Instead make them dey catch any woman when wear trouser, them for kuku dey arrest any man when dey look woman body sotay him own trouser come dey show another third leg.

If them face the man them instead, you go see say any man when see fine woman go quickly commot eye and face him own business. 

As for me o,  any cloth when woman put for body, I go take style dey look am, but as I don take rope tight my blokos well-well, nothing go happen when go make me shame, and that is why I must to take this opportunity to beg all Nigeria woman say make them please dress sexy as them like, because my doctor don warn me say if I no take eye see new breast and yansh every day, say na totomental sickness go kill me.

How as that Lagos Gomina like toto, breast and yansh, no be small thing o.   The man no dey take toto matter play at all.   Look am how as e be say na the cloth when dey woman yansh come dey MOST important for Gomina Fashola, pass all the other problem when dey ground for Lagos State.

E be like say na Gomina Fashola blokos when dey wake up every time, dey fight him trouser, dey push am to dey pursue woman like mad dog, na him dey make am forget all other more important work of gofment like to supply light, to repair Lagos jaga-jaga road them, to stop army robber when don take over Lagos finish make them own gofment dey shoot gbosa gbosa for every corner of Lagos.

Gomina Fashola don get new name o.   The TOTO MASTER OF LAGOS.   If the man no do softly with this him yansh and breast hunting mission, na 2-naira ashawo TOTO go kill am.

Monkey no fine, but him mama love am.

America get as e be, and me I NEVER see any Nigeria man or woman when no want to go tanda there.   Even the naija people when dey shout dey abuse America, if you give them green card tomorow some nogo even pack load before them jump enter aeroplane to rush go there.  

As for me if Oprah go gree hire me as gardener I go start work tomorow with happiness, even if she no gree pay my salary.

The part when make me laugh tire na how as Osofia talk say when the kata-kata bust he from there go meet the policeman come open mouth say na him be the MAIN PERFORMER for the venue.  Na that one dem dey call say Trouble dey sleep, Yanga go wake am.

Na the time when Osofia come take eye see how as policeman dey use rope tight him host dem for ground like bush meat, na that time Osofia come run gbudu-gbudu cross to the other side of the street and forget one-2 whether na major or minor performer he go do for Holland.

I beg make una follow me pray say make Osofia take this incident come do another film for us o.

We fit talk say Americans dey ALERT to how as Nigeria and Nigerians dey operate for this world.

k0be:

I doubt Oprah made this resounding statement. If she did, it is completely inexcusable and unacceptable, and there's no way to justify such lowly hasty generalization.

Grammar jam grammar.  Inexcusable, Unacceptable, Intolerable, Inexplicable, Indefensible, Incorrigible, Unpalatable, Unconscionable.     Chei, make I take cover first before I talk.

For ya information, Mr. Secretary of State, Oprah talk am as them quote am, and the woman no care at all whether you siddon for ya beer parlor begin dey blow ya grammar from now till when fowl get teeth and snake dey wear tennis shoe to take leg wakka. 

If you like self, make you embark on hunger strike to see whether Oprah go apologise before grammar finish for ya mouth and you turn to bonga fish.   

Dem get one parable say say na only the time when breeze blow, na him we go see fowl yansh.  Oprah be the breeze when don blow to expose the TRUTH say na Nigeria boys invent 419, and na them still dey in charge of that work whether na Lagos, London or New York them dey hide, still NA DEM, and everybody don know am even before Oprah open mouth talk am.  Make una no vex too much o.

Monkey no fine, but him mama love am.

Whether na Nigeria man or Biafra man, any Africa man when get lucky to emigrate go tanda for America, come begin dey take gun dey do yanga, na MAD MAN when don forget himself, and dem suppose to lock am for general prison population to see small education before other inmate dem go come wake up and kill am like poison snake, gbosaaaa.

Trouble dey sleep.  Yanga go wake am.

Nigeria no get light at all, EVERY SINGLE DAY, and for EVERY corner-corner of the country, wey come be say any day when them mistake bring light for 30 minutes, you go come dey see people as them dey dance like person when drink bellefull, dey celebrate like say na Jesus just from inside aeroplane land for Nigeria to divide free cash give everybody.

Say light fit manage work for one blessed minute na [size=14pt]BIG NEWS [/size] for Nigeria, but for America most people there never even take eye see light outage ONCE like this since when them born them, so this single light off when happen for San Francisco, na something wey many San Francisco people go dey tell them pikin as wonderful story for the next 20 years.

Chei ! Wonderment ! Sege ! Make una come see how as dem dey take Big-Big Grammar fight like for where Lagos area boys jam Igbo motor parts trader for Oshodi.

