₦airaland Forum

Hello Everyone. Here is a piece of mine titled 'Remi Ireti Davies'. Enjoy

I saw Ashake, I saw Alake,
I met Arike, I met Aduke.
My heart didn't skip, the ropes weren't there,
No connections at all, like sit to chair.

Remi Ireti Davies, the light of my world,
The length of my height, the breadth of my broad.
I fell in love, falling forever,
Be with worse or not worse, stand with you in any weather.

People dey ask me guy, who be your babe,
Ja mo jare or what's her name.
I go just smile in my usual, and blush as well,
For joy dey fill my heart meeting the right girl.

Remi Ireti Davies, I be fan of your gele,
You tie it uniquely, like those women in Abule.
When my face jam your face, it left me restless,
Your eyes like gold, your stare be priceless.

My mama don dey wink me, she dey ask how far,
Won ti bere tani e, ojo wo ni ma mu e wa.
I dey say make she calm, say Remi Ireti Davies dey come,
Her legs go jump, hug go tight and warm

Remi Ireti Davies, millions applaud for you,
How you take gree for me, no guess in my clue.
No be say I be fine boy or my pocket carry weight,
As you sef no even know, let's leave it to fate.

Remi Ireti Davies Ayanfe mi!


By Olowo Tosin John.

Hello Everyone. Here is a comic piece of mine titled 'Elabojukan'. Enjoy

Elabojukan! when you wan talk point, but they say make you use style shut up,
Elabojukan! when you still wan talk, but you no get choice just to lock up.

Elabojukan! when your ATM don hang and you use vex dey para,
Elabojukan! you con go complain, but they say make you come back later.

Elabojukan! you dey claim Wizkid na your bro and you get e number,
Elabojukan! we con call am now, but you no sound familiar.

Elabojukan! light no dey, you con go charge phone for area,
Elabojukan! when you con come, they say your phone don buy feather.

Elabojukan! you go party, everywhere dey smell of fried-rice,
Elabojukan! e con reach your turn, they con dey apologize.

Elabojukan! you dey go Ikeja, you con see your padi for Ojodu,
Elabojukan! you con dey wave to the guy, but e no see you.

Elabojukan! you go shoprite dey buy buy like say you be boss,
Elabojukan! time to con pay, you dey pariwo say you wallet don loss.

Elabojukan! you enter bus dey follow babe talk, forget bustop,
Elabojukan! my brother we dey Ajah now, we don pass seven up.

Elabojukan! eyes glued to the phone, you dey wait for alert,
Elabojukan! your phone con dey blink, but na MTN advert.

Elabojukan! you wan do toast bread, but NEPA con take the light,
Elabojukan! after you don sleep, they con bring am for midnight.

Elabojukan! LASTMA catch you, you con dey call your padi brother,
Elabojukan! as he pick the call, he say e dey Kaduna.

Elabojukan! when you were 4, you dey talk say you go be Pilot,
Elabojukan! reality just dey laugh say abi you no like Astronaut.


By Olowo Tosin John

Lalasticlala

bencarson007:
Bros...
You dey vex sha
Anyways, padi Skrtel don come back sha...
I been see am last week.

He tell me say why he no first dey call na say ground no too level when he reach there...

He tell me say he no forget momsi and popsi...
and he no forget area!

He tell me say when things come dey very bad, say he almost put hand for bad thing but as an ambassador from area na... he hold body!

Paddy Skrtel don blow o...
And he say he dey marry Arike next month o as soon as he finish the caban wey he dey build for maale and paale...

Alaye, I see paddy Skrtel last week and he no loose guard at all but hustle wella and still go school wella there.

I personally escort paddy Skrtel reach him crib o egbon...
I see
2 range
1 G Wagon
1 Escalade
1 Bentley
3 ML Benz

Alaye, Paddy Skrtel no fall hand for that way at all...
After 4 years there, he finally blow with much hard work

He rep us wella...


