Youngzubi:
Episode.......30


please take one minute to vote youngzubi for the literature award click on the link below

https://www.nairaland.com/4652535/nomination-thread-august-5k-award/7#4652535.237


mission possible
-----------------------





I look back as i sight Stevo well positioned,him focus on the camera wey dey ontop the sniper with one eye closed then the other eye open"good @stevo i whisper enter the Bluetooth"

"yes boss"..he yan


"spata!"


"yes boss"


"first thing u go do once the atmosphere don clear nah to blow that security door wey lead inside the bank.....i yan


"noted"....he yan



"erotic!"

"yes!"...


"coordinate everybody wey dey that ATM machine,i know say all of dem go begin run once we enter,so make sure u treat their fuckup,if anybody disregard blow him head off!,no time to check time!


"ok boss!....



with dat,me,spata,erotic and sentino begin waka near the bank,one security guy wey sidon for plastic chair,him keep ak 47 ontop him laps as him dey poff cigarette

he jab up instantly him eye jam us in a swift motion he position his gun as him begin scatter bullet for our body tatatatatatata!!!!!!!!!


after him don waste bullet finish nahim come stop,but watin him expect nobi watin him see as all of us just stand dey look am like say nah toy gun him use dey shoot us,he look left,look right as him pick race


"Stevo clear him"....i yan i never finish sef as the guy head scatter!

"good job!"


like shield for WWE wrestling,we match forward scatter their gate then bounce inside as people wey full for ATM stand scatter

four security men surface instantly,like say dem don do the practical within a second dem circle us as we stand for their middle

"Stevo!"


"sir"

"hold ya fire"

"eh!"


"just hold am,i won observe something"...i yan enter the Bluetooth onto say i never want make him shoot any of dem



i watch as their oga,him go be around 50yrs old with bar head like grinding stone,him beards don over grow as the thing no gree peson see him mouth,tall,dark as him two eyes enter inside,him light cigarette begin smoke as him step out

"una don enter lions den today,just begin ya last prayer,2mins remain before i go send una go heaven....he yan


"rubbish,i hiss"Stevo! clear dem!"


from no wia bullet begin hit dem,the man turn only to see him boys full ground as their brain scatter every wia


"my guys separate immediately as each of dem go begin do as i already instruct dem


the man turn as him sight only me standing for him front,he comot dagger from him pocket,he rush me as he force the knife enter my belle,he comot am then repeat am again for seven times but nothing do me,blood no even dey the knife sef,the man shift back as bullet from no wia scatter him head

"correct!".....i hail Stevo


"nah my duty!"...he yan




i look the atm side as i sight everybody laying down flat facing the floor with erotic pointing gun for their head"keep ya eyes on dem erotic,i yan

"ok boss"erotic whisper enter Bluetooth



i begin waka enter inside the bank,spata don already blow their security door as him and sentino don dey operate inside


as enter nahim i see as everybody lay down flat for ground,dem plenty,even the bank workers and people wey come deposit money

"wia the manager!!!..i shout

"boss come hear watin this goat dey yan o!....sentino yan



i move go meet him wia him stand hold one lady with pistol wey him point for her head


"watin??....i yan as i near dem


"i bin dey ask dem to provide their manager since but she just dey talk rubbish.....sentino yan


madam wia una manager?....i shout


please believe me,he didnt come to work today,he actually went on trip to dubia yesterday....she yan with her leg shaking


who be him assistance??....i yan


"i sir!.....she yan


"good,wia una vault dey....i yan

em! sir its only the manager that have access to it....she yan,the thing vex me die,i for shoot her but onto say she fit be the only peson wey go sabi open their vault nahim i cool down,i waka go drag one young cashier up


now look me i shout ontop the lady head,as she look my side


i tear the young guy one hot slap,as the thing carry him head go jam for wall,i waka go drag him up again"open ya mouth i shout

the guy open mouth as i put my pistol inside him mouth pooaa!!! i release bullet inside him mouth as blood scatter ontop their desk,the guy use back land on the floor,as the woman scream ahhhhhh!!!



shut up!!!!!...i shout


now u don see say we mean business,nobi film we come act hia,so wia una vault dey for the last time!!...i shout


i dont know!!!!...the woman shout with her lips shaking maybe na fear,but she still dey prove strong head


my eye red instantly as i rush the woman piam! i kick her leg comot from ground as she do back flit go jam head for table,i rush her again as i use my small knife tear her clothes off,i just have to wicked the lady becos time don dey go anything fit happen

i naked the lady as i waka go meet one guy wey lay down for floor,i comot him belt,then waka go meet the woman


lay down flat onto that table, i shout!,she still dey prepare to carry out the order,but watin dey give her moral wey she just dey do like say she get spare life for house


with vex i begin wipe the ego comot for her body till she begin beg


blood begin rush out from her nose,mouth as she lay down for ground dey point some wia