Me I done kukuma wear all my local-made bullet-proof juju ring dem, so I no fear at all whether some mis-fire grammar-bomb fit mistake come scatter my house, and because of this I beg all this our Big Grammar Man dem say make dem no disappoint us and stop this heavy artillery exchange, because I go talk true say I nogo dey happy at all until I don master some of this hot grammar insult when dem dey use freely like broken bottle for inside palmie house for mid-night when full moon dey shine for up.

Na matter of those mad India doctor when go plant car bomb for London, na him start this discussion o, but now we done leave all that yeye 'tory for back, come enter man-pass-man HOT war zone wey e be say everybody dey run for cover, dey break olympic record.

Hmmmm, as for me I dey standby kaka-raka, because I sure say the person wey dem shell am last nogo fit just siddon look like Congo-meat when grammar missile still remain for him hand to throway here.

Do you know say too much Sapele Wata and water-leaf dey scatter brain ?
Do you know say scatter brain person nogo fit talk anything pass rubbish in rubbish out ?

Wonder no dey finish for this world, o country people.

Now we dey hear say na so-so MEDICAL DOCTOR dem dey try to take bomb kill innocent people for London.

Abi this world don run mad ? How manage person go attend medical school for good 7 years, take oath say na only to save human life na him dem go dey take dem training do, come dey work for hospital dey treat people, and then after all that positive thing, come begin dey plan to kill themself and many innocent people with bomb ?

If na only one doctor run mad come turn to terrorist, I go fit understand say na case of education-miss-road, but we come dey hear for news say London police don arrest 3 mad terrorist doctor for this bomb matter. Abi na dream I dey so, or this kind thing really fit happen as dem dey talk am for news ?

Country people, I beg o, make una explain am for me wettin dey run all this doctor mad like this. Una think say maybe somebody fit dey hypnotise or drug all this doctor dem for inside hospital where dem dey work ?

Bullet proof car nogo sell for Nigeria because na traditional African bullet proof dem dey use there instead of white man system.

Some people go tight snake and lizard head put for small bag for inside dem pant, some go pay Afa and juju-man to write prayer put for paper when go dey dem pocket together with black powder and cowrie shell and white cloth, but as for me o, my own juju be one fine pump-action shotgun together with him siga plenty when I dey take style hide inside my moto, ready for any dialog.

Trouble dey sleep. Yanga go wake am.

One my friend when know say him moto paper no correct, immediately when dem stop am for checking, na so my friend come blow lie for the police them,  say one moto dey come for back and na so-so army robber with gun full that moto. 

Come and see how big belle policeman dey run like antelope when jam hunter for bush.  Dem no kuku come remember again say make them ask any moto paper for my friend hand before them pick race jump enter bush gbudu-gbudu gbiri-gidi - juwaa !

When the police them don scatter finish, na so my friend just take style move him moto commot there kuleee, as gentleman concern.    As for me o,  I nogo fit get strong-mind to try this system o,  but e  be like say that sense fit work well-well.

Na only person when never step ground for Niger Delta go fit just open mouth begin dey announce say MEND no get power to terrorise anybody there.

Na which kind exaggerate una dey talk say Jeff Koinenge dey exaggerate ? Una think say that machine gun when MEND boys dey take dance for CNN camera, say na toy gun ?

OK o, so na because MEND boys dey dance for camera, na him cause wey una dey halla say Koinenge and CNN dey "stage manage" that dance ?

The person when take eye see Koinenge as e dey teach MEND boys how to dance and play drum, PLEASE O, make that person stand up and show us that MTV Mike Jackson dance video, so we all go dey sure say true-true na "stage manage" show CNN come show us to spoil Nigeria good name.

Niger Delta NA WAR ZONE. London and Spain nogo EVER fit dey danger like Niger Delta, no matter how ETA and IRA fight reach, because law and order nogo gree make a such thing happen there. Law and order NO DEY Niger Delta, and any person when think say na lie make the person enter canoe go tell MEND for dem hideout say them no get power pass to take toy gun dance.

Monkey no fine, but him mama love am.

Anytime when I dey travel with my moto, my two giant Rotweiller attack-and-kill dog them go kak seat jeje dey enjoy air-condition for owner's corner for back, dey smile with them BIG teeth when no get enemy.

If una try this idea, you go see say your car nogo fit stop finish for police checking before the policeman dem go QUICKLY tell you to take your trouble dey go.

Yes o.  We gree say IRA dey UK, ETA dey Spain and KKK dey America,  but the point wey some people here dey try to forget be say all those separatist group them nogo EVER fit get power reach to dry the treasury of the federal gofment of the country wey them dey operate.