Bros ....
I love this piece
You are a good writer.

May God bless the paddy Skrtel in all if us and may we never do bad no matter what...

One love!

Thanks Baba! I Appreciate

Hello Everyone. Here is a piece of mine titled 'To Skrtel'. Enjoy.

Padi mi Skrtel bawo ni jare?
It's been five good years you went far away.
The Yankee wey you go, how e dey be for you?
Me no no how you dey, but I dey imagine with my clue.
Your matter dey boys mind, memories don dey fat.
I dey giggle plenty remembering our last chat.

Padi mi Skrtel, area dey hail o!
Na every time boys dey ask me when you go show.
Every night we gather, your matter we dey talk.
And we dey pray for you, wishing you the best luck.

Padi mi Skrtel, mumsy say you no dey call,
E dey pain am wella like blow to the jaw.
Your P-man dey vex, the Old Man dey para,
Different guesses to reality but none is clearer.

Padi mi Skrtel, Arike don do freedom,
Na wait she dey wait, waiting for you to come.
As she dey waka jeje, she dey wave the whynings.
Na 'No! she dey yarn, say her bobo is coming.

Padi mi Skrtel, a lot don really change,
Ade don be lawyer, tunji don buy range.
Shade don born twins, last month be the naming.
Me go soon marry, shey you sabi Remi?

Padi mi Skrtel, as you read this letter,
If you are swimming in down, things go better.
Abeg no loose guard for there, no buy their yawa
Ojo ti pe padi mi, ojowo lo ma wa?

To Skrtel


By Olowo Tosin John

Hello Everyone. Here is a comic piece of mine titled 'Vanity'. Enjoy.
If you kpai today, Iya sikira go still shade,
She go sell the lace or the guinea brocade.

If You kpai today, Cinema no go close,
They go still show where the Actor dey kill the Bozz.

If You kpai today Man U go still play,
Either they play for home or they play away.

If You kpai today traffic go still dey,
And as usual, LASTMA go dey clear the way.

If You kpai today, Ogbeni go still propose,
To his tey tey bae with a flower of rose

If You kpai today, your ATM don miss,
Money go fly, they no go stand at ease.

If You kpai today, your watch no go cry,
You can't trap its wings, time go still fly.

If You kpai today, Padi go move on,
Because sun no fit dey wait for moon till dawn.

If You kpai today, na sleep you sleep,
But this sleep pass sleep, this sleep is deep.

If You kpai today, your dreams go follow,
No reality for you, no chance for tomorrow.

So before you kpai my brother, be humble.
Before you kpai my sister, no dey fumble.
Before you kpai oga mi, take time to rest.
Because na now you see, you don't know the next.
Vanity is Vanity! no matter how you spell it.



By Olowo Tosin John

Hello Everyone. Here is a comic piece of mine titled 'Letter to Kambo'. Enjoy with any rhythmical beat you make.

Kambo my guy, how you dey?
Kambo my guy, where you dey?

Kambo my guy, I miss you well,
Kambo my guy, hope all is well?

Kambo my guy, na Pito dey talk,
Kambo my guy, e don tey we talk.

Kambo my guy, since we comot for school,
I never hear from you, you never hear from me too.

Kambo my guy, no vex at all,
You know say man must hustle which is very sure.

Kambo my guy, make I knack you some gisting,
Carry chair for there make you hear make you listen.

Anita don marry, Kelechi wan wed,
This guy don travel out, you sabi Ahmed?

Banku Shaku don go the prison,
Na hear me I hear, me no no the reason.

Uche don big now, she don born three,
Infact belle swell, the last time we see.

Kambo my guy, things hard for your guy,
As you dey London, try reason your guy.

Exchange rate don drink, the matter don high,
If You send the pounds now, na jump to the sky.

Kambo my guy, me go dey expect reply,
As palava red for me, me no go shy.

Kambo my guy, no tear this letter.
No put am for corner and dispose it later.

