKS)
EPISODE 4
...open the door I wan vex die wen na dis my neigbour dey disturb my peace like epan fly, wetin happen Silas. "Big T no vex oo abeg boorow me that '2 Kings albulm' so I fit play am" Silas dey yarn. Ok I done here but take this 500 take go buy your own for White Store. "Big T you do well oo, God go bless you. My love na one of my padi be dat oo, so make we chop. I almost chew my finger join as I eat finish, the food sweet like wetin dem use Aginomoto join Vedan maggi cook. Na eem I remember say I never call Fumnanya today, I con give my yoruba love exccuse go call the babe. As me and Fumnanya talk for phone for like 10 minutes, she be dey para for me but I don cool her down, wen she say she go like com my place wic I know say ee go spoil package, I just tell her say I dey run some tins for my room wey concern my work and we go meet tomorow.
I use style buy chocholate wey my yoruba love like well, me just open the door, I con see wetin fit cause earthquake for man head, my yoruba love just were only p*nt and bra, dis girl I dey sure say na valentine day her parent agree to do am, because she dey beautiful and dat her behind fit make Timaya feature Beyonce for the remix of 'UKU'. Next thing she waka come were I dey con hug me, use one hand take lock the door, my mind just dey play blues because ee don tey wen I bang last. "Baby it seems your avoiding me since I came to your ..."Seyi dey yarn. I no even let her talk finish as I kiss her soft lips wey be like bread wey don soak water, the kiss just dey cent for the full room wen I hijack her go bed. The wey she dey smile be like person wey win lottery. I pull her bra wey dey hide her br*ast, chia! See as the thing stand like defender wey won block free kick. I start to dey use tongue dey ticke n cirle her n*pple and my other hand dey press the second br*ast, con leak her ear enter her neck, wen my hand don already dey untop her p*nt, dey rub her p*ssy. As I wan pull her p*nt comot she con say she won suck my d*ck aka 'spatarcus kill dem all', her mouth rap my d*ck, my head ring as if na china phone. Time don reach to act part two, na so I part her leg con use my tongue greet her p*ssy, she don dey scatter my hair as if something loss there, she con dey scream oo, na eem I con slot my d*ck small small inside hey honey pot. I rock am well, do differnt style until I pour put for her body.
My yoruba girl just chin gum my body for bed and still dey use my bear bear dey play. My phone con dey ring, na Obehi dey call me, she be church member and my very good friend. Hello oh baby, how you dey na. "Good evening Brother Timothy am doing great" Obehi dey yarn. So na wetin dey for me. "Noting really, just called to check on you and peharps you weren't present for this thursday service" Obehi dey yarn. Abeg no mind me joor, na work cos am but I go show face for church tomorrow. "Ok, tomorrow is our youth sunday and have a lovely night" Obehi dey yarn. You do well, sleep well oo. Sleep na one kind thing wey fit make person late go church. Morning tins oo, church mode activated, as my yoruba love dey tidy house, me go buy wetin person go chop.
...The service na helele, dat Pastor Deborah dey preach wela but the topic na the type wey won make me close my yoruba love ear, na premarital sex she dey talk about. Well the day done dey fly as usual, flexing must dey as my yoruba love dey commot today. Na so we ball in enter 'Olori 19' Bush Bar Lounge, we drink, swim and con round everything up with better s*x for the room wey we lodge. As I wan dey excort her dey go park, I con use ATM take vommit 10K for my babe as transport, she just reject am say make I no worry, say money full her hand. My mind no sweet but no be her first time she dey do me this thing. Na so we do our goodbye loving kiss for park like say na hollywood film we dey shoot, all eyes on me as I con still dey watch as her bus take leave park.
My wallet swell up and I no get wetin I won go do for house, na so I call Ufusky ma real computer geek, ee talk say he dey one bar like dat make I con hook up there. Ee no too tey wey my yoruba love call me say she done reach her place, we still talk well for phone, join the happiness say she no flash me this time.
After many bottles of beer with one point and kill goat, my eyes done red, the state wey I dey I don high pass Kilimanjaro. I hail my people for table say I done dey go house. Me enter my lonely street, no human being noise at all na just crickets and rats sound I dey hear. "Ogbeni wa si ibe bi *guy man come this place*" areaboys voice. My body no even respond becasue I think say na Olamide song I dey hear 'Voice of the Steet'. Next thing na just two slap update my status, all the drink wen I done dey drink since clear from my eyes. Na four yoruba guys wey carry igbo dey smoke, dey my front. Na so I remeber the money wey dey my wallet and I need to discharge. I push one of the guys take clear road as I dey run like Usain Bolt, my leg dey touch my head wen I notice say dem no dey pursue me again. As I dey happy na so I go match dog wey dey sleep, see me see gobe, the battalion of dogs wey con dey chase me, fit pursue those missing girls come out for Sambisa forest. Na my run con enter jar two as if na 'Tunde on the Run' wey be one story wey I read for secodary school, the guy run oo but for this place na me run pass am. As I won divert enter one safe place na so I go slip my leg, con fall knack NEPA pole.