Who no know go know say MEND when dey Nigeria oil region dey VERY different from those other group, because MEND fit spark come begin dey take dynamite scatter ALL the oil pipe and pump head when dey Niger Delta, wey e go be say THE WHOLE source of Nigeria income go pafuka finish one-2, if our new president Yar Adua no settle MEND and Niger Delta people quick-quick once wey him don enter office for Aso Rock.

Make una no because of ya love for Nigeria come dey compare Nigeria every day, every where danger with ETA and IRA OCCASIONAL attack for Spain and London, because no be only MEND dey cause make Nigeria dey unsafe in general.  Make I begin dey list am  for una ?

Abi una don forget say nobody when get common sense go ready to waka for Nigeria express road once night don fall because if army robber no fire them moto, na police go take big timber and stone cross road and arrest or fire any driver when no gree settle as usual.  I sure say una go also claim say una never hear how as army robber dey take over many of Nigeria town for night, come begin dey raid every house turn by turn, dey rape and kill with full confidence as them know say them don REGISTER with police.

Anyway make I no talk too much o, otherwise our close-eye, all-weather promoters of Nigeria "good name" them go wake up begin dey halla dey call me another mumu wey no know say na Nigeria dey safe pass for all this world country.   

Monkey no fine, but him mama love am.

Na only the time when EFCC them trap don close finish, wey be say them go sieze all the stolen billions of dollar money wey Atifu think say him don hide for oversea bank, together with all the big-big house wey this yeye jekuredo A[b]TEEF[/b]U MAN don take style build and put for him ashawo-5-naira, pig-nose wife name, together with him dog name and maiguard name,  come follow all that one throway Atifu put for inside air-condition VIP cell for Kiri-kiri, na THAT time Atifu go come know the real meaning of hungry wey no get comma.  

We all go take koro-koro eye see this man as e go soon fall from him TEEF heaven, gburugudu-gbosa for inside jail hell where sun no dey enter.

Monkey no fine, but him mama love am.

Make una no worry, I don get confamation say immediately when fowl get teeth to chop corn, wey snake get leg to wear fine shoe, na him Nigeria light go dey light both day and night without comma.

On top that one, I come hear again say Buhari and Atifu dey inside that satellite when dey for outer space, and the job when them give them be say make them siddon for up dey direct giant torch-light to every Nigeria town, turn by turn, wey e go come be say AT LEAST once every five years each Nigeria town go see electric light for complete 5 minutes. 

Because of this, make una stop all this complain for our satellite o.  If them vex stop the food when them dey send to Buhari and Atifu for inside our satellite, hungry nogo let them face the inportant work wey dem for do to save Nigeria with artificial sun.   

Monkey no fine, but him mama love am.

Jen 33, na which kind image laundry attempt be this ?  With all this ya picture of fine house for Abuja, you think say people when dey Nigeria go come forget say common electric light no dey light for the whole country, say ordinary drinking water no dey flow for ANY major city for Nigeria, wey e come be say every house must to get him own water bore-hole together with putu-putu generator wey go dey give them light to see and pump water commot for bore-hole as light no dey ?  You think say all this fine photo go let people forget say nearly all the coal-tar road when day Nigeria don pieces finish like say them don take bomb scatter am ?

One person don talk am here say as Abuja fine like little London, na so Niger Delta them dey suffer like person when dey for hell with no light, no hospital, no school for them pikin, no job, and then on top all that one, oil leakage don poison them land finish wey be say the fisherman them for delta no dey see fish catch again as before, and farmer them no fit plant anything for land when everyday oil leakage don poison finish. 

And o, country people, make we no forget say if no be that CROOK OIL when dey that Niger Delta fatherland ONLY for the whole country, na so-so groundnut and cocoa Nigeria for dey sell till tomorow.

Jen33, I sure say you been dey collect ya settlement belle-full for gofment hand, so I no blame you at all for this ya long story and plenty photo wey you dey take try to show say everything dey ok for Nigeria like as e dey for London and America.  Just remember say all that photo wey you don sweat to publish, them no represent the REAL Nigeria at all, at all.   Na dreamland picture you publish so, Jen33, as wey e be say 99% of Nigeria people nogo see and enjoy all that wonderment because of them daily struggle to survive for overall backward country when no fit boast of common electric light like Ghana, our "poor" neighbor.

Delay election for where ? Why e come be say every time when this Buhari try for to enter Aso Rock again to do president of Nigeria by force, and come see AGAIN say him nogo fit win at all lai-lai, na so him go begin to dey cry and piss for body like bush meat when iron trap hold am for blokos ?