Kambo my guy, shey you still remember,
You tell me that year say we go always dey together.

Kambo my guy, my ink wan finish,
Abeg write your own too, when you read am finish.

Kambo my guy, stay safe my bro,
Ehhhh! I don forget, help me greet Nero.

Kambo my guy!


Yours faithfully,

Pito Kalamase.



By Olowo Tosin John.

flow1759:
"Boda Ola mami is very sick, they say she have council!"

"Council? Wetin be council?" Ola was shocked; he thought his mum now owns a council.

"Council na! The doctor say she get council na!" Funke repeated.

"Okay! Cancer! Mama get cancer?" Ola's jaw dropped, "How? When? Who give am?"

"Boda i no know who give her oh!" Funke answered.




"Ola na me and you go chop that Amala wey your sister bring come ooh" Ogbonta booked.

After munching the plate of Amala with Ogbonta, Ola said, "my mama go soon die! She get b'reast cancer"

"What! How na?"

"She go soon die, my sister say na only 5 weeks she get to survive" Ola's eyes was clouded; it was about to rain.

"Ahaan! You wan cry? Ola! Na man be ooh!"

"Na man i be! Na man i be!" Ola tried holding back the tears.

"Ola no cry, Iya Funke no go die!" Ogbonta tapped Ola at the back.

"I don give Fu-fu all the money wey i don win for chakachaka since wey we come this prison" Ola murmured.

Fu-fu is no one else but Funke. Truth is she looks like Fufu the swallow when she makes up, she smells like it when she puts on her Ologbo perfume made in Mokola Ibadan.

Chakachaka is the prison pet-name for gambling. Soon Ola was the king of chakachaka in his cell.

"How much you give Fu-fu?" Ogbonta asked.

"I give her 15k! The 15k wey i give them this warders make them keep for me!"

"Nonesense! Na 15k go cure cancer?"

"But na wetin i get na!"




"Nnamdi help me ooh! Them go kill me oooh! The other cell mates was beating the living day light of Ade.

Oga Boss Flow! Hope You hearing from Man, PKC, Snoop, Baba Jay, Brainbox, Tupac, Bigie, Tega,. Pls I will like to know #ManWeyDeyReason.

Cc. Seun
Cc. Lalasticlala

"I no wan talk too much but I gat to say something". Hello Everyone. Here is a Nostalgic piece of mine titled 'Squad Five' #Enjoy.

We no plenty for compound,
But we had a squad.
The connection, love, was more than a bond.
Other pikins across road go dey look from afar,
They tried to be us, but flow below par.
Memories fresh for head just like yesterday.

Na me spread hand like person wey wan fly,
Not for once, was I quiet or shy.
Na me dey first shout 'Up Nepa'!, I was the P.R.O,
You shout am before me, 5 naira you owe.
Although I too like attention, I like to talk,
My whyning as two-phase blow, you no fit block.

The guy wey put hand for my shoulder,
Was called General Ali.
With his 'lenge-lenge' stature na baba for'gidigbo',
He dey deal with anybody wey e two head sure for am.
But he mess too dey smell and he no dey admit,
Just to dey frown face dey go with his torchlight eye.

The guy wey dey the edge of the right,
Was called Mr 'Kokoli'.
Na for junction he mama dey sell koko and akara.
So anytime we hungry, we go there to order.
But he too like argument,
'Kokoli' stubbornness no dey gree.

Directly posing at my back,
Was called 'Presido'.
Na him know book pass, he mama na teacher.
Na because of assignment we give am presido,
Make he head for dey swell anytime we call am.
But he too dey slow, everything na 'jeje'.

Now to the 'olori' of the squad,
She was always very shy.
As she no dey follow us enter trouble,
She had a way of bringing us out,
We taught her how to be a goalkeeper,
But she dey always leave post for shot.