DONT TOUCH DAT DIAL STAY TUNED FOR EPISODE 5

ADVENTURES OF BIG T (by OSUSU TALKS)
EPISODE 5
As I open one eyes take survey were I dey, I con notice say na hospital I dey but any way I thank God say I survive yesterday or else nobody go fit talk the story of Big T as ee take happen. The ward wey I dey, plenty face wey I recognize dey dere like few of my compound people, Irumole and the won wey surprise me na Fumnanya. Later some of them discharge wey I don manage stand up. Na eem Irumole update me wetin happen, say dem rush me come the hospital early in the morning, say na now I just dey wake up. Fumnanya just sit down near me after she go call doctor con do check up for me. "Well young man you are deemed free to be discharged, due to you were unconscious and also sustained little bruise on your leg, and this are your prescribed drugs for you" Doctor Chinwe dey yarn. Na so Irumole con pay the bill for the hospital and still drive me and Fumnanya go my place. Na so for motor I just drop all the things wey happen to me to them. I con call my yoruba love so I fit explain everything wey happen to me for phone, she no too para for me. When I reach compound, the sorry wey dem dey rain for my body pass the won wey them tell Brazilian players after Germany beat them 8:1 for 2014 world cup. When me open door, Irumole con say him dey comot, dat one no be problem and say he do well for me.
I dey lie down wen person knock my door, na who dey dere "it's me Fumnanya, can I come in" Fumnanya dey yarn. Yes oo, the door dey open. "I brought you yam and egg vegetable sauce with fried plantain" Fumnanya dey yarn. Hmmmmm you sabi the matter and you do well for me but I no feel like to eat. "You opt not to take your drugs without meal, don't worry I would eat with you" Fumnanya dey yarn. Ok bring bottle water from fridge, na so we chop finish, no word come out from our mouth except thank you and your welcome.
Me con dey look her like DSTV wey dey load, whether words go come out as a sharp guy I need to break the silence. ...After many beating around the bush, I con tell her say the way I love her be like assignment wey I copy, wey I no fit explain. She just dey blush, wen I put hand for her neck, the next thing wey I dey my mind na to kiss her na eem remain, before I say Jack not even Robinson, our mouth done jam each other. We just dey like dat for one minute, before my hand con dey explore her body. Me con help her pull the gown wey she wear, her body ignite my head like say na two rock jam each other. Na so I put mouth for her br*ast, suck am one after the other. She con move body go up, as I take pull her p*nt comot, her p*ssy be like fresh palm wine wey I need to tap. I dey suck her p*ssy join with my finger wey dey brush inside, her body dey vibrate like say na nokia 3310, me no gree stop until her engine knock. Na dat tym my d*ck aka 'spatarcus kill dem all' ready to enter arena, as I dey pump her, she just dey scream 'ovrigado' say make I no stop. As I wan cum she just kneel down, collect everytin for mouth. She just cuddle for my body, as we dey yarn tins about life before she con say she need to go house before her uncle go dey find.
The night still be like baby, so I need to chop meat, na so I waka go aboki wey dey we area. As I reach there my phone con dey ring, na Ifetola Gold wey we dey work together for work call me, he tell me say oga won see me first thing in the morning. Aboki give me suya 500 naira and put pepper well oo. 'Na eem be dis' Aboki dey yarn. Say you get POS. "Kia me no know dat one" Aboki dey yarn. Do make you dey support cash less policy oo, na ur money be this. As I match enter my compound, after I done greet my goons dem like wrestler wey won enter ring go fight, na so NEPA bring light and I con dey play music Sean Tizzle album 'The Journey'...
