₦airaland Forum

Joecoollorenzo:
@maedan

Chai u don spoil my mind
na wen i just dey enjoy my unwind

i get your point
i no go disturb u 4dis joint

i gas go now
enjoy your nite my sugar brown

Lol, thanks for that, my honeypie
E no too bad say you give am a try
But as i don make you understand,
We no dey mix business with pleasure for this land .

Lol @ joecoollorenzo

I sure say u know our creed for this naija band
Wot ever happens on Nairaland, stays on Nairaland
Many bad reports full ground
Tales of friends-to-enemies abound
So make we no spoil this our camaderie
But never mind, u go still be my "dearie"

efepro:
I don dey search 4 rotimy like bluetooth,
Make e come see as e thread yakpa with new recruits,
Make una just dey cari go,
God wey gv una silver go top am with Gold.

Amen o, make God give us the gold medal
E go help add more acceleration to our pedal
As for rotimy, maybe he dey watch us from the sidelines
If time reach when we go need am, he go come give us some guidelines

Joecoollorenzo:
Omoge, your word dey jollobi my body

your tongue sweet pass creamy candy

4now na u dey make me com here

no be hypin, its just dat i gbadu 4ur sphere

see dis wan na implication

i just dey utilize my freedom of xpression

make your oda friends no vex

na just say as a brother i gas flex

a little freestyle no go cause harm

king Solomon talkam 4 proverb, i min psalm.

Lol, abeg make you dey continue to express
Cos me I dey here to always dey impress
After all, them say make person no chop alone
So I like to magnet more recruits to high the tone
Without pple like una, where we for be by now
So like in the Bible, abeg join your hand to the "plow"

yorke:
@maedan
mi i no fit tank u enough
u alwys de show even though your schedule stil de somhw rough

your bread jab go continue 2 de butta
un2 dis your comitment matta

b4 i 4get hop e neva de too late
fit i ask u out on a date?

me sef I dey thank you, say you dey appreciate
Cos e no easy for me to always come here to regulate
But as e be say the thread need water like flower
I must to show from time to time to give it more power

As for this your date, make we keep things on the e-level
Everyone know say for this NL.com, we must to dey careful

Joecoollorenzo:
@maedan:

tank u jare 4 havin mi for mind
your yarn dey help me unwind

e be like say u gbadu politics
i no be d type wey sabi dia lyrics

i go happy if u recomend me 4any romance

were i go dey xpres my emotional freelance

na dat kind egu dey reduce my annoyance

coz my emo friends ar of big importance

big importance for my heart
if my kasala burst na dem dey pres restart

anyway no mind my manners guru mony

hope your nite dey sweet n funny

Lol, no be say I like politics, I just dey give you hand
I wan let you know say you dey come up for this Nairaland
And as you dey come up, make you never step down
i no go like anything wey go cause you to frown
Anytime u need to unwind , come meet us for here
This section full of people wey go show you that we care

@joecoollorenzo

U don put a smile on my face, so I go commend u
If this na political race, I promise to recommend u
As a man of the pple, wey get plenty style
And as for rotimy, I never see am for a while!

@ yorke

Welcome back, long time no see
E be like say I go charge u fee
But as u don give us ur wedding invitation
We go land full force to add to ur jollification!

@ Studio CFR, me I know say na joke you dey joke
No be say you just dey scatter mouth like egg yolk
Try to improve on your effort, so that you go dey "among"
Next time, make you land here with a good pidgin rhyme song

Vavavoom:
hear! Hear!, Y words like lameass dey change to backside?
Seun dis your bot come misrepresent while flowing on my blindside
changing my rhymzo without regards for copyright?!
we go see Oputa the next time to enforce my patent rights

Joecoollorenzo dis name come make me shout Kilode?
sounds like Joe is Cool and G's sometimes dey call am Lorenzo
two of una drop una debut and e come hot like a summer day
reminds me of that skilful Belgian wey name be Enzo
who dribbled the whole backline possessed like im hold the Opus Dei
leave im enemy in awe dem come nickname am the Virtuoso