We no plenty for compound,
But we had a squad.
The connection, love, was more than a bond.
Other pikins across road go dey look from afar,
They tried to be us, but flow below par.
Memories fresh for head just like yesterday


By Olowo Tosin John

Cc. Mr Seun, Mr Lalasticlala.

"I no wan talk too much but I gat to say something". Hello Everyone. Here is an insightful piece of mine titled 'when time flies'. Enjoy.

When time flies,
Its wings spread changes,
To things not meant to be touched.
But how compensating is the memories we get?
Knowing it's willing to slip into the arms of 'forget'.
When time flies! moments are moved.

Ireti,
'Oko ati Iyawo' we were called,
At first 'Mama Segun' started it,
Then the whole area of 'Limbe' anthem along.
We got used to it,
And played our roles well for years.
The bond not just thick,
Our face was the mirror to us.

When time flies,
You are aware in unaware,
Changes explodes once realised.
No matter how skilled with the pen,
Time's back can't be drawn.
For it moves forward,
In slow, pace, and speed.

Ireti,
Remember the punch I gave to Bayo,
When he took your beads, making you cry,
I even served him sand to take a full taste.
When you laughed in your smile,
I widen my dust painted cheek at you.

When time flies,
New in now replace before in then,
As Young becomes old,
And old waits go.

Ireti,
It was at Jerry's birthday party,
We were called the couple we tried to be.
Staring at this picture,
I now see what 'Mama Segun' saw.
But time flew and blew it all.

The last time we held hands was in '08,
Before OAU called You,
And UI called Me.
Then time brushed its wings,
Flying high into the blue sky.
Distance didn't come and go,
It appeared and stayed.

Ireti,
It's been 9 good long years.
I heard you are married now,
The man is indeed lucky,
He should always jump for joy.
And thank time for flying.

Well am photographer now,
My dream from the start.
In case you reading this,
Just know I Miss you.
Don't come looking for me,
And I won't come looking for you.
Enjoy your marriage!


By Olowo Tosin John

"I no wan talk too much but I gat to say something". Hello Everyone. Here is Alumni-comic piece of mine titled 'School Wey I Dey Go' #Enjoy.

School wey I dey go na Command!
Very unique, another you can't find
If you dey for Ikeja, check Maryland,
You no con see am, you need an eye scan.

School wey I dey go na Command!
Uniform alone na very better brand.
The shirt green small, the trouser green big,
Wear am together and everything go just click.

School wey I dey go na Command!
Discipline wey dey, dey all round.
'Mini pako' for head, the cain dey pain.
We squeeze face small but later we gain.

School wey I dey go na Command!
We fit stumble small but not the ground.
Common sense plenty, our 'OT' dey broad.
Unity bright, we move in one squad.

School wey I dey go na Command!
Our girls too fine, their 'shuku' dey stand.
Them boys be king, they get correct swag.
Charisma too flow, we no dey lack.

School wey I dey go na Command!
'Hail Alma Mater' na the anthem sound.
Command no be school of yesterday,
Her tradition in excellence paves the way.


By Olowo Tosin John

"I no wan talk too much but I gat to say something". Hello Everyone. Here is an insightful piece of mine titled 'Oga Tailor' #Enjoy.

Oga Tailor! I wan sew a new cloth,
Ready your biro and start to dey jot.
How the cloth go be, oya make I tell you,
No give me billing, me still dey for school.

Oga Tailor! I wan use am for party.
'Oyinbo Pepper' wan marry my aunty,
Put this for mind, as you press machine,
If you give me rubbish I go throw am for dustbin.

Oga Tailor! oya make we con talk,
No disappoint, don't leave me in shock.
My brother na solider for 'Army Navy',
If you do anyhow, no con beg me.

Oga Tailor! make I con tell you the style.
Sew am well well, me wan feel very fly,
To impress Ireti, my crush of tey tey.
So do am confirm make I double the pay.

Oga Tailor! hope the pen is writing?
I wan to start to yarn, oya do the jotting.
Write am well well, no later tell me story,
If you love yourself and you like your money.