I just notice some kind of noise wey no normal, I be won lock up but my mind no gree settle down. Na so I put ear for window side, I con dey hear men voice as dem dey whisper, see trouble oo, men done con do breaking and entry for we compound and me no get anything to drop. As I dey gather all the money and better things to submit wen my turn reach, na so I hear wen dem burst one door con ask "ni bo ni iyara Big T wa *where Big T room dey*" One of the Men dey yarn. I just know say ee don red for me and I need to do something before something do me. Na so I carry my bed up, collect my cutlass wey dey under there, the cutlass done rust but na the perfect tool for the job. As I rest body near my door, na so one of them use leg burst the door. I no even let am waste time, as the light self dey on, na eem I hold the cutlass like gladiator wey dey arena. I con use the cutlass give am tribal mark from face reach him hand, na so the gun fall enter one conner. I just off light, con give am finishing as I take pick him gun. I just use sense come out of my room, con squat waka go front small, wen I con jam one of those men. For dat same position, na eem I take pop bullet for him body, like say na champaign, for my mind I be like Bruce Willis, na so the man shoot me for chest. Time to die never reach oo because ee get many girls wey I never pansh, runs girl wey I never bleep, motor wey I never drive... I con manage stand up from where I dey, na so three men stand for my front point me gun. ee no even tey wen I remember their faces, say na those armed robbers wey I jam for Mama Gbenga store. "So na you be the Big T, oya take this one" one of the men dey yarn. Na so dem start to dey shoot me like thief wey dem dey kill for firing squad. Chia there is God oooo na so I take die...
DONT TOUCH DAT DIAL STAY TUNED FOR EPISODE 6

ADVENTURES OF BIG T (by OSUSU TALKS)
EPISODE 6
Na so I take jump comot for bed, my body dey shake like earth worm wey dem pour salt. I no believe say na dream I dey because everything wey happen be like real life. I thank God oo say na dream. As I look time, na so I see 07:43 AM dey knack, see kasala don burst, how I wan take reach work on time today and my Oga wan see me ... As I manage reach my work place, I go meet Ifetola Gold wey deliver message give me, say where oga dey. "He's inside the office, probably waiting for you" Ifetola Gold dey yarn. You do well, as I match reach the door, my heart dey drop sound like Mastercraft beat *one producer like dat*, because this my oga na Mr. Awotunde and na person wey I done see once or twice before and any time wey he show face na something wan happen. 'Good morning sir' na so I greet am before he look back. "What took you so long to get to me" Mr. Awotunde dey yarn. 'Hmmm I be dey...' *the words no gree comot oo*. "Well take this letter" Mr. Awotunde dey yarn. Thank you sir, as take I collect the letter from him hand. "the letter is to inform you that your service is no longer needed in this organization hence forth" Mr. Awotunde dey yarn. I no even shake, as if I be dey expect am and on top I be Big T, I go survive na time ee go take. Na so I stone everybody for work place the news, the thing affect them like fuel subsidy but them no fit do anything. I con call my yoruba love say I won see her and I dey come her area where she dey work as fashion designer for one plaza like dat, say make we meet for one eatery wey near her.
... I dey for the eatery, dey flex my origin as I dey watch '30 Days in Atlanta', my belle won burst with laugh wen AY say 'their father! no sorry na oyibo land we dey, their dad!, their dad!'. As I sight Seyi *my yoruba love*, my eyes almost turn opolo eyes. The way she package, as if na miss naija dem won crown, my mind settle so tey I no remember my problems again. Na so our body join together. "Ololu fe mi, ki lo shele *my love wetin happen*" Seyi dey yarn. Na just small thing oo, how work na. "Fine dear" Seyi dey yarn. Make you no vex say I dey disturb you oo. "Not at all" Seyi dey yarn. Say you remember yawa wey gas, dat day wey you come my place. "Yes I do, what about it" Seyi dey yarn. I dream am oo, say dem con kill me. "God forbid, such would never occur to you" Seyi dey yarn. That one self dey one conner, dem done even sack me for work *na so she hold my two hands, as water comot from her eyes*. "Am not happy about all this trials your facing, am with you till the end and what are you going to do now" Seyi dey yarn. I won go see my parent first thing tomorrow. "Ok dear that's good, I got something for your mom"Seyi dey yarn. .... As I waka go her store, she give 12 yards of wrapper and one bead wey make sense.
********my journey waka well, as I take reach my parent side. Everybody just dey hail me Big T! Big T! Big T, dat one small self, wen all the aged people con dey do twitter role call #see_Big_T_of_yesterday_don_grow_oh. I manage reach house my family dey around, we story well. As I take give my mummy the gift wey Seyi send for her, she pray for her. The part wey sweet me pass na wen my mummy make me believe say 'there is no place like home', na so she sama me better pounded yam with banga soup followed by jack *the dog wey dey our compound*, them slaughter the dog because of me, I con dey feel like prodigal son wey return.
Night reach me and my guys them, they flex for we area, as time to sleep reach, me just bath and I con talk to my yoruba love phone. Me enter my room, so I fit enjoy better sleep for once, na so I see one letter on top my bed. The letter get one kind blood like logo for body, when I open am I just ...
DONT TOUCH DAT DIAL STAY TUNED FOR EPISODE 7

Oya come continue nah