Just like Enzo our own maedan na pidgin maestro
with brain wey rich and high like Kilimanjaro
pidgin flow wey cold pass AC for Milan
Each time I read her flow omo me I dey learn
Va-va-va-va-voom she scribe dribbles like Thierry Henry
truly she dey make feel like say I shack Campari

Wow, @ Vavavoom, you don make my day (abi na my night )
Your hailings dey just make me "feel alright "
No be say I be expert, or even pidgin guru
If this na Nollywood, na me be the Francis Duru
People like Ruudie na d "RMD" for this our show
Me I still dey "come up", one day soon, me sef I go blow

Joecoollorenzo:
@maedan:

omoge, no wahala
i go softly dey holla

na tru talk you tock
i don watch u 4rm my own block

since wey u start wit rotimi
and wen olulu wan kom b enemy

u don try well well
and your flow stil dey jell

leafam, u deserve award
or maybe a trip abroad

if u fink say i dey giv u 2much hypin
go check dis thread, e don tey u 4typin

omoge, chop nockle jor
i dey trip 4ur pidgin hardcore.

Lol, thank u @Joecoollorenzo, for your appreciation
All of us here na preacher, NL be our congregation
Me I no go claim all the credit, others don add to the good outcome
Of this our local thread wey make us dey remember "home, sweet home"

[quote author=Kilode?! link=topic=232650.msg6754422#msg6754422 date=1284499304]As I see una for hia, na hin make me dey jollyvate

Area mama, nothin do u, your rhymes be like chocolate

who vex wan you!? make e do seppuku like chin shon ku!

if den try you, we go treat dem chin like jungun nu [/quote]ROTF, no add kung-fu to our pidgin-flavoured love theme
We dey act cool for here like vanilla ice cream
E be like say I go take a break at this nite juncture
Thanks anyway as you don add plenty to our rhyming structure

Joecoollorenzo:
@maedan:

your swag my sister i dey gbadu

your stylee dey do mi like chukuchuku

i don dey folo u tey tey

and i like your way

e bi like say u b d friend of evrybody

good tin sha maybe i fit join d body

anyway i drop my salut

i go dey xpect make u put mout

@ joecoollorenzo, softly dey hail me make my head no swell
E be like say you really know me well well
No be say I dey try win popularity contest
But in friendships I dey always like to invest
Life dey sweet when e dey without enemy
Abeg join d body jare, hope d bad belles no go envy me
Lol .

[quote author=Kilode?! link=topic=232650.msg6754004#msg6754004 date=1284494453]Abeg, make una sofry dey yab our gbogbo big gals 

Nothing do them, na too much effizi make them lose gas

jus like the agbero wey chase load pass hin bus stop

Na over-hustling make dem lose dem street sense.


I dey gbadun una rhymes for hia, I no go fit lie


**subscribe**   **dancing around**[/quote]Lol @ Kilode, we value your "subscription"
Even your pidgin attempt fit win competition
And we no yab anyone for here o, we just dey write report
Anyone wey wan vex with us, make him/she send in their retort

Joecoollorenzo:
Na wa, i just dey enjoy una tori

e dey sound like bracket yori yori

i like d way una pidgin sound

una b tru 9ja indigene for ground

i go like to wan learn una own pidgin

shebi i go first shack dry gin

make una dey flow dey go

our english sweet pass dat of oyibo

Thank you, @ joecoollorenzo
(na wa, this your username be designer like kenzo )
However you no need to shack to contribute your pidgin quota
The inspiration go just flow, as I don sign your name into our rota

Lol @ Vavavoom

Truely true-ly , plat be one babe wey I use to admire
But she mess up like pickin wey put hand for fire
For those wey dey laff, na them know the reason
Abi make them cry, when e neva reach for the season
Person wey dey swagger about the forum like say she get level
Now yawa come gas, she no even say "sorry, na d work of the devil"
Me I no dey judge, I just dey give you d low-down
And for all the gbo-gbo-bigs, abeg make una slow down