Na which time this mumu cow-driver Buhari go find him way go back to him village ? Why e come be say this idiot man no fit understand say the whole Nigeria hate am like how dem hate poison snake, and dem nogo vote for am even if na 1000 times Buhari wake up begin dey bark say him want to do dictator again for Nigeria.

Yar Adua don paddle PDP canoe enter President for Nigeria kuleee, as how lucky man dey enter fine woman, and no Jupiter go fit stop am now for this 11th hour. If this my prophesy no happen when dem vote finish, I go cook my dirty shoe together with pepper and onion, and then then I go begin cry dey tear that shoe chop for all of una presence.

You no see trouble again ?  See how as them dey ask why Oprah Winfrey no gree discuss Columbia drug seller and Saudi Islamic terrorist them.  Why una still dey try to play all this diversion cunny system instead of to face the main Nigeria 419 matter wey dey ground ?

For those Alice in Wonderland grammar people wey still dey point finger to another country say them too get criminal, make I remind una say NOBODY CARE at all whettin dey happen for another country wey no get DIRECT EFFECT for them everyday life.

Person wey no dey shak cocaine nogo dey abuse Columbia cocaine supplier say them product dey kill others.   Person wey no plan to step Saudi nogo worry whether Saudi people be fundamentalist or pagan.  Person wey no plan to go live for Kenya nogo worry whether na 50 years or 100 years them president kak seat jeje for power, dey chop them money all.

The reason why 419 matter dey cause kata-kata worldwide be say the system of teef wey them dey teef been dey affect EVERY PERSON FOR THIS WORLD WEY HIM COMPUTER LINK FOR INTERNET. 

So make we try to forget Columbia, Saudi, and other country wey them matter no concern the world like 419.   All that kind argument na for just to take smoke and noise cover the real matter wey dey important to the whole internet world, and dat one be this very 419 matta wey be say na only Nigeria boys them dey do am, dey take am condemn ALL them countryman as teef and wayo people.

Monkey no fine - But him mama love am

God bress you Moondust, because na you be the ONLY Igbo man wey stand up to admit koro-koro eye say na him town people them dey plenty pass for 419 work.

For the whole 18 pages of this thread wey una don write pass, na so-so deny Igbo respondents dey deny, say no be them people dey play 419, say make we come dey discuss other crime system wey no dey get kobo effect for oversea, wey no concern other country them at all, wey no dey spoil Nigeria name like how this 419 dey spoil am dey go.

Na Igbo them start 419, and na them still dey for that work pass any other group of people. Wettin remain now be say make correct, true and honest Igbo people like Moondust stand up to admit where this problem get root pass, before we go fit uproot am once and for all, and by-force throway all those 419 bastard them put for Kirikiri cell wey sun no dey shine enter.

Good day country people.   Yanga Rat don bust out from deep inside him hole to put mouth for this topic about 419.

I don read all this post them from starty to finish, wey be say eye come dey pain me self, and I come see say some of us no dey like to hear at all say na Igbo boys plenty pass for that 419 business wey them dey play for internet.

I no want make anybody vex with me for wettin I been want talk now, as I be new customer, but everybody know say Igbo boys na them full ground plenty yanfu-yanfu for that 419 wayo business, although some Yoruba and others don start to dey take style dey copy the Igbo boys them internet wayo sense, dey collect money from  Wetern Union.

The ting wey I been want make una remember  be say foreigner them no get any interest for all other system of wuru-wuru wey Nigeria people dey play, like oil bunkering, teef-teef of gofment money with pen and paper, army robba and so on.

THE ONLY crime when dey suffer oyinbo them na this 419 when we dey talk so, and since na the subject of that very 419 wayo we dey here dey discuss, all those writers wey dey halla say other kind of crime dey plenty for Nigeria wey Igbo boys no get hand, make una no forget say all that one no concern any person wey no dey live inside Nigeria.

419 na the only system of Nigeria teef-teef wey dey suffer white people them, dey short them money, so, na for that very area of jibiti na him them FBI get interest to know who dey do am, and the answer of that question bitter well-well.   Na Igbo boys them dey do 419 since before-before, wey internet never yet reach Nigeria, when e be say na post office letter them dey take write to decieve people, and till today, na the same Igbo them still plenty pass all other country people for that 419 teef business wey don come spoil Nigeria name finish now.

Ok I don run enter my hole back o.  Make any person wey don vex come begin dey fire me for this true talk wey I don put for ground here today.   Monkey no fine, but him  Mama still love am.