₦airaland Forum

rotimy:
Walai talai my tomato ,you don try for me very very well,
But I go like make this year make we hear our wedding bell.
As you come put your feet down say we must abroad,
I go prove to you say our honeymoon no go be odd!
Make We go Liberia go do am for their capital called Morovia,
We go manage am since I no get big money like Mr Jim Ovia!

pureminded:
This Thread can make a complete album for an artiste

pureminded:
Nice Rhymesssssss

rotimy:
As you come mention honeymoon,
I dey happpy e go come very soon.
I wan make we go do de honeymoon and sun for Dubai,
But from tory I hear, we go see fine things we no fit buy.
I don dey consider de country dem de call England,
But the wahala go be the visa wey we go take land.
So as to explore Naija, we go spend am for Calabar,
After that we go stop and greet my senior sista at Aba

rotimy:
You get send the lists and price of things you go need,
So that I can see how we plan and de amount to spend.
I go like make U look dat day like a Princess in wedding gown,
A pretty bride wey dey shine and on her head dey a fine crown!
I go wear original oyibo suit and go de smile like a king,
We no forget say dat wedding no dey complete without a ring!
I dey think say Olulu go wan be my best man dat sunny day,
But I fear say He go first try to kiss the bride b4 I say "hey".

rotimy:
We go make sure say dat dis our love song is undending,
As we be one voice & one choice we go march without bending.
Last night, my Mama asked when we dey plan our wedding,
I tell say na only my honey Maedan can unveil the timing.

kaydkay:
Yes just realized myself dat dr r some issues with it. all ds copyright stuffs. will find a way of puting it up, maybi one by one. sorry abt that.

rotimy:
As we don prove to the nairalanders say we dey in love,
E go dey good if we hand am over to Baba wey dey above.
I don fall yakata for you so you no need love portion or lotion,
All we go need na honesty & trust wey go put our love for motion.

rotimy:
Flower na for Oyibo dem people,
Which dem dey offer people wey give dem pimple!
But we for Africa no dey pretend and wan make matters simple.
Coconut wey you offer person na sign of peace you wan to seriously sample.
Coconut wey two break 2gether, eat 2gether and drink im water go make hearts no crumble!

rotimy:
I de offer apology for my mouth wey dey open like doughnut
Forgive If my mouth run pass dat of tory-teller Basketmouth,
Because if we start carry face now,my sugarcane,we go gain nut,
Make you 4get I dey beg on my knees with a flower coconut!

olulu:
@rotimy and maedan

9ice,


as i dey read my heart dey beat fast
i for even like be part of d cast,
but they say i get bad mouth,
and i too like fight like tout
so i just kuku siddon look
feelin d line una dey cook
i c two heart wey dey beat as one,
and 2 bodies wey wan merge into one
abi e neva reach dat level?
una still dey on toasting level.
anyway, i dey gbadun d love show
e dey make my heart beat slow,
as if i lie down for snow,
but na d end i go like to know

rotimy:
E mean say you dey follo our love tory,
Rotimy and Maedan dey do e-love story.
Madean like Rotimy and say she wan be in wife,
[/b]But Rotimy no get money but wan give him life!!
Now things don better for the country man,
Na im e take excitement de tell d woman.

see as u dey talk like say na me toast u
na so all u men for naija dey do
once girl don gel, u come get mouth
people go hear from north to south
i no mind sha, say u dey boast
at least for [b]naija love rhymes

rotimy:
I dey worried because e go good if we plan for this lent,
I dey jolly say I don fin a big house & come pay de rent.
I don take style de put things wey you go like for de house.
Thank God I don comot for de other house I shared with mouse!
Dis new one get very big fine kitchen with good air-condition,
You go relax there dey cook and dey smile with satisfaction!!
De bedroom get fine bed wey I cover with sheet wey dey pink,
Aaaaa, we go dey relax and our two hearts go be one love link.

rotimy:
FOR MY MAEDAN

When you think say our time go come?
We go dey worried when to make a home.
We de move from valen-thing de go  Easter,
And one fine lady dey eye me wey be Esther!