Oga Tailor! don't worry again,
Our family tailor dey for the other side.
He sabi wella, he dey sew anything.
I go give am the cloth make he do am for me.


*Yepa! Yepa oo! Oga Tailor! why bottle for my head?*



By Olowo Tosin John

Thanks Boss. I really Appreciate. GOD Bless You Amen

"I no wan talk too much but I gat to say something". Hello Everyone. Here is an insightful-comic piece of mine titled 'Olopa Kondo'. #Enjoy.

He no get gun, 'shakabula' no dey,
But if he catch you, na your head go pay.
Kondo for the left with support from the right,
Always on motion,' Mr day and night'.
If you get two head and e sure for you,
Olopa Kondo! is the right man for you.

Olopa Kondo! dey always patrol,
In his 'leggedis benz' or '98 volvo.
Six o' clock in the morning, he dey junction,
11 in the night, 'Kondo' still dey function.
No try to run, na Mr 'shortcut',
As he block you for corner, 'Kondo' na the fast court.

Olopa Kondo! na popular jingo,
But na 42 years and he still dey single.
As all the 'sisi' for area dey respect dey go,
Nobody wan put head for 'kondo' love flow.
You see that girl, Olopa Kondo like her,
But na the blood sister of that danfo driver.

Driver wey be say na he chop 'kondo' pass,
Like moi-moi for jollof, he dey chop as he pass.
Left to her, she don gree already,
Na just the elder brother dey flex 'agidi'.
As the two meet con drop the main pride,
E remain to fix date to con carry the bride.

On that Saturday, Olopa Kondo wear suit,
Na fine bobo before, he just look more cute.
As 'kondo' no dey for hand, everybody feel relax,
Nkechi con enter, see shape of 'hour glass'.
'You may kiss the bride' baba no evenwaste time.
If e tey for eye, but each person get their time.

As they play the gbedu, everybody start to dance,
Con see people, Olopa Kondo get fans.
Food yapa, drinks just dey flow,
Nylon bags plenty as they they pour from the bowl.
After that day was the honeymoon,
But am very very sure, the kondo will come back soon.


By Olowo Tosin John

Thanks Oga Boss. I really Appreciate. GOD Bless You Amen

"I no wan talk too much but I gat to say something". Hello Everyone. Here is an insightful piece of mine titled 'Letter to Simbi'. #Enjoy.

Back then when we dey call you 'coke and coat',
You go just smile as your dimple go dey float,
So shy, so quick to laugh.
How I go forget how you dey tie your scarf,
E go round e go round, so firm on your head.
The waka of your steps was straight e no bend.

You were just 12 when you sabi all the countries,
I remember you said it wasn't more than practice.
Na book for the day, na same for the night,
We thought we saw it coming, the very bright height.
Na you be the example dey say make we copy,
Although some be jealous, some no worry.

They say time dey fly, people dey change,
Abi na when una park comot bring the new page?
As I dey rack my brain, my thoughts dey on tour,
For how 1+1 wey be two con dey enter four.
Even girls wey be slack later moderate,
But how your own con be, should we call it fate?

Your long gown before don be skimpy skimpy,
Your house-school to church don be party party,
The shy I sabi don be open open,
That 'kneeling knee' don be broken broken,
The good girl I know has really been tuned,
Simbi! what really happened?

But me no go judge, I know say stories dey,
But if na to retrace the path, I know say way dey.
How you con be like this still leaves me in shock,
Like motor engine wey no give sign to knock.
My faith in you still plenty like ever before.
I pray you realise quick, before you sink it all.

Meanwhile, I go soon marry Shade,
That your slim friend, the sister of Wale.
Shey you hear say Funsho don travel out,
Una neighbour pikin with the very big mouth.
As we no happy how we dey see you,
I took it upon myself to write to you.

From Texas.

By Olowo Tosin John