"hello boss!....simple yan enter the Bluetooth



"watin!".....i reply


"i just sight one fat man now, him wear suit,him follow back of the bank tear race enter one bullet proof moto as dem speed off,with my observation na their manager be that.......simple yan



"shiitt!!"....i shout as i waka go drag the lady up,she direct me enter one room like dat

remove that AC on the wall she yan

i tear one better blow ontop the AC as everything scatter,something like glass come dey for the wall as the AC scatter finish


she stagger go there then begin draw something like pattern for the glass like magic the wall shift go one side as one big iron surface,for the body e carry botton wey dem write 123 to 9 and 0 then one big botton wey dem write enter

she press 18 digits then press enter botton as the iron open,money just full every wia,well arranged in bundles


"simple i yan enter the Bluetooth"


"yes boss"....he yan


"drive the lexus inside".....i yan


"ok boss".he yan


"Stevo!"...i whisper


"sir!"...he yan


"keep at alert,simple don comot, blow anybody wey surface at all!,make sure nobody enter inside the bank...i yan

"noted boss"...he yan



"within few seconds simple rush inside with two 1000kg bag,sharp sharp we load the bags with money as spata,simple and sentino drag am outside enter the lexus


i look the lady,i for no shoot her but for the fact she lie give me come delay me join,i place the pistol ontop her head as i blow her skull"never tamper with a man wey hold gun,always put ya life and survival first gawd punish you! i yan as bounce outside

erotical!!! go enter moto i shout as him leave those people wey dey lay down for atm stand go enter moto



i waka go meet dem as i sight soldier truck with 8 soldier dead body for ground,i look Stevo as him smile do thump up"good job bro i yan as we shuk head enter moto,we release bullet for sky as we zoom off


our moto increase speed immediately we burst out for express,we begin drive roughly as some moto begin park oneside for us to drive pass

25mins later we sight two soldier amurd truck chasing us

i yan spata say make him change direction since nah dem carry the money,while i continue driving straight with golden dragon so that dem no go chase spata

40mins of long chase dem begin fire bullet for our moto but e just useless becos our moto nah bullet proof we sef nah bullet proof

still running from one street to another with those soldiers,1:23mins later i receive call from spata say dem don reach house,then i stop our moto for road yan Stevo say make dem drive dey go house as i stand for middle of the road with two explosive for my hand,golden dragon zoom off leaving white smoke everywhere


i don already calculate my moves,since their truck dey high i go fit pass under freely


their truck begin surface with great speed as their full light nor gree me see well,so i use my hand to shed my face as dem begin shoot me from different direction,bullet just dey tear my body like rain,i begin wonder the kind blood and mark wey go dey that tree body by now


the truck driver notice say those bullet no do me anything, as i expect him,nah watin i know say him go won do,he increase him speed with aim to jam me,i smile as i prepare for action

the truck near me just small make him jam me nahim i dive enter under the truck,sharpaly i magnet one explosive under the truck as the heat of the engine won suffocate me,i still lai down flat for ground waiting for the second truck, the idiot driver won use him tyer smash my head as him sight me laying down for ground but i quickly shift as the truck speed pass, since i nor fit put the second explosive under the truck,i quickly throw am enter inside the truck as the soldiers wey dey inside throw am back for me omo i tear race i no know say moto dey come with speed for my back just for me to turn nahim the moto hit me gboooooo!!!!,i land inside gutter as i quick press the explosion botton gbooaaaa !!!! the first truck catch fire as human parts begin fly enter different direction

the moto wey jam me still dey try reverse,i quickly rush the driver as i drag him outside,without wasting time i enter the moto reverse and zoom off festac straight,nah wen i don enter road dey tear better speed as fresh air begin cool my body,i look the passenger sit as my eyes jam one beautiful babe wey sidon jeje for passenger front seat

"what!!! ,....i shout


"please!! dont kill me!!!.....she scream

to be continued.....


click on the link to vote youngzubi for the literature award thank you jah bless!

https://www.nairaland.com/4652535/nomination-thread-august-5k-award/7#4652535.237